ទីក្រុង លីហ្គ ប្រទេសបែលហ្ស៊ិក

ផែនទីពិភពលោកដែលមានរង្វង់ជុំវិញប្រទេសបែលហ្ស៊ិក

ដំណឹងល្អនៃព្រះយេស៊ូវគ្រីស្ទដែលបានស្ដារឡើងវិញទំនងជាបានមកដល់ប្រទេសបែលហ្ស៊ិកជាលើកដំបូង នៅពេលអ្នកប្រែចិត្តជឿថ្ងៃចុងក្រោយមកពីប្រទេសតួកគី នោះគឺ មីសឆា ម៉ាកូវ បានចាប់ផ្ដើមបង្រៀនគ្រួសារ អេសសែលម៉ាន នៅឆ្នាំ១៨៨៨ ។ បន្ទាប់ពីពួកគាត់បានទទួលបុណ្យជ្រមុជទឹក ពួកអ្នកផ្សព្វផ្សាយសាសនានៅប្រទេសស្វីស និងអាល្លឺម៉ង់បានចាប់ផ្ដើមបម្រើនៅប្រទេសបែលហ្ស៊ិក ។ ក្នុងរយៈពេលពីរខែ មនុស្ស ៨០ នាក់បានចូលរួមក្នុងសាសនាចក្រ ហើយក្រុមជំនុំត្រូវបានរៀបចំឡើងនៅទីក្រុង លីហ្គ, ប្រុចសែល និង អង់ទើប ។ ថ្ងៃនេះ សាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយនៅបែលហ្ស៊ិកមាន ៖

សមាជិកចំនួន ៦,៦០០ នាក់ ( ចំនួនប្រហាក់ប្រហែល )
ស្តេកចំនួន ២ ( វួដចំនួន ១១ និងសាខាចំនួន ២ )
ព្រះវិហារបរិសុទ្ធចំនួន ១ ( បានប្រកាសនៅឆ្នាំ២០២១ ដែលត្រូវសាងសង់នៅទីក្រុងប្រុចសែល )

ពរជ័យទាំងឡាយពីការសិក្សាព្រះគម្ពីរ

ខារីន វៀរី មកពីវួដ ណាម័រ បានមានប្រសាសន៍ថា ៖ « យើងបានសិក្សាព្រះគម្ពីយើងជាមួយគ្នា និងចែកចាយគំនិត និងការបំផុសគំនិតជាមួយគ្នា ។ យើងប្រើប្រាស់ព្រះគម្ពីរ ប៉ុន្តែក៏ប្រើប្រាស់វីដេអូ និងធនធានផ្សេងៗទៀតដែរ ដូចជាទស្សនាវដ្តី ប្រិយមិត្ត ដើម្បីជួយក្មេងៗរបស់យើងយល់ពីគោលលទ្ធិ ។ ឥទ្ធិពលដ៏ធំបំផុតដែលយើងមានគឺការរីកចម្រើននៃការរួបរួមគ្នាក្នុងផ្ទះរបស់យើង » ។