ផ្ទះឈើរបស់គ្រួសារ ស្ម៊ីធ

យ៉ូសែប ស៊្មីធ ជុញ្ញ័រ កំពុងរស់នៅជាមួយគ្រួសាររបស់លោកក្នុងផ្ទះឈើបែបនេះនៅអំឡុងពេលរំជើបរំជួល និងច្របូកច្របល់ខាងសាសនា ។ ដោយការស្វែងរកប្រាជ្ញាពីព្រះ យ៉ូសែបបានចូលទៅព្រៃក្បែរនោះ ដើម្បីអធិស្ឋានទូលសុំការណែនាំ ។ នៅទីនោះ ព្រះវរបិតាសួគ៌ និងព្រះយេស៊ូវគ្រីស្ទ បានបង្ហាញព្រះកាយដល់លោក ដើម្បីឆ្លើយតបនឹងការអធិស្ឋានរបស់លោក ។

« ខ្ញុំបានឃើញបង្គោលពន្លឺមួយនៅចំលើក្បាលខ្ញុំ មានរស្មីចែងចាំងលើសជាងសុរិយាទៅទៀត ដែលចុះសន្សឹមៗមកចំលើរូបខ្ញុំ ។

« …កាលពន្លឺស្ថិតចំពីលើរូបខ្ញុំ ខ្ញុំបានឃើញតួអង្គពីរដែលមានរស្មី និង សិរីរុងរឿងដែលពុំអាចពណ៌នាបានឈរនៅអាកាសពីលើរូបខ្ញុំ ។ តួអង្គមួយមានព្រះបន្ទូលមកខ្ញុំ ដោយហៅខ្ញុំតាមឈ្មោះ ហើយចង្អុលទៅតួអង្គមួយទៀត ដោយមានព្រះបន្ទូលថា—នេះជាព្រះរាជបុត្រាដ៏ស្ងួនភ្ងារបស់យើង ។ ចូរស្ដាប់តាមទ្រង់ចុះ ! » ( យ៉ូសែប ស៊្មីធ—ប្រវត្តិ ១:១៦–១៧ ) ។