Me

Ua faati‘a-faahou-hia te Ekalesia a Iesu Mesia

Himene : « Au grand prophete », te mau irava 1 e 3

(Te Mau Himene, no.16)

« Ua ite atu ra vau e piti taata ; to raua teatea e te hanahana a ti‘a noa’i raua i ni‘a a‘e ia’u i roto i te reva ra. Ua parau maira te hoê o raua ia‘u, ma te faatoro atu i to’na rima i ni‘a i te tahi, e ma te faahiti i to‘u i‘oa, i te na-ô-raa mai e—O Ta‘u Tamaiti Here Teie. A Faaroo Ia’na ! » (Iosepha Semita—Aamu 1:17)

A faananea i te mau mana‘o i horo‘ahia i ô nei ma te horo‘a’tu i to outou iho mana‘o. A faanahonaho i te mau rave‘a no te faaite i te haapiiraa tumu i te mau tamarii e a tauturu ia ratou ia taa maitai i te reira e ia faaohipa i te reira i roto i to ratou oraraa. A ui ia outou iho, « Eaha râ ïa ta te mau tamarii e rave no te haapii mai, e nahea vau i te tauturu ia ratou ia farii i te Varua ? »

Hepetoma 1 : Ua faati‘a-faahou-hia te Ekalesia a Iesu Mesia.

A faaite i te haapiiraa tumu : Na mua‘e te Paraimere, a papa‘i te hiroa faaro ono i ni‘a i te tapura ereere. A ani i te mau tamarii ia tapiri i to ratou mata. A parau ia ratou e i muri iho te poheraa o Iesu Mesia, e mea ino roa te mau taata e ua iriti-ê-hia i te fenua nei Ta’na evanelia e te autahu‘araa A faataa e ua piihia te reira te Taivaraa, e tei roto i te mau taata i te pouri pae varua, mai te mea ra e ua tapirihia to ratou mata i te pae varua, e tae roa i te taime ua faati‘a faahou Iesu i Ta’na Ekalesia na roto mai ia Iosepha Semita. A faaite atu i te hoê hoho‘a no te Orama Matamua, e a parau i te mau tamarii i araara to ratou mata. A tauturu i te mau tamarii ia tamau i te hiroa faaroo ono na roto i te faatai‘o-amui-raa ia ratou i te reira. A tumâ i te tahi mau ta‘o, e ia tapiti faahou i te parau na ni‘a iho e tae roa ua tumâhia te taato‘araa o te mau ta‘o e ua mau maitai te hiroa faaroo i te mau tamarii.

Tauturu ia taa maitai : A hamani i te mau api parau no te mau hopoi‘a tata‘itahi mai teie i roto i te tapura i raro nei. A papa‘i te mau ti‘araa o te mau piiraa i ni‘a i te tapura ereere mai tei faaitehia, e a vaiho te hoê ana‘iraa uouo i ropu no te mau hopoi‘a. A vahi te mau tamarii i roto e pae pŭpŭ, e a horo‘a i te pŭpŭ tata‘itahi te hoê api parau « hopoi‘a ». A ani i te pŭpŭ tata‘itahi ia tuu i ta ratou api parau i te vahi ti‘a i ni‘a i te tapura ereere. A faahi‘o maitai e ua tuaea noa te feia faatere o te Ekalesia i faati‘a-faahou-hia i te Ekalesia i te vairaa Iesu Mesia i te fenua nei.

TI‘ARAA I ROTO I TE EKALESIA I MUTAA IHORA	HOPOI‘A	TI‘ARAA I ROTO I TE EKALESIA I FAATI‘A-FAAHOU-HIA
Aposetolo	Ei hoê ite taa ê no Iesu Mesia	Aposetolo
Peropheta	Faaite i te hinaaro o te Metua i te Ao ra	Peropheta
Orometua a‘o	Arata‘i i te hoê pŭpŭ iti o te feia mo‘a	Episekopo
Haapii	Haapiiraa i te evanelia	Haapii
Haapii evanelia	Horo‘a i te mau haamaitairaa taa ê	Patereareha

E roaa te mau api parau i ni‘a sharingtime.lds.org

A girl and boy holding up images representing the offices in the priesthood.

Te mau pŭpŭ matahiti taa ê : A faanahonaho i ta outou mau taime faaanaanataeraa ia nehenehe i te mau tamarii paari e te mau tamarii na‘ina‘i atoa ia amui mai. Ei hi‘oraa, i roto i te ohiparaa piti no te hepetoma 1, e nehenehe outou e faaohipa i te pepe hurio no te manimani rima no te tauturu i te mau tamarii na‘ina‘i ia haamana‘o i te ti‘araa tata‘itahi. I roro i te ohiparaa no te hepetoma 2, e nehenehe outou e vahi i te mau tamarii na roto i te mau pŭpŭ matahiti e ia ani i te mau orometua ia faati‘a ia ratou i te mau aamu e i muri iho faaho‘i faahou na ni‘a iho na roto ma te faaiteraa i te mau hoho‘a e ma te uiraa.

E roaa te mau pepe hurio no te manimani rima i ni‘a sharingtime.lds.org

Hepetoma 2 : O Iosepha Semita te peropheta no te Faati‘a-faahou-raa

Tauturu ia taa maitai : A haaputu i te mau hoho‘a o te mau mea i tupu no te Faati‘a-faahou-raa-hia te Ekalesia. A vahi te irava « O Iosepha Semita te peropheta no te Faati‘a-faahou-raa » i roto e rave rahi mau tuhaa no te mau hoho‘a ta outou e vai ra, i ia faaineine i te hoê api parau no te ta‘o e aore râ irava tata‘itahi (a hi‘o te hi‘oraa) A tapŭpŭ te mau tamarii, e a horo‘a i te pŭpŭ tata‘itahi i te hoê o te mau api parau, hoê hoho‘a, e hoê faahororaa papa‘iraa mo‘a e faaite ra eaha ta te hoho‘a e faaite ra. A ani i te mau tamarii ia tai‘o i te mau papa‘iraa mo‘a e ia aparau eaha ta te hoho‘a e faaite ra. I muri iho a ani i te pŭpŭ tata‘itahi ia faaite mai i ta ratou aamu i te toe‘a o te Paraimere. A aparau i te ti‘araa o Iosepha Semita i roto i te mau ohipa tata‘itahi tei tupu, e a ani i te mau tamarii ia feruri na hea te mau mea tei tupu i te faaururaa i to ratou oraraa. A tuu i te hoho‘a tata‘itahi e te api parau i ni‘a i te tapura ereere ma te ana‘i maitai. I muri a‘e i te tuu-raa-hia te taatoaraa o te mau api parau i ni‘a i te tapura ereere, a tai‘o amui i te irava.

Young prophet sits in rocker reading large family Bible--reads James.

Joseph Smith, Jr. sitting on the ground in the Sacred Grove. Joseph is looking up at a vision of Jesus Christ and Father in Heaven, both of whom are dressed in white robes. The Father is extending His hand toward Christ as He instructs Joseph to listen to Him.

The Prophet Joseph Smith sitting on his bed in the Smith farm house. Joseph has a patchwork quilt over his knees. He is looking up at the angel Moroni who has appeared before him. Moroni is depicted wearing a white robe. The painting depicts the event wherein the angel Moroni appeared to the Prophet Joseph Smith three times in the Prophet's bedroom during the night of September 21, 1823 to inform him of the existence and location of the gold plates, and to instruct him as to his responsibility concerning the plates.

Oliver Cowdery writing as Joseph Smith reads from the gold plates.

Joseph Smith, Jr. and Oliver Cowdery kneeling before John the Baptist. John the Baptist has his hands placed on the head of Joseph Smith, Jr. as he restores the Aaronic Priesthood. John is depicted wearing white. There are trees and a river in the background.

Kirtland Ohio Temple

E roaa te mau api parau e te mau hoho‘a i ni‘a sharingtime.lds.org

O Iosepha Semita te peropheta no te Faati‘a-faahou-raa.

IS—H 1:5–13

IS—H 1:14–20

IS—H 1:30–35

IS—H 1:34–35, 67

IS—H 1:68–73

PH&PF 109:2–4

Hepetoma 3 : Te Buka a Moromona o te tahi atu Ite no Iesu Mesia

Tauturu ia taa maitai : Tai‘o amui i te api upoo parau o te Buka a Moromona A tai‘o haapuai i te mau papa‘iraa mo‘a i muri nei, e a ani i te mau tamarii ia afa‘i i to ratou rima i ni‘a a faaroo ai ratou i te tahi atu mau i‘oa o te Faaora : 2 Nephi 19:6 ; Alama 5:38 ; 3 Nephi 5:26. A faaite ai te mau tamarii i te mau i‘oa, a papa‘i te reira i ni‘a i te tapura ereere. A ma‘iti e rave rahi mau i‘oa, e a faataa nahea te Faaora i te faaîraa i taua mau ti‘araa ra.

Tauturu i te faaohiparaa : A horo‘a i te tamarii tata‘itahi te hoê tapa‘o buka e te irava « Te Buka a Moromona o te tahi atu ite no Iesu Mesia » tei papa‘ihia i ni‘a. A ani ia ratou ia faanehenehe te tapa‘o buka e ia faaohipa te reira i roto i ta ratou mau papa‘iraa mo‘a. A ani e rave rahi mau tamarii ia faaite mai i ta ratou opuaraa no te rave-tamau-raa i te tuatapaparaa i te papa‘iraa moa (a hi‘o Tenuare, hepetoma 2) E nehenehe outou e ani ia ratou ia faaite mai i to ratou mana‘o no ni‘a i te mau tuhaa o te papa‘iraa mo‘a ta ratou i tai‘o.

Booksmarks created by children

E roaa te mau tapa‘o api i ni‘a sharingtime.lds.org

Te Buka a Moromona : o te tahi atu ite no Iesu Mesia

Hepetoma 4 : Ua faaho‘ihia mai te autahu‘araa.

A faaite i te haapiiraa tumu : A faaite i te mau tamarii te tahi mea e tere i te uira. I muri iho a faaite eita te reira e tere aita ana‘e e tano te puai. A ani i te hoê tamarii ia tape‘a i te hoho‘a o te Mesia e faatoro‘a ra i Ta’na mau Aposetolo. A faataa e eita te Ekalesia a te Mesia e ohipa aita ana‘e te mana o te autahu‘araa. A ani i te tamarii ia huna i te hoho‘a i muri i to’na tua. A faataa e i muri iho te poheraa te mau Aposetolo a te Mesia, ua mo‘e roa te mana o te autahu‘a A ani te tahi atu tamarii ia faaite mai i te hoho‘a o te faati‘a-faahou-raa-hia te autahu‘araa. A faaite papû e ua faati‘a faahou te Atua i te autahu‘araa na roto mai ia Iosepha Semita.

Tauturu ia taa maitai : A ani i te tahi taata ia tai‘o PH&PF 107:1, e a ani i te mau tamarii ia faaroo maitai no te ite i te mau i‘oa o na e piti autahu‘araa. A tuu i ni‘a i te tapura ereere te hoê hoho‘a no te faaho‘i-raa-hia mai o te Autahu‘araa a Aarona e hoê hoho‘a no te faaho‘i-raa-hia mai te Autahu‘araa a Melehisedeka. A papa‘i Aarona e aore râ Melehisedeka i raro a‘e i te hoho‘a ti‘a. A aparau na vai i faaho‘i mai, e aore râ i horo‘a, i na autahu‘araa tata‘itahi ia Iosepha Semita (a hi‘o Iosepha Semita—Aamu 1:72). A faaite i te mau tamarii e rave rahi mau hoho‘a no te mau oro‘a o te autahu‘araa, mai te bapetizoraa, te haamauraa, te opereraa i te oro‘a, te haamaitairaa i te oro‘a, e te faaoraraa i te feia ma‘i. A ani i te mau tamarii ia faatere te mau hoho‘a na roto i te ana‘iraa ma te himene « La Prêtrise retablie » (CPE, 61-62) A tape‘a te himene i te vahi huru rau, e a ani i te mau tamarii e tape‘a ra i te mau hoho‘a ia ti‘a i ni‘a ia tae te mau ta‘o Aarona e aore râ Melehisedeka no te faaite i te mana e titauhia no te rave i taua oro‘a ra. A tapiti faahou mai te mea e taime.

Tauturu i te faaohiparaa : A ani i te mau tamarii ia feruri e nahea te autahu‘araa i te haamaitairaa ia ratou. A ani ia ratou ia hamani i te hoê tareta haamauruururaa e aore râ ia papa‘i i te hoê hoho‘a no te horo‘a i te hoê taata tei mau i te autahu‘araa ta ratou i ite (mai te episekopo, te orometua, te metua tane, e aore râ te misionare)

Faaiteraa i te mau mana‘o : A horo‘a i te mau tamarii i te mau rave‘a no te faaite i to ratou mana‘o no ni‘a i te evanelia. E ani te reira i te Varua e e haapuai i te taa-maitai-raa o te mau tamarii e nahea i te faaohipa i te haapiiraa tumu i to ratou oraraa. (A hi‘o HAPT, 63–65.)

A teacher and children standing in front of a Primary class. They are holding pictures.

I roto i te ohiparaa o te hepetoma 4, e rave‘a no outou i te hi‘opo‘araa i te taa-maitai-raa o te mau tamarii. E nehenehe te tapiti-noa-raa e haapaari i te haapiiraa i roto i to ratou varua.