Pōpoaki Faka-Kilisimasi ʻa e Kau Palesitenisī ʻUluakí

Fakaikiiki mei he Maama ʻo e Māmaní, fai ʻe Michael Malm, ʻikai ngofua hano hiki tatau

ʻI he taimi fakafiefia ko ʻeni ʻo e taʻú, ʻoku mau houngaʻia ke fakamanatua fakataha mo kimoutolu ʻa e ʻaloʻi ʻo hotau Fakamoʻui ko Sīsū Kalaisí.

Neongo naʻe ʻaloʻi Ia ʻi ha ngaahi tūkunga māʻulalo, ka ko Ia ʻa e tokotaha mahuʻinga taha ʻi he hisitōlia kotoa ʻo e tangatá. ʻOku ʻi ai e kaunga ʻa Hono misioná ki he tokotaha kotoa pē kuo moʻui pea mo kinautolu kuo teʻeki ke fanauʻi maí. Makatuʻunga ʻi Heʻene Fakaleleí mo e Toetuʻú, naʻá Ne fai ai e meʻa ne ʻikai ke tau lava ʻo fai maʻatautolu: ikunaʻi ʻa e maté pea mo fakalelei mo ʻetau Tamai Hēvaní.

ʻOku tau fakamoʻoni ko e ʻAlo Ia ʻo e Tamai Taʻengatá, ʻa ia “[naʻá Ne] ʻofa pehē … ki māmani, naʻá ne foaki hono ʻAlo pē taha naʻe fakatupú, koeʻuhi ko ia kotoa pē ʻe tui kiate iá ke ʻoua naʻa ʻauha, kae maʻu ʻa e moʻui taʻengatá” (Sione 3:16). ʻOku mau vahevahe ʻemau fakamoʻoní mo ʻemau ʻilo ki he meʻaʻofa mahuʻinga tahá ni pea ʻoku mau fakaafeʻi kimoutolu ke mou fai ʻa e meʻa tatau ʻi he faʻahitaʻu Kilisimasi ko ʻení.

Kau Palesitenisī ʻUluakí