“Juon Bwebwenato in Mijenede eo Ejeraam̧m̧an: 60 Iiō in Kōm̧m̧ane,” Liaona, Juļae 2024.
Juon Bwebwenato in Mijenedeeo Ejeraam̧m̧an: 60 iiō in Kōm̧m̧ane
Juōn iien eo elem̧ōņōņō n̄an aō ron̄ ke juōn ine in gospel in emōj kaalbwini e jet iiō ko remootļo̧k kar jebar kōn leen.
Pija jān Carolyn Vibbert
Ekar aolep iien em̧m̧an ippa Katak im Bujen Ko 18:10: “Aorōk in jetōb ko ekanooj ļap ilo mejān Anij.” Im jet iien ebōk elōn̄ iaad n̄an jerbal ippān doon ilo kwaļo̧k naan in kamool n̄an bōktok jetōb ko n̄an ippān Rilo̧mo̧o̧r eo (lale 2 Korint 13:1).
Kar kakkememej eō kōn iien in em̧m̧an n̄an kobaiktok jerbal in mijenede ke iaar bōk juōn aō email juōn raan. Juōn brother me ej ba ej nejin mijen bureejtōn eo ilo Wichita, Kansas, kar ļōmņak n̄e n̄a eo pāleen Robert Monson. Brother in eaar etal wōt im ba e ej kapukote Elder Monson me ar jerbal ilo Central States Mission ilo 1959. Ļeo kar ippa en.
E ear jiron̄ tok eō kōn ruo mijenede jidik ro me rar en̄jaake kiiō deļon̄e juon em̧ apartment. Rekar kaļļaļļaļ ilo kejem eo jinoin tata im lo juōn leļļap erūtto kar ba ren rool tok raan eo juon. Rekar bar kōmman juon aer ien.
Ke rej bar roolļo̧k n̄an iien eo rekar karōke, rar lo bwe leļļap in ewōr an bok kein jilu ippān doon, (Bok in Mormon, Katak im Bujen Ko, im Bōōr eo Eļap Wōņāān) mijenede ro rar leļo̧k n̄an e ilo 1959. Liin emōj an kar riiti bwijin kōttan im jeļā ke katak kein ie rej m̧ool. Liin ear koba tok ilo Kabun̄ in kōnke ļeo ippān ar jab kōnan bwe en pād lo kabun̄ in ak bwe en peptaij. Ļeo pāleen emōj an mej kiiō, im liin ear jar im kajitōk bwe en maron̄ bar ioone mijenede ro. Ilowan bok in jar an rej pād ie et ko etan mijenede ro ruo jān 1959: Robert Monson im Granade Curran, ļeo ippa kab kampānien eo an.
Ilo kar wiik ko tok jet, kōrā in ekar ekkatak kōn karōk in lo̧mo̧o̧r eo im kōjeraam̧m̧an ko an tampeļ eo. Ļeo nejin ear mej ke ar 22 an iiō im liin ear iruj lo̧jien ilo an maron̄ bar koba ippen. Ke mijenede ro rar kajitok ippān n̄e ekōnan peptaij, liin ear lukkuun mōņōņō in kar bōk kajitōk eo.
Jim̧or ļeo ippa kab kompānien eo an, Elder Curran, emōj aer ro jako, bōtaap ij etan wōt n̄e lo aer pād ilo peptaij in aebojooj jān lo rōn̄ōl eo.
Ilo an ļadrik eo nejin mijen bureejtōn eo kar ba tok n̄an n̄a bwebwenato in, ej kakkememej eō ke Rilo̧mo̧o̧r eo ebban meļo̧kļo̧k jabdewōt iaad wōj. E enaj pād ippād aolep ien eļan̄n̄e jenaj kōtļo̧k An pād lo mour ko ad. Kallim̧ur Ekāāl eo ej jiron̄ kōj bwebwenato in Zakkiōs, e eo me ear wanlōn̄ e wōjke sikamor eo bwe en lo Rilo̧mo̧o̧r eo (lale Luke 19:1–10). Jekdoon ijo ilōn̄ lo wōjke eo, Rilo̧mo̧o̧r eo ar lo Zakkiōs, eo ar kajitōk n̄an kejota ilo m̧weo im̧ōn. Ejja āinwōt, juōn sister erūtto eaar jar im kar kōttar an mijenede ro kaļļaļļaļ ilo kejem eo an, im rekkar. Rilo̧mo̧o̧r eo ejeļā kajjien kōj wōj aolep. “Bwe Nejin armej ej itok bwe en pukot im lo̧mo̧o̧r eo [e] jako” (Luk 19:10).
Ruo pea in mijenede ro—juōn ilo 60 iiō emotļo̧k im bar juōn kiō—rekar bōktok sister in n̄an Jisōs Kraist im ilo ar kakkajoor naan in kam̧ool ko aer make im rar lo lan̄lōn̄ ilo Irooj. Ij lukun ettā bwe imaron̄ juon eo ear loe men ko raar waļo̧k ilo bwebwenato in, en̄jaake juon lan̄lōn̄ ilo an aolep kar bōk kuņaer ilo boktok sister in n̄an Rilo̧mo̧o̧r eo (lale Katak im Bujen Ko 18:15).
Rijeje eo ej jokwe ilo Utah, USA.