Nahea ia faaohipa i te pehe i roto i te Paraimere

Te opuaraa o te pehe i roto i te Paraimere o te haapiiraa ia i te mau tamarii i te evanelia a Iesu Mesia e te tautururaa ia ratou faaohipa i te reira. E haapoupou te mau himene Paraimere i te haapiiraa mai, e tauturu i te mau tamarii ia haapii mai e ia haamana‘o noa i te mau parau mau o te evanelia, e ia ani i te Varua.

E nehenehe outou e faaohipa i te mau rave‘a i muri nei no te haapii i te hoê himene i te mau tamarii. E tauturu te mau hi‘oraa ia outou no te mau himene e titauhia i roto i teie faanahoraa. E ite atu outou i te tahi atu mau mana‘o i roto i te tuhaa « Nahea ia faaohipa i te pehe i roto i te Paraimere » i roto i te faanahoraa 2015.

Te aporaa mai i te ara maitai o te mau tamarii

Na mua‘e outou e haamata ai i te himene, ia papû ia outou e te ara mai ra te mau tamarii. E neehenehe outou e apo mai i to ratou ara maitai na roto i te faaohiparaa i te mau tauhaa hi‘o mai te mau hoho‘a, te mau tao‘o ohie, e aore râ te mau tamarii iho. E nehenehe atoa outou e taui ohie i te ta‘iraa o to outou reo. E mea ti‘a i te mau ohiparaa no te aporaa mai i te ara-maitai-raa ia haapotohia e ia arata‘i-afaro-hia i te himene Ei hi‘oraa :

Na mua‘e i te himeneraa « Oh j’aime voir le temple » (CPE, 99), a ani i te mau tamarii ia afa‘i i to ratou rima i ni‘a mai te mea ua ite ratou i te hoê hiero. A ani ia ratou ia feruri eaha ta ratou i farii i to ratou iteraa i te hoê hiero a himene ai ratou.
E nehenehe te mau tamarii ia riro ei mauhaa hi‘a maitai a‘e. A ani ia ratou ia faaohipa i te mau tauhaa ohie mai te taamu arapoa e aore râ te mau papa‘iraa mo‘a no te faahoho‘a i te mau misionare a himene ai ratou « Proclamons la verite » (CPE, 92–93).

A woman leading music in Primary. A girl is standing at her side holding a copy of the Book of Mormon. — A faaohipa i te mau mauhaa hi‘o ohie. E tauturu te reira i te mau tamarii ia faatumu i ni‘a i te poro‘i o te himene, e i te Varua ia haapapû e te mea ta ratou e himene ra e parau mau ia.

Arata‘iraa i te faarooraa o te mau Tamarii

Te aniraa i te mau tamarii ia faaroo no te ite i te pahonoraa i te hoê uiraa e tauturu ia ratou ia haapii mai i te mai parau e te poro‘i o te himene. E nehenehe outou e ani ia ratou ia faaroo no te ite i te mau pahonoraa i te mau uiraa mai te « o vai ? » « eaha ? » « i hea ? » « a hea ? » e aore râ « no te aha ? » E nehenehe atoa outou e ani i te mau tamarii ia faaroo no te ite i te mau ta‘o haapapû e aore râ te mau ta‘o e tano e aore râ ia tai‘o i ni‘a i to ratou manimani rima e hea taime to ratou himeneraa i te tahi ta‘o.

A haapii ai outou « Si j’ecoute avec mon cœur » (api 28 i roro i teie buka iti), a papa‘i hoê o teie mau uiraa i muri nei i ni‘a i te tapura ereere : « I hea vau e faaroo ai i te reo o te Faaora ? » « O vai te haapii ra ia tatou nahea ia ora parau-ti‘a noa ? » « O vai te parau muhumuhu nei ia tatou ? » A ani i te mau tamarii ia faaroo i te mau pahonoraa a himene ai ratou e te faaiteraa (na roto i te tifeneraa i to ratou rima, te ti‘araa, e aore râ te tape‘araa i to ratou tari‘a) e te himene ra ratou i te pahonoraa. A ani i te mau tamarii ia himene i te pahonoraa e rave rahi taime e o outou. A papa‘i i te tahi atu mau uiraa i ni‘a i te tapura ereere e ia tapiti faahou.

A woman leading the singing in Primary. — E ite te mau tamarii i to outou here e te anaanatae no te evanelia a himene ai outou e o ratou. A faaite ai outou i to outou iteraa papû no te Faaora, e ite atoa ratou i To’na here no ratou.

Faaamuiraa mai i te mau tamarii

A faaamui mai i te mau tamarii na roto e rave rahi huru rave‘a a himene ai outou. Ei hi‘oraa :

A ani i te mau tamarii ia feruri i te mau aparimaraa ohie no te tauturu ia ratou ia haamana‘o noa i te mau parau e i te poro‘i o te hoê himene (a hi‘o « Tauturaa no te taata arata‘i himene » i te api 7).
A ani i te mau tamarii ia faaau ia ratou ei misionare e himene ai ratou « Proclamons la verita ». A ani ia ratou i taahi i to ratou iho vahi e aore râ e haaati i te piha e te tape‘araa i ta ratou papa‘iraa mo‘a a himene ai ratou.
Na mua‘e te himeneraa « Si j’ecoute avec mon cœur », a horo‘a i te tamarii tata‘itahi i te hoê mafatu api parau e a ani ia ratou ia papa‘i « A faaroo » i te hoê pae e « Ia faaroohia » i te tahi atu pae. A faataa e tapiti-noa-hia teie na ta‘o e rave rahi taime i roto i te himene. A ani i te mau tamarii ia faaite i te pae tano o te mafatu a himene ai ratou.

2016 Outline for Sharing Time/Children's Sacrament Meeting Program — la faaroohia

A himene, a himene, a himene faahou â

E haapii maitai mai te mau tamarii a faaroo ai e a himene ai ratou faahou e faahou â.

A hi‘o faahou e a himene na roto e rave rahi huru faaanaanataeraa. Ei hi‘oraa :

A ani i te mau tamarii ia haamata i te haapii i te pehe o te himene apî na roto i te faarooraa e te himene-rii-raa i te reira i te taime haamataraa.
A hi‘o faahou « Je veux suivre le plan de Dieu » (CPE, 86–87), a hamani i te tahi mau tapa‘o purumu. A papa‘i i te hoê ta‘o taa ê o te himene i ni‘a i te tapa‘o purumu tata‘itahi. A afa‘i i te tapa‘o i ni‘a, e a parau i te mau tamarii e a himene ai ratou i te himene eiaha ratou e himene i taua ta‘o ra. A tapiti faahou no te tahi atu mau tapa‘o purumu.
A hamani i te hoê orapa i te api parau e aore râ i te parau paari, e i ni‘a i te pae tata‘itahi o te orapa a papa‘i hoê rave‘a taa ê no te himene (ei hi‘oraa, te paipai-rima-raa i te pehe, te aparimaraa, te himene-marû-raa, e himene te mau tamaroa, e himene te mau tamahine e aore ê te himene-rii-raa i te pehe). I ni‘a i te tahi atu orapa a papa‘i i te mau i‘oa o te tahi mau himene Paraimere o ta te mau tamarii i haapii. A ani te hoê tamarii ia taora matamua i te orapa no te ma‘iti e nahea ratou ia himene, e a ani i te tahi atu tamarii ia taora i te tahi atu orapa no te ma‘iti eaha te himene o ta ratou e himene.

Two young girls standing by a table in Primary. There are song cubes on the table.