“Anij Ekar Kwaļo̧k n̄an N̄a ke Ewōr juon Aō Wūn,” Liaona, Juļae 2024.
Pija ko an Tōmak
Anij Ekar Kwaļo̧k n̄an N̄a ke Ewōr juon Aō Wūn
Ikkar wōtlok jān juōn wōjke, ak Irooj ar kejparok eō bwe in maron̄ ukōt mour eo aō im jipan̄ armej rot rejjab maron̄ makūtkūt āinwōt n̄a.
Pija ko jān Christine Hair
Ikkar etal n̄an juōn kweilok eļap an kabun̄ ippān ledrik eo jeiu ke ej kajitōk bwe in tallōn̄e juon ni im jolok bwijin ni n̄an ien kweilok eo eļap. Ke ij jino aini ni ko ilo ijo ilōn̄ tata ilo ran ni eo, ejjab to jān iien eo ar marok tok meja im iar wōtlok. Iar jok kōn ālikū im jab maron̄ bar en̄jaake neō.
Rar bōklok eō n̄an aujpitōļ eo, ijo taktō ro rar kajjeon̄ kajimwe di ko ālikū. Iumin jilu allōn̄, iar babu kōn ālikū ilo ojpital, jab maron̄ bar jijet. Elukkuun kar ben im kaburomōjmōj iien kein. Ikijon̄ babu wōt jo im lōmnak ta eo enaj walok n̄an n̄a im ta eo inaj maron̄ kōmmane ālkin jo.
Kapilōk ippān Irooj
Ālkin allōn̄ ko jilu, rekkar jiron̄ eō bwe in etal n̄an New Zealand in ten mijmij likkō. Mijmij eo ar kōmman bwe in maron̄ jijet im jab babu wōt. Ke iar bed ilo hospital eo ilo New Zealand, iar ioone juōn ledrik eo ej jerbal ijo. Liin ekar kajitōk ippā, “Ijelā ke kajeem? “Āinwōt iar lo kwe mokta.”
Innem kōmro ar jino bwebwenato. Liin ear kwaļo̧k kōn gospel in an Jisōs Kraist im ekar letok juōn Bok in Mormon. Kar mokta, ikkar jab riiti. Iar likit turin jikin kiki eo aō im jab kar jibwe. Bōtap juōn raan, ke iar make iaō im ejelok men en emman n̄an alooje ilo tv eo. Ikar lo Bok in Mormon eo lo ran tabōl eo aō. Ikkar kepellok e im jino riit im riit.
Ke iar riit, iar jino en̄jaake bwe ear wōr juōn men eoktak kōn Bok in Mormon in im bwe emaron̄ wōr ie gospel eo em̧ool an Jisōs Kraist. Ledrik eo ilo hospital ekar kōkkalleiki jet iaan eoon ko, im juōn iaer ej Alma 37:37: “Pepe ippān Irooj ilo aolep kōm̧m̧an ko am̧, im Enaaj tōl eok n̄an aenōm̧m̧an.”
Naan kein rar lukkuun aorōk im kar kōm̧m̧an aō loi im lōmnak kaki. N̄an jelā eļan̄n̄e Kabun̄ eo an Jisōs Kraist im Armej ro Rekwojarjar ilo Raan ko Āliktata ej Kabun̄ eo emool, Iaar jelā ke ij aikuj in kar kennan ippān Irooj. Iar kōnan tal in make lale elmen kabun̄ in.
Ekar Jako Aō Kōjātdikdik.
Ke ikkar rol jen New Zealand, iaar kūr tok mijinede ro bwe ren ten katakin iō. Ke ikkar ekatak, iar ejaake juōn naan in kamool ke en̄n̄in ej Kabun̄ eo an Kraist. Ij kamolol mijenede ro me raar katakin eō. Ilo kar ien baptaij eo aō, rar lukun kajoor n̄an aer kotak n̄a n̄an lo den eo—juōn iaer ar likit iō aeran im eo juōn ej kōmmani baptaij eo.
Jen wōt baptaij eo aō, aolep en̄jaake ko in buromōj ejeļo̧k kōjetrikrik rekar jako. Ijelā ewōr juon aō wūn ilo mour in im bwe Anij ej iakwe eō.
Mokta jen aō kar paptaij, ikijon̄ jook kōn n̄a make kōnke wiiljea eo aō. Ālkin aō kar paptaij, iar jino itok n̄an ward eo aolep Jabōt im kobalok bōk koņaō m̧akūtkūt ko an irumman ded ro. Ikijon̄ bar etal n̄an iien eep ko an stake, eeb ilo wiiljea eo aō kōn aolep al. Iar bar kobalok ilo juōn doulul in ri Samoa ro e jorren dilepieer.
Iar kile ke emōj mour jān aō en̄jaake ke ij aikuj in kittilek. Kōn Kabun̄ in, iar jino make lōke n̄a make in etal ilubwilej in armej.
Irooj ar bar jipan̄ n̄a un n̄a make im eddōk ke kar kapilōk iō bwe pād lo juōn burokuraam jilu iiō aetokin ilo Cambodian School of Prosthetics im Orthotics (CSPO). Ikar jab lukkuun jelā n̄e imaron̄ kobalok ilo pōrokram in kōnke ejelok en ej wiiljea renan̄n̄in kar bed ie. Bōtap, kōn men kein remman iaar maron̄ in bed ilo CSPO ilo Cambodia. Iaar kadiwōjlok jān jen āinwōt juōn rijikuul eo moktata me ejaje emakūtkūt ej kab bed lo bwebwenato.
Mokta jen aō kar peptaij, Posenai ar en̄jaake jook kōn an pād ilo juon wiiljea. Ak ālkin an kar baptaij, ej ba, “Iar bōke juon lōke n̄an bar ilok ilubwilej in armej.”
Ālkin aō rooļo̧k n̄an Samoa, Iar kōnono ilo juōn nokin in jota an YSA kōn ejmour. Ālkin kar kweilok in, juōn kōrā ear jorjortok n̄an ippa im irik peiū im ba n̄an n̄a liin ear emman ippān kōnono eo aō. Lagimanofia ej kab rool jān mijen eo an. Jān jinoin iien eo iar loe e, iar en̄jaake ke ilukkuun kwon ippān. Ikijon̄ jar bwe in maron̄ loe juōn eo emaron̄ in juon kompāniōn im me enaj iakwe eō im bōk eō.
Ke kōmro Lagimanofia ar jino date, liin ear lukkuun kea kōn n̄a im bōk n̄a, im baamle eo an rar jipan̄. Kōmro kar marre, im mour ko amro rar oktak n̄an indeeo ke kōmro ar kakajiririiki Posenai Jr. Anij ar kepooj kōm n̄an kajiririiki e. Ilo an bed ippām elukkuun kamōņōņōiki mour kein am̧.
Ij Maron̄ ke Jerbal?
Ilo mōn jar en, kar kūr Eō bwe in juōn rijeje an ward eo im tokelik juōn rikakpilōklōk ilo bisoprik eo. Iar jab tōmak ke juōn armej eo ej ped lo wiiljea emaron̄ in kar jipan̄. Jorrāān eo aō ear kōmman menin aō lōmnak ke ejelok tokja, bōtap ilo aō jerbal ilo Kabun̄ in ar kōm̧m̧an menin aō en̄jaake ke elukkuun lap tokja im jipan̄ iō kile ke imaron̄ bar jipan̄ ro jet. Ilukkuun iakwe iien kein me rej kōm̧m̧an menin aō epaake lok Jisōs Kraist ilo aō jerbal.
Āinwōt juōn rikakpilōklōk ilo bisoprik in, Iaar kōnan bwe ren tōl eō bwe in maron̄ emman lok ilo kūr in aō. Menin ar kōm̧m̧an menin aō kōnan bwe en laplok aō kepopo n̄an Jabōt ko kajojo. Kiō emōj aō bōk juon iminene in riiti jeje ko rekwojarjar, im iar bōk iien ko remman n̄an aō kwaļo̧k naan kamool ko aō. Āinwōt juōn ritōl lo mōn jar en ebareinwōt jipan̄ eō bar erom ritōl ilo jikin jerpal. Iar kalōk en̄jaake eo ke imaron̄ tōl im kenono, im kōtlok bwe in maron̄ tōl ilo ijoko jet.
Kiō ij jerbal āinwōt juōn principal ilo Prosthetics im Orthotics Department eo ilo Tupua Tamasese Meaole Aujpitōļ, ilo aujpitōļ eo elap ilo Samoa. Department eo aō emaron̄ bōk 500 armej juōn iiō ippān kein etetal im wiiljea. Kabun̄ in, ippān lok Ministry eo an Health eo an Samoa, ej jipan̄ kōn wiiljea ko im men ko kōbwebween n̄an kōm̧m̧an prothetica (lale philanthropies.ChurchofJesusChrist.org/humanitarian-services). Kein jipan̄ armej rein bwe ren maron̄ bar rol in jerpal im make un̄ñn̄r e peid make. Rej bar lelok n̄an er kōjetrikrik im bar maron̄ kōrol e n̄an juōn mour eo ar jako jen er.
“Jerbal ilo Kabun̄ in ar kōmman menin aō en̄jaake an wōr tokja im kile ke ij maron̄ bar jipan̄ ro jet,” Posenai ar ba. “Ilukkuun iakwe iien kein me rej kōm̧m̧an menin aō epaake lok Jisōs Kraist ilo aō jerbal.”
Pedped ioon Irooj
N̄e in kar lelok naan in kōkapilōklōk n̄an ro rejjab maron̄ makūtkūt, In kar ba, “Jab kōtlok am jaje makūtkūt kapōjrak eok jān ta eo kwōj tōmak ie. Likit buruōm ilo ta eo koj kōnan kōtebar im buul kate eok n̄an e. Ilo am bukōt jipan̄ eo an Irooj, E enaj kōjeramman eok [lale 2 Nipai 32:9].”
Kōn tōmak in, iar wōnmaanlok wōt, im menin ekar kōm̧m̧an bwe in wōn n̄a rainin. Ij tōmak ar likōt iō ijin im kar kejparok eō kōn juon unin. Ikkar wōtlok jān juōn wōjke, ijoke Irooj ar kejparok eō bwe in maron̄ ukōt mour eo aō im in kōm̧m̧an menin ñan jipan̄ aolepen armej rein. Irooj ar katakin eō bwe in maron̄ jipan̄ elōn̄ armej—jab maron̄ kōjekdoon aō mōjno ak kōn wōt menin.