Atete
E hiero to’u tino no te Atua
Himene : « Je demeure dans un temple »
(CPE, 73)
« Aita outou i ite e, o te hiero outou o te Atua, e te parahi ra te Varua o te Atua i roto ia outou na ? » … E mo‘a ho‘i to te hiero o te Atua, e taua hiero ra o outou ïa » (1 Korinetia 3:16–17).
A faananea i te mau mana‘o i horo‘ahia i ô nei ma te horo‘a’tu i to outou iho mana‘o. A faanahonaho i te mau rave‘a no te faaite i te haapiiraa tumu i te mau tamarii e a tauturu ia ratou ia taa maitai i te reira e ia faaohipa i te reira i roto i to ratou oraraa. A ui ia outou iho, « Eaha râ ïa ta te mau tamarii e rave no te haapii mai, e nahea vau i te tauturu ia ratou ia farii i te Varua ? »
Hepetoma 1 : E hiero to’u tino.
A faaite i te haapiiraa tumu : Na mua‘e te Paraimere, a papa‘i te irava « o te hiero outou o te Atua » (1 Corinthians 3:16) i ni‘a i te tapura ereere. A faaite i te mau tamarii i te mau hoho‘a o te mau hiero, e a ani ia ratou eaha te mea e faariro ai i te hiero e mea taa ê (o te fare ia o te Fatu, mea mâ, mea atuatu maitai, e e hoê vahi i reira te Varua Maitai e haere ai). A papa‘i i te mau pahonoraa i ni‘a i te tapura ereere. A faataa e to tatou tino, mai te mau hiero ia, e mea mo‘a e e mea ti‘a ia faaturahia te reira e tatou iho e e vetahi ê.
Tauturu ia taa maitai e no te faaohiparaa : A nene‘i i te hoho‘a i te api 47 o te buka a te haapa‘oraa tamarii, A hi‘o na i ta outou tamarii rii. A tapupu i te mau menemene i ni‘a i te hoho‘a, e a tuu i te reira i roto i te hoê faarii. A ani i te mau tamarii ia ma‘iti hoê o te mau menemene. A ani i te mau tamarii nahea te hoho‘a i te faahaamana‘o ia ratou ia hamani maitai i to ratou tino mai te mau hiero. A horo‘a i te tamarii tata‘itahi hoê nene‘i o te hoho‘a, e a ani ia ratou ia faaû mai i te reira. A ani i te mau tamarii paari ia papa‘i hoê ohipa i raro a‘e i te menemene tata‘itahi o ta ratou e rave i teie hepetoma no te hamani maitai i to ratou tino mai te mau hiero. A ani i te mau tamarii ia faaho‘i i ta ratou hoho‘a i te fare no te haapii i to ratou utuafare e nahea ratou ia hamani maitai i to ratou tino mai te hiero.
Tauturu no te faaohipraa : A tapiri atu i te nene‘i o « Ta’u mau ture no te Evanelia ». A ani i te mau tamarii ia faaite mai te mau ture o te evanelia o te haapii mai ia ratou ia hamani maitai i to ratou tino mai te mau hiero. A ani i te mau tamarii ia huri atu i te taata e parahi ra i piha‘iho mai e ia faaite atu i te hoê rave‘a no to ratou hamani-maitai-raa i to ratou tino mai te hiero. I muri iho a ani ia ratou ia feruri no ni‘a i te hoê rave‘a o ta ratou e faarahi atu. A ani i te tahi mau tamarii ia faaite mai i to ratou mana‘o i te taatoaraa.
E atuatu vau i to’u tino
E roaa te hoho‘a rahi e te api no te buka a te piha haapa‘oraa tamarii i ni‘a sharingtime.lds.org
Hepetoma 2 : E faaite te ahu-tano-raa i te faatura i te Metua i te Ao ra e ia’u iho.
A faaite i te haapiiraa tumu : A ani i te mau tamarii ia rave 1 Korinetia 3:16 e ia tai‘o puai paatoa i te papa‘ira. A parau i te mau tamarii e te hoê o te mau rave‘a no te hamani-maitai-raa tatou i to tatou tino mai te mau hiero o te ahu-tano-raa ia. A tapiri atu « Ta’u mau ture no te Evanelia », a ani i te mau tamarii ia tai‘o puai i te ture e parau ra, « E ahu tano vau no te faaite i te faatura i te Metua i te Ao ra e ia’u iho ».
Tauturu ia taa maitai : A aparau eaha te auraa no te peu mâ (a hi‘o « te ahu e te faanehenehe » tuhaa o te No te Puai o te Feia Apî). A faaineine e rave rahi mau hoho‘a rahi e te papa‘iraa i ni‘a roa « E ahu tano vau na roto … » A tapŭpŭ te mau tamarii, e a ani i te pŭpŭ tata‘itahi ia papa‘i i ta ratou titauraa no te ahu-tano-raa e aore râ ia papa‘i hoho‘a mai ia ratou iho i roto i te ahu tano i ni‘a i te hoê o te mau hoho‘a rahi. A tapiri atu i te mau hoho‘a rahi i roto i te piha Paraimere.
Hepetoma 3 : E faaite te oraraa i te Parau Paari i te faatura no to’u tino.
Tauturu ia taa maitai : I ni‘a i te hoê pae o te tapura ereere a papa‘i « mau faaueraa » e te mau faahororaa papa‘iraa mo‘a i muri nei : PH&PF 89:7–9, 12, 14, 16. I te tahi atu pae, a papa‘i « euheraa » e te mau faahororaa i muri nei : PH&PF 89:18–21. A ani i te afaraa o te mau tamarii ia tai‘o i te faahororaa matamua o te papa‘iraa mo‘a e ia imi i te mau faaueraa ta te Fatu i horo‘a ia tatou i roto i te Parau Paari. A ani i te tahi atu mau tamarii ia tai‘o i te toe‘a o te mau papa‘iraa mo‘a e ia imi i te mau haamaitairaa Ta’na i euhe mai ia tatou mai te mea e haapa‘o tatou. A aparau eaha te auraa te mau faaueraa e te mau haamaitairaa.
Tauturu i te faaohiparaa : A ani i te hoê tamarii ia parau, « E faatura vau i te Parau Paari na roto » e a faaî i te vahi uouo i te mea o ta’na e rave no te faatura i te Parau Paari. I muri iho a ani i te tahi atu tamarii ia tapiti faahou te irava e te pahonoraa a te tamarii matamua e te tuuraa i ta’na iho pahonoraa. A ani i te toru o te tamarii ia tapiti faahou te irava e na pahonoraa a na e piti tamarii e i muri iho ia tuu atu i te tahi atu pahonoraa. A tapiti noa e tae roa ua hope te taime, e te tuuraa i te pahonoraa a te tamarii tata‘itahi.
|
Te parau paari | |
|---|---|
|
Mau Faaueraa |
Mau euheraa |
Hepetoma 4 : E vai mâ noa te tai‘oraa, te mata‘ita‘iraa e te faarooraa i te mea maitai i to’u varua.
A faaite i te haapiiraa tumu : A faaite i te mau tamarii e piti hapaina pape, hoê mea repo e te tahi mea mâ. A ani i te mau tamarii tei hea ta ratou e au i te inu e no te aha. A parau i te mau tamarii e au to tatou varua mai teie na hapaina, e mea ti‘a ia tatou ia tuu noa i te mau mea mâ e te maitai i roto. A papa‘i i te irava i muri nei i ni‘a i te tapura ereere, e a parau i te mau tamarii ia parau na muri iho ia outou : « E vai mâ noa te tai‘oraa, te mata‘ita‘iraa e te faarooraa i te mea maitai i to’u varua ». A haapii i te mau tamarii i te mau aparimaraa ohie no te tauturu ia ratou ia haamana‘o noa i te irava. Ei hi‘oraa, no te ta‘o tai‘oraa, a tuu i to outou rima mai te hoê buka ; no te ta‘o mata‘ita‘iraa, a faaite i to outou mata ; no te faarooraa, a haamenemene to outou rima i muri i te tari‘a ; e no te varua, a faaite i to outou rae. A tapiti faahou te irava e rave rahi taime, ma te monoraa i te mau ta‘o i te aparimaraa.
Tauturu ia taa maitai : A faaite i te mau tamarii i te hoê hoho‘a no Iesu Mesia e te mau tamarii, e a ani ia ratou ia hi‘o i te reira i te hoê taime iti. A tapo‘i i te hoho‘a e a ani i te mau tamarii ia parau mai ia outou i te mau mea rii ta ratou e haamana‘o ra. A tauturu i te mau tamarii ia taa maitai e haamana‘o tatou i te mau ohipa ta tatou i ite. A faataa e ia faaî ana‘e tatou i to tatou varua i te mau mea maitai e mana‘o atoa tatou i te mau mea maitai. A faaite faahou i te hoho‘a, e a ani i te mau tamarii ia himene « Je ressens son amour » (CPE, 42–43). A ani i te mau tamarii ia faaite mai eaha ta te himene i faatupu i ni‘a ia ratou. A faataa e te faarooraa i te mau pehe maitai e tauturu ia tatou ia farii i te Varua e ia vai mâ noa to tatou varua.
E haapii maitai mai te mau tamarii ia faaohipa-ana‘e-hia te mau rave‘a huru rau no te haapiiraa. Ei hi‘oraa, i roto i te hepetoma 4, e ite te mau tamarii i te haapiiraa tumu na roto i te hi‘oraa i te hoê haapiiraa tao‘a e i muri iho e anihia ia ratou ia faaohipa i te aparimaraa ohie no te tauturu ia ratou ia haamana‘o noa te reira.