Tiurai

Te hiero o te fare ïa o te Atua

Himene : « Oh, j’aime voir le temple »

(CPE, 99)

« Na te mau oro‘a mo‘a e te mau fafauraa mo‘a o tei itehia i roto i te mau hiero e faati‘a i te taata tata‘itahi ia ho‘i faahou atu i mua i te aro o te Atua e e faati‘a hoi i te mau utuafare ia taati-mure-ore-hia » (« Te Utuafare : E Poro‘i i to te Ao nei », paratarafa 3)

A faananea i te mau mana‘o i horo‘ahia i ô nei ma te horo‘a’tu i to outou iho mana‘o. A faanahonaho i te mau rave‘a no te faaite i te haapiiraa tumu i te mau tamarii e a tauturu ia ratou ia taa maitai i te reira e ia faaohipa i te reira i roto i to ratou oraraa. A ui ia outou iho, « Eaha râ ïa ta te mau tamarii e rave no te haapii mai, e nahea vau i te tauturu ia ratou ia farii i te Varua ? »

Hepetoma 1 : Ua faaue te Atua i To’na nunaa ia patu i te mau hiero.

A faaite i te haapiiraa tumu : A tapiri atu i te hoê hoho‘a o te hoê hiero e a papa‘i i ni‘a i te tapura ereere « Te hiero o  ». A ani i te mau tamarii ia himene i te irava matamua o « Oh, j’aime voir le temple » (CPE, 99). A parau ia ratou ia tifene i to ratou rima ia himene ana‘e ratou i te irava o te faaî i te parau i ni‘a i te tapura ereere. A ui ia ratou eaha te hiero o (te fare ïa o te Atua). A tauturu i te mau tamarii ia imi i te ta‘o « hiero » i roto i te Guide des Ecritures (te mau api 780–81). A tauturu ia ratou i imi i te mau faahitiraa parau e faataa ra e te hoê hiero o te fare mau o te Fatu e e ua faaue tamau noa te Atua i To’na nunaa ia patu i te mau hiero.

Tauturu ia taa maita : A faaineine i te mau tapa‘o no ni‘a i te mau hiero tei patuhia e Mose (a hi‘o Exodo 25:1–2, 8–9), Nephi (a hi‘o 2 Nephi 5:16), e e Iosepha Semita (a hi‘o PH&PF 124:31) e tei na muri mai ia ratou. Ei hi‘oraa : « Ua piihia to matou hiero te sekene, e e amo matou i te reira na roto i to matou tere » (Mose) e aore râ « Ua patu matou i te hoê hiero i muri iho i to matou faaru‘eraa ia Ierusalema e te ratereraa na ni‘a i te moana » (Nephi) A ma‘iti e toru tamarii no te mono i teie mau peropheta, e a ani ia ratou ia horo‘a i te mau tapa‘o i te mau tamarii o te Paraimere. A ani i te tahi atu mau tamarii ia imi o vai ta te tamarii tata‘itahi e mono ra. Ia itehia te reira, a faaite i te hoho‘a o te peropheta e aore râ o te hiero o ta’na e ta to’na nunaa i patu.

The Book of Mormon prophet Lehi and his family aboard a ship. The family members are looking at and pointing to the shores of the promised land. Birds are flying around the ship.

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Night time shot of the Nauvoo Illinois Temple. The photograph is taken looking west, showing the temple from the back.

E roaa te mau hoho‘o i ni‘a sharingtime.lds.org

Tauturu i te faaohiparaa : A faaite i te hoê hoho‘a o te hiero fatata i to outou vahi nohoraa. A ui i te mau uiraa i muri nei : I to outou mana‘oraa no te aha te Atua i faaue ai ia tatou ia patu i te mau hiero ? Eaha te ti‘a ia tatou ia rave no te faaineineraa ia tatou ia haere i te hiero i te hoê mahana ?

Aniraa i te pahonoraa : E au rahi te mau tamarii ia pahono i te mau uiraa mai te mea e horo‘ahia ia ratou te taime no te feruri. A parau ia ratou e horo‘a outou ia ratou te taime no te feruri na mua‘e i te aniraa i te pahonoraa. (A hi‘o HAPT, 69.)

Hepetoma 2 : E haamaitaihia te mau utuafare no roto i te mau oro‘a o te hiero mo‘a.

A faaitei i te haapiiraa tumu : A ani i te hoê tamarii paari a‘e ia tai‘o i na irava hopea o te paratarafa 3 o « Te Utuafare : e Poro‘i i to te Ao nei » i te Paraimere. A papa‘i i te mau ta‘o e te mau faahitiraa i muri nei i ni‘a i te mau api parau taa ê : Te hiero o, te hoê vahi mo‘a, i reira tatou, e taati, amuihia ai. A tapiri te reira i ni‘a i te tapura ereere na te mau vahi atoa. A ani i te hoê tamarii ia ana‘i maitai i te hoê api parau A na reira e tae noa’tu ua ana‘i maitai te mau parau. A himene te irava piti « Oh, j’aime voir le temple », e a ani i te afaraa o te mau tamarii ia faaroo maitai no te imi na mea e piti o ta tatou e rave nei i roto i te hiero (fafauraa e te euheraa no te haapa‘o) e te tahi atu afaraa ia faaroo no te ite i te hoê parau mau o ta ratou i haapii mai (e mea mure ore te utuafare) A tauturu i te mau tamarii ia taa maitai e ia taatihia ratou i to ratou utuafare i roto i te hiero te auraa e vai amui noa ratou e amuri noa’tu.

2016 Outline for Sharing Time/Children's Sacrament Meeting Program

A vauvau maramarama maitai i te haapiiraa tumu ta outou e haapii ra. E tauturu te reira i te mau tamarii ia taa maitai e ia faaohipa maitai a‘e â i te reira.

Te hiero o te hoê ïa vahi mo‘a i reira tatou e taati-amui-hia’i.

E roaa te mau api parau i ni‘a sharingtime.lds.org

Tauturu i te faaohiparaa : A ani i te hoê utuafare e aore râ i te tahi mau tamarii ia faaite mai eaha ta ratou i farii i to ratou haereraa i roto i te aua o te hiero e mea nahea ratou i te haamaitai-raa-hia e te hiero e e te mau oro‘a o te taatiraa. A ani i te mau tamarii ia papa‘i hoho‘a mai i to ratou utuafare i rapaeau i te hiero.

A here te feia o ta outou e haapii ra : A haapii ai outou no ni‘a i te utuafare mure ore, a haamana‘o i te mau tamarii e aita hoê metua vahine e hoê metua tane i roto i to ratou utuafare. A haamana‘o atoa i te mau tamarii e ere to ratou metua e aore râ te mau taea‘e e te mau tuahine i te melo no te Ekalesia A faaitoito i te tamarii atoa ia ora parau-ti‘a noa e ia faaineine ia farii ratou i to ratou iho utuafare mure ore i te hoê mahana. (A hi‘o HAPT, 31–32.)

Hepetoma 3 : Ua ohipa itoito e ua faatusia te mau pionie no te patu i te mau hiero.

Tauturu ia taa maitai : A haaputu i te mau haamaramaramaraa no ni‘a i te paturaa o te mau hiero no Kirtland e no Roto Miti e, mai te mea e nehenehe, te hiero piri i to outou nohoraa. (A hi‘o Paraimere 5, haapiiraa 25 e 44 e aore râ LDS.org no te haamaramaramaraa no te mau hiero no Kirtland e no Roto Miti) A ani i te tahi feia paari ia haere mai i te Paraimere e ia faaite i te haamaramaramaraa i te mau tamarii. A tapŭpŭ i te mau tamarii, e a ani i te mau pŭpŭ ia haere e farerei i te feia paari te tahi i muri iho i te tahi. A ani i te mau tamarii ia himene « Oh, j’aime voir le temple », a haere ai ratou e farerei i te feia a‘o te tahi i muri iho i te tahi.

Primary teachers gathered in groups in a large room. They are each being taught by a different teacher.

E nehenehe outou e faatano i te mau ohiparaa i te mau hinaaro o ta outou Paraimere. Ei hi‘oraa, mai te mea e mea rahi ta outou Paraimere, e nehenehe outou e ani i te feia a‘o ia haere mai te tahi pŭpŭ i te tahi atu pŭpŭ eiaha ra o te mau tamarii te haere mai te hoê taata a‘o i te tahi atu taata a‘o (a hi‘o HAPT, 179).

Hepetoma 4 : E nehenehe au e faaineine ia’u ia vai ti‘amâ noa no te haere i te hiero.

Tauturu ia taa maitai e no te faaohiparaa : A tapiri atu « Ta’u mau ture no te Evanelia » e a faataa e te peeraa i teie mau ture e tauturu ia tatou ia vai ti‘amâ noa no te haere i te hiero. A vahi te mau tamarii i roto i te mau pŭpŭ. A ani i te orometua o te pŭpŭ tata‘itahi ia aparau i te mau ture o te tauturu i te mau tamarii ia ineine no te haere i te hiero e ia faaite papû e mea nahea te oraraa i te mau ture i te tautururaa ia ratou. A ani i te pŭpŭ tata‘itahi ia ma‘iti i te hoê ture o te evanelia e i muri iho ia papa‘i e aore râ ia papa‘i hoho‘a i ta ratou titauraa no te pee i taua ture ra. A faahaere mai te episekopo e aore râ te peresideni amaa i te Paraimere, e ia faaite te pŭpŭ tata‘itahi ia’na ta ratou titauraa. A ani i te episekopo e aore râ i te peresideni amaa ia faaite mai i to’na iteraa papû no ni‘a i te faufaa rahi o te mau hiero.

2016 Outline for Sharing Time/Children's Sacrament Meeting Program

E roaa te hoho‘a rahi i ni‘a sharingtime.lds.org

Opuaraa matahiti : A haamana‘o ia horo‘a i te mau tamarii i te mau rave‘a ia faaite eaha ta ratou i haapii mai mai roto mai i ta ratou tai‘oraa i te papa‘iraa mo‘a (a hi‘o Tenuare, hepetoma 2)