“Juon Kōppopo Aiboojoj n̄an Mour,” Liaona, Juļae 2024.
Juon Kōppopo Aiboojoj n̄an Mour
Ta ko likao im jiron̄ ro rej katak ilo juon mijen enaj kōjeram̧m̧an mour ko aer n̄an indeeo.
Jān tōrre ko jej rik, ikkar po būruō jān kijejeto ko an mijenede ro. Ilo juon iien kwojkwoj ilo kar ilo branch jidikdik eo aō ilo Minas, Uruguay, juōn mijinede ar kwaļo̧k an naan in kamool im kwaļo̧k en̄jaake ko an kōn mijen eo an. Naan ko an rar bed wōt lo lōmnak e ao kab ilo buruō.
“Juōn raan,” Iaar ba n̄an n̄a make, “Inaj jerbal juōn mijen.”
Jet iien tokālik, āinwōt juōn priest, iar bōk juōn iien em̧m̧an n̄an bed ippān mijinede ro ilo ekatak ko. Ar juōn iien eo ibban meloklok n̄an erom juōn mijinede ke ar 16 iiō retta!
Ke ar 18 aō iiō, jet ian jodikdik ro lo branch eo ao rar rooltok jān aer kar mijen, kobalok ippān ledrik en jeiū Ana, eo ar rooltok jān an mijen ilo Argentina. Iminene kein aer im naan in kamool ko aer rar lukkuun un̄n̄ūr buruō.
Ke ar epaak tok iien an 19 aō birthday, iar kōnan lelok etta n̄an wōnmanlok im kwalok gospel in an Rilo̧mo̧o̧r eo im jerbal ilo jikin kallip in An (lale Katak im Bujen Ko 75:2). Iaar poojak im jilkinlok pepa in mijen ko aō. Ke ar itok pepa in kūr eo aō, iar kepeloke leta eo Būreejtōn Spencer W. Kimball ar jaini im iar riiti im ej ba ke Inaaj jerbal ilo Uruguay/Paraguay Mission. Ij tōn jerbal ilo laļ eo aō make! Ikar mōņōņō bwe iar imaron̄ kwalok “[kabun̄bun̄ļo̧k] naan ko rem̧m̧an in lan̄lōn̄ eļap, em̧ool gospel eo ejjeļo̧k jem̧ļo̧kin” (Katak im Bujen Ko 79:1).
Ikar tōbar lok mijen opij ālkin ruo awa in an baj lok n̄an Montevideo, Uruguay. Mijen Bureejtōn eo ar kōjenolo̧k eō āinwōt juon mijenede an Kabun̄ eo an Jisōs Kraist im Armej ro Rekwojarjar ilo Raan Ko Āliktata im letok juōn mōtta. Ālkin rāelep en raan eo kōmro ar jino kallallal ilo mōn armej.
Ilo kar jinoin, ekkar lōn̄ iien ko me mijen eo ar jab lukkuun kaitoktok limo in n̄an n̄a im āinwōt aō kar lōmnak en kar. Kam̧oolol bwe, kampānien eo aō ar juōn eo me ejpokake im lukkuun jelā jerbal im ar jipan̄ n̄a loe lan̄lōn̄ ilo in jerbal in an Irooj. Waanjon̄ok ko an rar kejeramōn eō ilo aolepen mijen eo aō.
Bōtap keppopo eo aō n̄an jerbal eo an Rilo̧mo̧o̧r Jisōs Kraist ar baj jān mokta lok wōt.
Ekar jino kōn juōn Kilip in Tai
Ilo Jānwode 1962, ke ar jiljino aō iiō, jet mijinede rar itok n̄an mōn wia marmar eo an jema in kabok bar juōn kilip n̄an binej tarrin kilip eo aer juōn rar kōjako iki. Iien eo rej pād ijo, rar ron̄ an juōn armej kōjan̄ e juōn kūtta. Ke rar kajitōk kake, jemā ar kadeļon̄ tok er im ar kwaļok lok kajjien leo mōttan.
Ilo iien aer bwebwenato, jema im leo mōttan rar kajitōk ippān mijinede ro n̄e rejelā kōjan̄jan̄ kūtta. Juōn iaer ar ba ke ejelā jidik. Leo mōttan jema ar lelok kūtta eo n̄an e im kajitōk an kōjan̄ e. Ekar jino kōjan̄ jet al ak likao eo mōttan ar al.
Jen wōt aer kar tōn pukōt juōn kilip in tai ar tōl n̄an kwaļo̧k kadkadin bamle e aō bwe jelā kōn gospel eo an Jisōs Kraist. Kōm ar erom jet mottan mijinede rein im kar jino ron̄jake ekatak ko aer. Inne eo ar jino kallip, im ar jino errōk, jino kin jinō, Elsa, im ledrik ro jeiu im jatu, Ana im Stella, innem n̄a.
Jān ran ne, juōn iakwe eo n̄an jerbal in mijinede ar eddōk ippān bamle e aō. Iar jerbal e juōn mijen, ladrik ro neju rar bar mijen, im kiō ajri ro jibū rej kiō jino kepopo n̄an im jerbal e mijen ko, kōmman bwe en kein kajilu epeepen rej jerbal in mijinede.
Ejjab biroro jerbal eo am̧ āinwōt juon mijenede. Ej bōk iien n̄an kepopo mokta jen an juōn likao ak jiron̄ poojak in etal n̄an jikin mijinede. Ijo in me ro jineir im jemeir, bamle ko, im Ritel ro remaron̄ kōmman waanjon̄ok im jerpal ibben doon in kepooj jorikrik rein ilo iiō maan ke rar rik wōt.
Juōn wāween jipan̄ kepooj ed kake ej n̄an kwaļo̧k kaminene kapeel ko ippāer. Kapeel ko āinwōt kejparok jāān, kwalkwol im aen nuknuk, keke, kōrabōlbōl juuj ko, kōmat mōn̄ā, kennan ippen ro jet, im jipan̄ er ilo jikin mijen ko aer. Pād ilo jemenere im institute enaj bar kepooj er im nepar er kōn ta ko rej ekatak m̧ōko im ilo doulul ko im kilaj ko aer lo m̧ōn jar eo.
Ad rieen ej aikuj wōnmanļo̧k wōt ke rej pād ilo mijen ko aer. Eaebojooj ar ron̄ kōn ta ko rej kōm̧m̧ani kajojo raan ilo mijen ko aer. Jej maron̄ m̧ōttan jerbal in ilo aer bar pukōt kilen tōpare ro katakin . N̄an waanjon̄ok, juōn jinen juōn ian kar mijinede ro me ar katakin bamle eo am ar kennan tok ippān jinō im jeje n̄an e ilo elōn̄ iiō ko, jipan̄ jinō bwe en pād ilo ial in bujen eo.
Ilo ad jipan̄ rein an ilju im jekļaj kepopo, jej aikuj kememej bwe jerbal in mijinede elaplok jān juōn iminene ilo Kabun̄ in—ej juōn kūr im kakkien jān Irooj (lale Matu 28:19). Ilo jinoin, Adam im Iv kar katakin er gospel in. Rekar katakin ajri ro nejier gospel eo (lale Moses 5:6– 12). “Im āindein Gospel eo kar jino in kwalok naan kake, jān jinoin, im kar kabun̄bun̄ļo̧k jān enjel ekwōjarjar ro kar jilkinm̧aanļo̧k jān im̧aan mejān Anij” (Moses 5:58).
Kwaļok in ej wōnmaanlok wōt im ewōr juōn jarlepju in mijinede eļōn̄ļo̧k jān 71,000. Ak jej aikuji bar elōn̄ļo̧k, im bar elōn̄ lok wōt, ilo maan lain—juōn jarlepju in mijinede ro im membōr ro.
Ta eo Jej Maron̄ Ekkatak ilo Mijen Ko Ad
Ke iar pād ilo mijen eo aō, iar jino iminene kake jerbal in mijenede im jino lōmnak eļapļo̧k m̧wilaļ ļo̧k kōn ennan ko ad. Ikar jelā bwe Kabun̄ in emool, ak iar bōk juōn ikidelel n̄an jelā ke elukun mool. Ikar jar, jitlok, ekatak, jerbal, innām kōttar n̄an bōk juon uwaak.
Ilo kar juōn raan in kar ekatak, Iaar kwaļo̧k bwebwenato in Visiōn eo Kein Kajuon an Josep Smith:
“Iaar lo juon jurōn meram lukkuun ioon wōt bōra, ilōn̄inļo̧k meram eo an al, eo ar wanlaļtak jidik ilo̧k jidik m̧ae an kar wōtlo̧k ioō. …
“Ke meram eo ar pād ioō iaar lo ruo Armej, ro meram im aiboojoj eo aer eaar eļļāļo̧k jān aolep wāween kōmmeļeļe, rej jutak ilōn̄ū ilo mejatato. Juon iaer eaar ekkōnono n̄an eō, im kūr eō kōn eta im ba, jitōn̄e ļo̧k eo—En̄in ej Nejū Jitōn bōro. Kwōn ron̄jake E!” (Josep Smith—Bwebwenato 1:16–17).
Ilo iien eo, Iaar en̄jaake an Jetōb Kwojarjar eo kwaļo̧k kam̧ool n̄an n̄a bwe ta eo ikar katakin ej m̧ool. Rikanaan Josep Smith ear lukkuun lo Jemān im Nejin, im Bok in Mormon eo ej naan ko an Anij im, kobalok ippen Baibōļ eo rej, kamool kin ad Rilo̧mo̧o̧r. Aenōm̧m̧an ta eo menin ej bōktok n̄an aō jetōb. Jekdoon iiō lōn̄lōn̄ kein tokelik, ej un̄ūr wōt buruō.
Mijen eo aō eaar āinwōt ke iar bar bōk juōn master degree in jetōb.” Ta ko likao im jiron̄ ro rej katak ilo juon mijen enaj kejeramman mour ko aer n̄an indeeo. Ilubwilejin elōn̄ men ko, rej ekatak:
-
Elmen ekatak, jar, katakin, im bōk pedped ko an gospel eo ilo mour ko aer kajojo raan.
-
Elmen kilen mour ippān juon kampānien iumin 24 awa juōn raan.
-
Elmen kōjparoke ejmour ko aer.
-
Ewi wāween karōk pepe.
-
Elmen kōkm̧anm̧anļo̧kjelālok kilen tel.
-
Elmen kilen tōpare armej ro jet.
-
Elmen kilen kapukōt, ron̄jake, im n̄an tōl jān Jetōb Kwojarjar.
Likao im jiron̄ ro rej jerpal in mijinede renaj kajoorlok im kepopo n̄an jelmae appan̄ ko an mour in ilo aer likit ta ko rar ekatak ke rar pād ilo mijen ko aer.
Rainin ej Raan eo
Ad jitōnburu rikannaan, Būreejtōn Russell M. Nelson eaar katakin:
Ejjan̄in kar wōr juon iien ilo bwebwenato an laļ in ke jeļāļokjeņ eo ad kōn Rilo̧mo̧o̧r eo ej lukkuun aorōk n̄an kōj make im jejjet n̄an aolep jetōb an armej. Lōmnak mōk ewi jon̄an an m̧ōkaj poktak kein renana ipelaakin lal in—im ro otemjej ilo mour ko ad kajojo—enaaj maron̄ ņa mejlaer elan̄n̄e kōj aolep ro rej ļoore Jisōs Kraist im eo̧ron̄ katak ko An.”
Rainin ej raan eo n̄an ad kwalok mantūr im peran im n̄an kwalok gospel eo an Jisōs Kraist. Rainin ej raan eo n̄an n̄an jodikdik ro nejid kepopo n̄an jerbal ilo jar en tarinae eo an Irooj ilo aer katakin ak jerbal in mijen. Lal in ej aikuj kom̧! Ewōr būkien n̄an kakkajoor, n̄an kajutak bā ko, im mool n̄an kwalok (lale Katak im Bujen Ko 81:5).
Laajrakin kūr in jān Irooj en kōmakit kōj n̄an jerbal im n̄an kotak mōttan nuknuk in kwalok mool kōn kajoor in.
“Lo, ij ba n̄an kom̧ bwe ej Ankilaō bwe kom̧in ilo̧k …
“Im kotake ainikiōmi āinwōt kōn ainikien juon jilel, im kabun̄bun̄ļo̧k m̧ool eo ekkar n̄an revelesōn ko im kien ko me Iaar liwōj n̄an kom̧.
“Im āindein, elan̄n̄e komij tiljek kom̧ naaj eddo kōn elōn̄ leen … im uwa kōn utiej, im wōj, im jab wabanban, im mour indeeo” (Katak im Bujen Ko 75:3–5).