“Mool Ko Ruo Me Rekar Kōm̧m̧an Menin Aō Meļeļe kōn Ettā Bōro,” Liaona, Juļae 2024.
Rūm̧m̧an Ded ro
Mool Ko Ruo Me Rekar Kōm̧m̧an Menin Aō Meļeļe kōn Ettā Bōro
Ettā bōro emaron̄ jipan̄ kōn jimōr utiej bōro im en̄jake in jab ekkar .
Pija in membōr ro ilo Paraguay jān Leslie Nilsson
Juon men em̧ool: N̄a nejin Anij Im ej juōn men eo kabwilōn̄lōn̄ im m̧ool kwojarjar.
Juōn mool eo eaorōk: Āinwōt ke aolep ro ion laļin ej bar juon ajri nejin Anij, rej barāinwōt kabwilōn̄lōn̄ im jet ro rekwojarjar.
Mool kein ruo remaron̄ in tin alikkar, bōtaab ear bōk jet iien n̄an aō lukkuun kili im meļeļe kaki ta meļeļeir ilo mour eo aō. Jet iien n̄aij bōd in jipadek juon jekjekin utiej buruō, ba wōt ke wāween eo aō ej wāween eo ejimwe ak bwe ijelāļo̧k jen ro jet. Jet ko iien Ij kōm̧m̧ane oktak, en̄jake aō jab erreo ak aorōk jān ro jet ipeļaakū
Uwaak eo n̄an apan̄ ko jimor rej juōn wōt:
Ettā Bōro.
Ij Ke Lukkuun Em̧m̧an?
Juōn en̄jaake ekar m̧ool in kōttāik eō ke iaar pād ilo mijen eo aō. Ij lōmnak eiten aolep mijenede ro rej bōk in en̄jake kōn aer jab lōke er make n̄an kōm̧m̧ani jerbal in n̄an boktok armij n̄an ippān Jisōs Kraist. Ilo mijen eo aō, ij joļo̧k elōn̄ awa ko ilo juōn raan n̄an aō kapok armij n̄an katakin er im iien n̄an iien rej makoko. Im ikijon̄ en̄jake ke ejeļo̧k aō tōprak. Im ikijon̄ en̄jake ke ejjab lap aō kate iō. Baj juōn iien, iaar jino en̄jake ke n̄a ej jab bwe.
Im āinwōt ke ejjab ettā bōro men eo ij aikuj ilo tōre in, ke iaar kōmelele kōn en̄jake ko aō n̄an mijen bureejtōn eo aō, ekar jipan̄ eō loe ke mōttan jorrāān eo aō ke ij lōmnak ke ejeļo̧k men epen n̄an n̄a āinwōt mijenede ro jet ilo aolepen laļ in. Ak ejjab n̄a eo moktata mijenede ekar loe kōjekdo̧o̧n, im m̧ool eban n̄a eo bar āliktata.
Jet iien ij kipel n̄a make bwe men ko repen rej aō make bōd, kōjekdo̧o̧ne e m̧ool eo ke jet iaan mijinede ro rem̧m̧antata ilo bwebwenato—āinwōt kar Jon̄oul ruo Rijilōk ro moktata, lōmaro nejin Mosaia, im Alma eo edik—raar jelm̧ae eļapļo̧k kōjekdo̧o̧n im kakkure jen ta ko iaar ioone.
Ijjelo̧kin buromōj kōn n̄a make, iaar jino in maron̄ en̄jake ke ikar jutak im jerbal turin Jisōs Kraist ilo appan̄ ko aō. Im ke ij en̄jaake jook kōn kijejeto ko aō rar jab jimwe, ikar kemeemej ta ko Bureejtōn Jeffrey R. Holland, Acting Bureejtōn an Doulul eo an Rijilōk ro Jon̄oulruo, ekar katakin: “Pinmuur eo [an Kraist] enaaj kotak mijenede ro bōlen elapļo̧k an aorōkļo̧k jen an naaj kotak rikatak ro. N̄e kwoj appan̄, n̄e rej kōjekdo̧o̧n e eok, … kwoj jutak ippān mour eo em̧m̧an tata ilo laļ in ejjan̄in kar jeļā, juōn mour eo emake wōt erreo im weepān jan̄in kar mour kake.”
Ij kijon̄ reilikļo̧k n̄an en̄jaake in n̄e ij aikuj in kemeemej ke ij aikuj ettā bōro im lōke ilo Irooj.
Juon Katak kōn Ettā Bōro
Iar ekatak eļap kōn wōn n̄a āinwōt juōn eo ej ajri nejin Anij ke iar pād ilo mijen eo aō. Ak ālkin iar rool n̄an ijo jikū, iar kile ke elukkuun lap men ij aikuj ekatak kake kōn aorōk in kememej bwe armej ro jet rej barāinwōt ajri ro nejin Anij.
Lukun ālkin wōt aō kar rool, iar bōk jet kūr ko relukkuun eppen im bōk eddo in juōn ian makūtkūt ko rellap im aorōk. Ikkar lukuun eddo kake, im ear pen aō tōpar armej ro me rar aikuj jipan̄ eō. Iar jilkinļo̧k juōn aō email n̄an er, ilo m̧ool, naan ko ie ebwe aer ekkan̄.
Ejimwe aō kar ba ke kūr in ear lukkuun aorōk im ikar aikuj jipan̄, bōtaab ikar mōkaj in kile ke bōlen ekar jab juōn wāween eo em̧m̧an n̄an im̧we armej. Iar aikuj in kar ettā bōro; iar aikuj kar kememej bwe armej ro jet bōlen elōn̄ aer make men rej bar eddo kaki.
Ilo an Elder Steven E. Snow kar katakin ilo iien eo ke eaar juōn uwaan jiljilimjuonn̄oul ro, “N̄e jej kōttaiki kōj make, jar ko ad renaj uwaak; jen itok limo kōn aenōm̧m̧an in Lōmņak; jen tiljek ilo kūr ko ad; im, n̄e jenaaj tiljek wōt, jenaaj lukkuun jepļaak n̄an imaan mejen Jemedwōj Ilan̄.”
Ilo m̧ool, Ikar en̄jaake elapļo̧k lan̄lōn̄ ilo kūr eo aō im ilo mour eo aō ilo aō kar ekatak bwe in lapļo̧k aō ettā bōro.
Mool Ko Ruo Repeļan
N̄an n̄a, ekkatak m̧ool in ettā bōro eaar kōn m̧ool kein ruo repeļan:
N̄a juon ajri nejin Anij. Im eobrak ipelaakū kōn ajri ro jet nejin Anij.
Ilo an lapļo̧k aō ekatak kōn ettā bōro, ij kile ta eo Elder Quentin L. Cook jān Doulul eo an Jon̄oulruo Rijilōk ekar katakin ke ej mool: “Ettā bōro ejjab n̄an kōmejaje kōn ta ko rellap jekkar kōm̧m̧ani ak jar anjo jen juōn men eo epen. … Ej lōke eo jej bōk raan n̄an raan im awa n̄an awa me jemaron̄ pedped wōt ioon Irooj, jerbal n̄an E, im kōtebrak jibadbad ko An.” Ikar ekatak bwe imaron̄ lukkuun kōtebrak jibadbad ko an Irooj—enaj tōbrak wōt elan̄n̄e ij reiļo̧k n̄an E im lōke E ke ejela ta eo em̧m̧an tata.
Ijeļā ke ilo ad kate kōj bwe enlapļo̧k ad ettā bōro im āinwōt Kraist, Jemed Ilan̄ enaj kōjeraam̧m̧an kōj ilo kijejeto ko ad.
Rijeje eo ej jokwe ilo Frankfurt, Germany.