Mati
E paraparau mai te Metua i te Ao ra ia tatou na roto mai i te mau peropheta.
Himene : « Defends le bien »
(CPE, 81)
« Te mau mea ta’u, ta te Fatu, i parau atu ra, ua parauhia ïa e au… na roto i to’u iho reo e aore râ na roto i te reo o ta’u mau tavini, hoe â ïa » (PH&PF 1:38).
A faananea i te mau mana‘o i horo‘ahia i ô nei ma te horo‘a’tu i to outou iho mana‘o. A faanahonaho i te mau rave‘a no te faaite i te haapiiraa tumu i te mau tamarii e a tauturu ia ratou ia taa maitai i te reira e ia faaohipa i te reira i roto i to ratou oraraa. A ui ia outou iho, « Eaha râ ïa ta te mau tamarii e rave no te haapii mai, e nahea vau i te tauturu ia ratou ia farii i te Varua ? »
Hepetomo 1 e 2 : E parau te mau peropheta no te Metua i te Ao ra.
A faaite i te haapiiraa tumu : A ani i te hoê tamarii ia haere mai i mua i te piha. A parau i te tahi atu mau tamarii ia pee i ta’na mau arata‘iraa. A muhumuhu i te tamarii i te mau arata‘iraa ohie, mai te, « a parau ia ratou ia tuu i to ratou rima i ni‘a i to ratou upoo » aore râ « a parau ia ratou ia parau marû noa iaora na i te taata i piha‘iho ia ratou ». A tapiti e rave rahi atu mau arata‘iraa ohie, e a faaoti « a parau ia ratou ia tifene i to ratou rima ». A ui i te mau tamarii nahea ratou i te iteraa eaha ta outou e hinaaro ia rave ratou. A faataa e te hoê o te mau rave‘a ta te Metua i te Ao ra e ta Iesu Mesia e rave no te hopoi mai i te mau parau poro‘i i te mau taata i te fenua nei o te paraparauraa ïa i ta Raua mau tavini e i muri iho i te faaueraa i teie mau tavini ia parau i te mau taata. A ui, « o vai te mau tavini e parau nei no te Metua i te Ao ra e no Iesu ? » A parau i te mau tamarii ia parau amui, « e parau te mau peropheta no te Metua i te Ao ra ».
Tauturu ia taa maitai : Na mua‘e te Paraimere, a tapiri i te hoê hoho‘a o te hoê peropheta e te tahi mau faahororaa papa‘iraa mo‘a e faaite ra te mea ta’na i rave e aore râ i parau i raro a‘e i te tahi mau parahiraa. Te mau peropheta mai ia Noa (Genese 6:13–14 ; 7:5, 7–10) ; Mose (Exodo 14:8–9, 13–14, 21–22) ; Samuela te ati lamana (Helama 14:1–8 ; 16:1–3) ; e Iosepha Semita (PH&PF 89). A ani i te mau tamarii ia hi‘o i raro a‘e i to ratou parahiraa no te imi i te mau hoho‘a. A vahi tapŭpŭ i te mau tamarii, e hoê hoho‘a i te pŭpŭ tata‘itahi, e ia faaineine e ia hauti faahoho‘a mai ratou i ta ratou peropheta. A ani i te tahi atu mau pŭpŭ ia imi o vai te peropheta ta ratou i hauti faahoho‘a mai. A aparau nahea te mau taata i te fariiraa i te parau poro‘i a te peropheta e eaha te mau hopearaa.
Tauturu ia taa maitai : A hamani i te hoê « huira o te mau peropheta » mai teie i raro nei. A vahi te menemeneraa e va‘u tuhaa e i roto, te i‘oa o te hoê peropheta o te himene « Suis le prophete » (CPE, 58–59). A ani i te tamarii ia taviri i te huira. A faaite poto noa te aamu o te peropheta e faaitehia i ni‘a i te huira (a faaohipa i te mau faahororaa papa‘iraa mo‘a o te CPE, 58, no te mau mana‘o). A muri iho a himene i te irave no ni‘a i taua peropheta ra i roto « Suis le Prophete ». A ani atu i te tahi atu tamarii no te taviri i te huira, e ia tapiti te faaanaanataeraa e tae roa i te hoperaa o te hora.
E roaa te huira i ni‘a sharingtime.lds.org
Mose
Aberahama
Daniela
Enosa
Iona
Noa
Adamu
Samuela
Hepetoma 3 : Ua arata‘ihia tatou i teie mahana e te hoê peropheta ora.
Tauturu ia taa maitai : A tapu i te hoê api parau e maha tuhaa e a tuu atu i te reira i ni‘a i te hoê hoho‘a o te peropheta i teie mahana. I muri i te api parau tata‘iahi a papa‘i i te hoê haapiiraa a te peropheta. (A hi‘o i roto i te mau ve‘a no te amuiraa o te Ensign e aore râ Liahona no te haapii mai eaha te ta peropheta i a‘o a‘e nei). A ani i te hoê tamarii i tatara mai i te hoê api parau e ia faaite hoho‘a mai te haapiiraa i faaitehia. A ani i te tahi atu mau tamarii ia imi eaha ta’na e faaite ra. A tapiti faahou no te tahi atu mau haapiiraa. A faaite i te hoê nene‘iraa o te Friend e aore râ Liahona e a faataa e nehenehe tatou e tai‘o i te mau parau a te peropheta i teie mahana.
Tauturu i te faaohiparaa : A ani i te hoê tamarii ia ti‘a mai e ia faaî i teie faahitiraa : « E pee au i te peropheta ora na roto … ». A ani i te tahi atu tamarii ia tapiti faahou te faahitiraa a te tamarii matamua, ma te tuu i te tahi atu rave‘a no te pee i te peropheta. A tamau noa e hope noa’tu te hora, ma te faaitoitoraa i te mau tamarii ia tapiti faahou e rave rahi mau mana‘o o te tahi atu mau tamarii e ti‘a’i.
Hepetoma 4 : E noaa te parururaa ia pee ana‘e i te peropheta.
Tauturu ia taa maitai : A faaineine i te mau faaararaa purumu ohie « Faaea », « Haere marû », e « Haere ». A ma‘iti e toru tamarii no te tape‘a i te mau faaararaa, e a parau ia ratou ia amo i ni‘a ia tuu ana‘e te taata arata‘i himene i to’na rima i to ratou paufifi. A parau i te mau tamarii e te faaararaa Haere te auraa ia haamata i te himene ; te auraa o te faaararaa Faaea ia faaea i te himene e te faaararaa Haere marû ia faataere te himene A ani i te taata arata‘i himene ia arata‘i te mau tamarii no te himene « Defends le bien » (CPE, 81).
A faataa e paruru te mau faaararaa purumu ia tatou e e faaara ia tatou i te ati. I muri iho a faataa e te mau arata‘iraa a te peropheta mai teie ia mau faaararaa purumu no te mea e paruru e e haamaitai te Metua i te Ao ra ia tatou ia pee ana‘e tatou i te reira. A vahi te mau tamarii i roto e toru pŭpŭ. I roto te pŭpŭ tata‘itahi, a ani i te hoê taata faatere e aore râ i te tamarii paari a‘e ia faati‘a poto mai i to’na iteraa (e aore râ i te hoê taata no roto mai i te papa‘iraa mo‘a) o tei paruruhia na roto i te peeraa i te peropheta. I muri iho a ani i te mau pŭpŭ ia haere atu e hi‘o i te tahi atu taata faatere no te faaroo i te tahi atu aamu. A ani ia ratou ia himene i te faaho‘iraa « Suis le prophete » a haere ai ratou mai te taata faatere i te tahi atu taata faatere. A faaite papû i te mau haamaitairaa o te tae mai ia pee ana‘e tatou i te peropheta.
Tauturu i te faaohiparaa : A vaiho i te mau tamarii ia hamani i ta ratou iho mau faaararaa purumu e ia papa‘i i ni‘a iho nahea ratou i te pee i te mau haapiiraa a te mau peropheta ora. A ani ia ratou ia faaho‘i te mau faaararaa i te fare no te tauturu ia ratou ia haamana‘o noa i te pee i te peropheta.
E au rahi atu te mau tamarii i te faaohipa i te haapiiraa tumu mai te mea e ite ratou i ta ratou iho rave‘a no te faaohiparaa. E ite atoa te mau tamarii e ua herehia e ua haafaufaahia ratou mai te mea e tapiti-noa-hia to ratou mau mana‘o i te faahitihia e te mau orometua e e te tahi atu mau tamarii.
Haere
E roaa te mau faahoho‘araa i ni‘a sharingtime.lds.org
Faaea
Haere marû
Haere
Te mau tautururaa na te arata‘i himene
No te tauturu i te mau tamarii ia haapii mai « Defends le bien » (CPE, 81), a hi‘o i muri mai :
-
A faaite i te hoê hoho‘a o te peropheta i teie mahana e a aparau poto noa i te tahi o te mau arata‘iraa ta’na i horo‘a mai ia tatou. A parau i te mau tamarii e te himene ta ratou e haapii mai e faataa ra i te faufaa rahi i te peeraa i te peropheta.
-
A vahi te mau tamarii i roto i te mau pŭpŭ. A horo‘a i te pŭpŭ tata‘itahi hoê e aore râ e piti reni o te himene, e a ani ia ratou ia aparima mai te reira no te tauturu ia ratou ia haamana‘o noa i te mau parau. A ani i te pŭpŭ tata‘itahi ia haapii atu i ta ratou aparimaraa i te tahi atu mau tamarii.
Ia haapii ana‘e te mau tamarii i te hoê himene, a faaohipa i to outou rima no te faaite ia ratou i te ta‘iraa. A amo i ni‘a e a tuu i raro to outou rima mai te au i te ta’i o te nota (a hi‘o HAPT, 174).