“Ta eo Jemaron̄ Jar Kake?,” Liaona, Juļae 2024.
Itok, Ļoor Eō
Ta eo Jemaron̄ Jar Kake?
Ilo Alma 33 im 34, rej katakin kōj bwe jemaron̄ jar jabrewōt jikin, jabrewōt ien, im kin jabrewōt men. Errein jet iaan waanjon̄ok ko in kajojo ro rej jar ilo ien ko reoktak jen doon.
Ilo am naaj riiti ta kein rar walok, lemnak kin jet ian wāween ko kwar jar “ioon menin mour ko ilo meļaaj ko am̧” im “ilo ruum in jikin nuknuk ko am, im ilo ijoko jikūm rettinno, im ilo am̧ āne jem̧aden” (Alma 34:25, 26).
Juōn ian Armej ro Rekwojarjar ilo Raan kein Āliktata nae etan Alma Richards ar bed ilo Olympic team eo ilo 1912.
Jar ilo kar Olympic ko
Juōn eo ejelā kālōn̄lok, Amy Richards eaar mōttan 1912 ro rej ettōr ilo Olympic eo im raar jiāe ilo Stockholm, Sweden. Ilo kar ien jiae in, ro jet raar to lok juōn lok juōn mae ebed wōt Alma im bar juōn ri ikkure.
Ke Alma eaar poojakin bar ikkure, ej lukuun m̧ad. Ke e in kiō, ej jutak kin lal eo an ilo jikin jiāe ikkure in elap ilo aolepen lal in. Ekar kijer in en̄jake mōjno, im einwōt ke aolepaolep kōjātdikdik im pād ilo aeran. Ekar lōmnak kin Utah, baamle eo an, im mweo mōn. Ekar lōmnak kin BYU im Armej ro Rekwojarjar. Ekar jillok, wunoojrikrik im kajitok ibben Anij bwe en lelok n̄an e kajoor. ‘Ñe ejimwe bwe in win,’ ej ba ilo jar eo an, ‘Inaj buul kate iō bwe in kōm̧m̧an waanjon̄ok ko rem̧m̧an ilo aolepen raan in aō mour.’”
Ilo an kar bōk kajoor jen Iroij, Alma ear kappin̄ im kalōn̄lok ioon allal eo. Ke eo juōn ear jab maron̄ le jān allal in, Alma ar win i gold matōl eo.
Ālkin ien in, juōn mōttan ar kakktōtō iki kōn an kar jar mokta jen an kar kālōn̄ļo̧k im win. Ijjab kōnan bwe kwōn kar kajirere, Alma ej uak lok. ‘Iar jar n̄an Iroij bwe en letok kajoor bwe in le lōn in allal eo, im iiar kājoon e.’”
Jar ilo juon kona e Tōrerein ial
Ilo 1898, Inez Knight im Jennie Brimhall rekar kōrā ro jinoin me ejan̄n̄in wōr pālleer me rar kūr er bwe ren ten mijenede n̄an Kabun̄ eo an Jisōs Kraist im Armej ro Rekwojarjar ilo Raan Kein Āliktata. Ālkin aer ro tebar jikin jerpal eo aerro ilo England, kōrā rein ruo rar etal in kwalok ilo Oldham, juōn jikin jirikrik ilo turin Liverpool.
Inez Knight im Jennie Brimhall rar jar im kajitōk jipan̄ kin jerbal in mijenede in aerro ilo England.
Tu anbwijmaron̄: pija in kautiej an Jennifer Whatcott Hooton
Sister rein ruo, mijen būreejtōn eo aer, im mijenede ro jet rar koba ippen doon ilo juōn jota. “Rar kōm̧m̧ane juōn doulul ilo juon kona in ilo tōrerein ial, kar kōm̧m̧an jar, im al al in jar ko mae iien juōn jarlepju rar itok im kapooļ e er.” Kōn tōprak in jerbal in ekōm̧m̧an bwe mijen būreejtōn in en kwaļok ke enaj wōr juōn kweilok lo raan eo juōn, im ear kūr aolep bwe ren itok im ron̄jake ‘mool in kōrā in Mormon rein rej kwalok naan.’”
Jar kōn Waan Emakūtkūt
Sahr jān Bo, Sierra Leone, raar itoitak kōn taxi n̄an juon eria n̄an bōk wūno ko raar lukkuun in aikuji n̄an ro ippān rūtto ro jinen im jemān. Etto an kar pād jen an kar ļōmņak in an kar jipan̄ ritto ro kōm̧m̧ane bōrwaj eo aer ro, me jorrāān jen juōn kōto. Jān iien eo ear mōj kar kōm̧m̧ane, ejok marok eo.
Kōn an lukuun bon̄, einwōt eban wōr taxi ej itok. Sahr ar jino inepata. Ilo an ejelok juōn taxi, e enaj aikuj in rool lal lok bwe eban ettolok im wōt ak enaj bar āinwōt kauwatata. Pād ilo m̧weo mōn jinen im jemān eaar jab juōn kālet kōnke e eaar aikuj rool mōkaj bwe ewōr juōn an jerbal in jipon̄ tata in raan eo juōn. Dedeen ke, e ejjab kōnan likūt baam̧le eo an im kōmake ki ilo bon̄.
Jar kōn juōn waan taxi āinwōt ekōjak jidik, bōtaab Sahr ear kajitōk ippān Anij n̄an jipan̄ e rool n̄an m̧weo mōn. Jet minit tokālik, juōn taxi ear itok, ej kab mōj an ekitwe juōn armij ilo ijo ekkā an ejelok wa ie. Sahr ear m̧ōņōņō in uwe, im kar en̄jake jeramman bwe e enaj maron̄ pād mweo mōn ilo eļap iien n̄an kōjeparok kallimur ko an jerbal eo an im kejpārok bamle eo an.
Jar kōn juōn Oktak in Jikejool
Brother Miguel Troncoso jen Santa Cruz, Argentina, ar reimanlok n̄an an ron̄ an Elder Carlos H. Amado jen Jiljillimjuonn̄oul kar kōnono ilo stake eo an. Ijoke rar karōk Elder Amado bwe en kōnono ilo juōn jotenin in Juje, im Brother Troncoso, juōn rikaki ilo high school, ear aikuj in rikaki ilo juon jikuuļ joteneo. Kōn an pen n̄an pād ilo ien kweilok eo, e im baam̧le eo an raar jar kōn jipan̄.
Brother Troncoso ear ba kōn ta in ar waļok n̄an e:
“Raan eo mokta jān kweilok eo, Iar en̄jake n̄an kōnono ippān pirinjipal eo emakūt 20 minit mokta jān an jemlok kilaaj eo. … Mokta jān aō ba juōn naan, liin ekkar kajjitōk ippa n̄e imaron̄ jāniji awa in ijjino kilaaj eo ilo Juje n̄an ruo awa mōkaj jen kijon̄ jinoe. …
“Lukkuun kar juōn kōjeram̧m̧an n̄an kem. Kōm kar tōpar ļo̧k kweilok eo ilo eļap iien im kōm kar lukuun en̄jaake Jetōb ilo an kar pād ippān juōn iaan ri kaloor ro an Irooj. … Ilo kakkobaba, ear kajoorlok naan in kam̧ool ko am einwōt juōn bamle ke Jemed Ilan̄ ejellā ta ko jej aikuji im ej eoron̄ jar ko ad.”