« សាសនាចក្រនៃព្រះយេស៊ូវគ្រីស្ទដែលបានស្ដារឡើងវិញ » លីអាហូណា ខែមករា ឆ្នាំ២០២៥ ។
របៀបប្រើប្រាស់ទស្សនាវដ្តីទាំងឡាយរបស់សាសនាចក្រ
សាសនាចក្រនៃព្រះយេស៊ូវគ្រីស្ទដែលបានស្ដារឡើងវិញ
សៀវភៅ ចូរមកតាមខ្ញុំ នៅឆ្នាំនេះសិក្សាពីគោលលទ្ធិ និងសេចក្តីសញ្ញា នឹងគូសបញ្ជាក់ពីរបៀបដែលព្រះអម្ចាស់បានស្ដារសាសនាចក្រ និងដំណឹងល្អរបស់ទ្រង់ឡើងវិញតាមរយៈព្យាការីថ្ងៃចុងក្រោយ ។ អត្ថបទជាច្រើននៅក្នុងច្បាប់ខែនេះគូសបញ្ជាក់ពីពរជ័យនៃការស្ដារឡើងវិញ ។
ការរៀនពីច្បាប់នេះ
ការចូលរួមនៅក្នុងការប្រមូលផ្ដុំ
នៅលើ ទំព័រទី ២ ប្រធាន រ័សុល អិម ណិលសុន ចែកចាយរបៀបដែលយើងអាចប្រមូលផ្ដុំទៅកាន់ព្រះអង្គសង្គ្រោះ ប្រមូលផ្ដុំជាមួយពួកបរិសុទ្ធ ហើយប្រមូលផ្ដុំក្នុងការបម្រើដល់ព្រះ ។ សូមពិចារណាដាក់គោលដៅសម្រាប់ខែនេះ ដើម្បីរួមចំណែកដល់ការប្រមូលផ្ដុំមួយក្នុងចំណោមការប្រមូលផ្ដុំទាំងបីប្រភេទនោះ ។
បម្រើនៅក្នុងសាសនាចក្រដែលបានស្ដារឡើងវិញ
អែលឌើរ ផាទ្រីក ខៀរ៉ុន ក្នុងកូរ៉ុមនៃពួកសាវកដប់ពីរនាក់ មានប្រសាសន៍អំពីឱកាសដែលយើងមាននៅក្នុងសាសនាចក្រ ដែលបានស្ដារឡើងវិញនៃព្រះយេស៊ូវគ្រីស្ទដើម្បី « បម្រើអ្នកដទៃដោយក្តីស្រឡាញ់ » ( សូមមើល ទំព័រ ៨ ) ។ តើមានមនុស្សនៅក្នុងវួដ ឬសាខារបស់អ្នកដែលកំពុងជួបការលំបាកដែរឬទេ ? អ្នកអាចអធិស្ឋានសម្រាប់មនុស្សទាំងនេះ ហើយទូលសុំការបំផុសគំនិតអំពីរបៀបបម្រើពួកគេ ។
រៀនពីសេចក្តីប្រកាសអំពីការស្ដារឡើងវិញ
នៅឆ្នាំ២០២០ គណៈប្រធានទីមួយ និងកូរ៉ុមនៃពួកសាវកដប់ពីរនាក់ បានចេញ ៖ « ការស្ដារឡើងវិញនៃភាពពេញលេញនៃដំណឹងល្អរបស់ព្រះយេស៊ូវគ្រីស្ទ ៖ ការប្រកាសដល់ពិភពលោកនៃខួបលើកទីពីររយឆ្នាំ » ( សូមមើល ទំព័រ ៤០ ) ។ នៅពេលអ្នកពិនិត្យមើលការប្រកាសអំពីការស្ដារឡើងវិញ អ្នកអាចពិចារណាសំណួរទាំងនេះ ៖ តើព្រឹត្តិការណ៍សំខាន់ៗអ្វីខ្លះ ដែលវាបានលើកឡើង ហើយតើព្រះអម្ចាស់បានដឹកនាំព្រឹត្តិការណ៍ទាំងនោះដោយរបៀបណា ?