Eperera
O Iesu Mesia To‘u Faaora e Taraehara
Himene ta outou i ma‘iti no roto mai i te Chants pour les enfants.
« Te ti‘aturi nei matou e, na roto i te Taraehara a te Mesia e ti‘a ai i te taata atoa ia faaorahia, na roto i te haapa‘oraa i te mau ture e te mau oro‘a o te Evanelia » (Te mau Hiro‘a Faaroo 1:3).
A faananea i te mau mana‘o i horo‘ahia i ô nei ma te horo‘a’tu i to outou iho mana‘o. A faanahonaho i te mau rave‘a no te faaite i te haapiiraa tumu i te mau tamarii e a tauturu ia ratou ia taa maitai i te reira e ia faaohipa i te reira i roto i to ratou oraraa. A ui ia outou iho, « Eaha râ ïa ta te mau tamarii e rave no te haapii mai, e nahea vau i te tauturu ia ratou ia farii i te Varua ? »
Hepetoma 1 : Ua ma‘itihia o Iesu Mesia ia riro ei Faaora no tatou.
A faaite i te haapiiraa tumu : A papa‘i i ni‘a i te tapura ereere « Ua Iesu Mesia ia riro ei Faaora no tatou ». A haapurara te mau reta m, a, i, t, i, h, i, e a na roto i te piha. A vaiho i te mau tamarii ia ana‘i ti‘a i te mau reta no te faatano i te irava. A ani ia ratou ia tai‘o Mose 4:2 no te hi‘o i ta ratou pahonoraa A tai‘o amui i te faahitiraa i ni‘a i te tapura ereere.
Tauturu ia taa maitai : A faaineine e toru api parau tei papa‘ihia hoê o te mau uiraa i muri nei no ni‘a i te himene « J’habitais dans les cieux » (l’Ami, avril 1999, p 5)
-
O vai tei faaite mai i te hoê faanahonahoraa ia tatou paatoa i te ao ra na mua tatou a haere mai ai i te fenua nei ?
-
O vai tei parau, « E te Metua, a tono ia’u, e no oe te hanahana ? »
-
E eaha tei upooti‘a ia Iesu i te peeraa i te faanahonahoraa a te Metua ?
A ani i te mau tamarii e himene i te irava matamua o te himene e ia ti‘a i ni‘a ia himene ratou i te pahonoraa o te uiraa matamua. I muri iho a aparau i te tahi o te tahi atu mau mea ta ratou i haapii mai mai roto mai i teie irava. A himene faahou i te irava i muri iho i to outou aparauraa i te reira. I muri iho a tapiti faahou te ohiparaa e te tahi atu mau irava e mau uiraa.
Hepetoma 2 : O Iesu Mesia to’u hi‘oraa maitai roa‘e
A faaite te haapiiraa tumu : A himene « Do As I’m Doing » (CS, 276), a ani i te mau tamarii ia pee ia outou a aparima ai outou mai te pa‘ipa‘iraa i to outou rima, te titooraa i to outou rima i ni‘a‘e i to outou upoo, e aore râ te taahiraa i vahi hoê. A ani i te mau tamarii ia pii i te tahi mau mea ta ratou i haapii mai na roto i te peeraa i te hi‘oraa maitai o vetahi ê (ei hi‘oraa, te faanahoraa i te ro‘i aore râ te hautiraa i te hoê hauti) A papa‘i i ni‘a i te tapura ereere « O Iesu Mesia to’u hi‘oraa maitai roa‘e ». A faaite papû e o te Mesia ana‘e te taata tei ora na i te fenua nei tei faaite i te hi‘oraa maitai roa‘e o ta tatou e ti‘a ia pee. A ani i te mau tamarii ia tai‘o amui i te irava.
Tauturu i te faaohiparaa : A faaite i te tahi mau hoho‘a o Iesu e here ra e e tavini ra ia vetahi ê. A papa‘i « ua here Iesu i te taatoaraa » e « ua tavini Iesu ia vetahi ê » i ni‘a i te tapura ereere. A papa‘i i te hoê mafatu e te hoê rima i raro a‘e i teie mau irava. A parau i te mau tamarii e mea ti‘a ia tatou ia pee i te hi‘oraa o Iesu na roto i te hereraa e te taviniraa ia vetahi ê. A horo‘a i te tamarii tata‘itahi i te hoê api parau e a ani ia ratou ia papa‘i hoho‘a i te hoê mafatu e aore râ ia reni i to ratou rima I muri mai a ani ia ratou ia papa‘i e aore râ ia papa‘i hoho‘a i te tahi mau mea o ta ratou e nehenehe e rave no te pee i te hi‘oraa o Iesu. A ani i te mau tamarii ia faaite mai i to ratou mana‘o i te Paraimere e ia tuu i ta ratou api parau i raro a‘e i te mau hoho‘a o Iesu. A himene « Jesus Christ est mon modele » (CPE, 40–41).
Hepetoma 3 : Na roto i te Taraehara a te Mesia e ti‘a ai i te taata atoa ia faaorahia.
Faaite i te haapiiraa tumu : A tapŭpŭ te mau tamarii e a horo‘a i te pŭpŭ tata‘itahi i te hoê irava o te hiroa faaroo toru. A ani i te pŭpŭ tata‘itahi ia ti‘a, na roto i te ana‘iraa tano, e ia tapiti i te parau ta ratou irava. I muri iho e ti‘a te taatoaraa o te Paraimere e ia tapiti i te parau te taatoaraa o te hiroa faaroo.
Tauturu ia taa maitai : A faaite papû e e faaora te Taraehara a Iesu Mesia ia tatou i ta tatou ihoa ra mau hara. A faaite i te mau tamarii i te hoê hapaina pape mâ e a faataa e faaiteraa te reira i te hoê taata tei mâ i te hara. A topata i te tahi faaûraa no te maa i roto i te pape. A faahi‘o e ua parare te û i te mau vahi atoa o te pape e aita te reira i te mea mâ faahou. A faataa e ia hara tatou, e mea viivii tatou, mai teie pape. I muri iho a topata i te chlorus i roto ia teatea faahou te pape. A faataa e ia tatarahapa tatou, e tamâ te Taraehara ia tatou i te hara e e faaorehia ta tatou hara. A faaite i te hoê hoho‘a o te Mesia i Getemane A vaiho i te mau tamarii ia faaite eaha ta ratou i ite no ni‘a i teie hoho‘a. A faaite papû i te here o Iesu Mesia no tatou e no To’na hinaaro ia aufau i te hoo no ta tatou mau hara.
Tauturu i te faaohiparaa : Na roto i te faaohiparaa i te tahi mau rave‘a haapiiraa e faaitehia i roto i teie buka iti, a haapii i te mau tamarii no ni‘a i te tatarahapa, oia ho’i ia oto, ia ani i te faaoreraa hara, ia faaho‘i, e eiaha e tapiti faahou te hara (a hi‘o Paraimere 3, 46–49).
Hepetoma 4 : Ua ti‘afaahou o Iesu Mesia, e na reira atoa ïa vau.
Tauturu ia taa maitai : A faaohipa i te mau hoho‘a no te faati‘a poto noa i te aamu no te pohe o Iesu (a hi‘o Mataio 27:33–60 ; Mareko 15:22–46 ; Luka 23:33–53 ; Ioane 19:17–42). A ani i te mau tamarii ia feruri eaha ta te utuafare e te mau hoa o Iesu i farii a pohe ai Oia. Na mua‘e, a ani e rave rahi mau tamarii (aore râ feia paari) ia haere mai i te Paraimere ia ineine no te faati‘a i te hoê aamu no te hoê ite no te ti‘a-faahou-raa po te Mesia, mai ia Maria i Magadala (a hi‘o Ioane 20:11–18), Petero e Ioane (a hi‘o Ioane 20:2–10), te mau pĭpĭ (a hi‘o Ioane 20:19–22 ; Luka 24:33–53), Toma (a hi‘o Ioane 20:24–29), e te mau Ati Nephi (a hi‘o 3 Nephi 11:8–17). A horo‘a ia ratou i te i‘oa no te faaite no vai te aamu ta ratou e faati‘a ra.
« E mea pinepine ia taa ohie i te hoê parau tumu o te evanelia ia faaite-ana‘e-hia te reira i roto i te hoê tuhaa o te aamu o te papa‘iraa mo‘a » (HAPT, 55)
Nephi