Haapiiraa i te mau tamarii huma

Ua haapii mai te Faaora e, « e te mau tamarii atoa na oe ra, e haapiihia ïa e te Fatu ; e e hau rahi to te mau tamarii na oe ra » (3 Nephi 22:13).

E hopoi‘a faufaa mau na te feia faatere o te Paraimere ia haapii i te evanelia a Iesu Mesia i te mau tamarii atoa, oia’toa te mau tamarii huma. Te Paraimere o te hoê ia vahi i reira te tamarii e farii-poupou-hia’i, e herehia’i, e aupuruhia’i, e e faaô-mai-hia’i. I roto i taua huru raveraa e mea ohie i te mau tamarii atoa ia taa maitai i te here o to tatou Metua i te Ao ra e o Iesu Mesia e ia farii e ia ite i te faaururaa o te Varua Maitai.

E mea faufaa te tamarii tata‘itahi na te Atua. E hinaaro tata‘itahi ratou i te here, te faatura, e te patururaa.

A farerei atu i te tahi atu feia a ohipa ai outou no te pahono i te mau hinaaro o te mau tamarii huma o ta outou Paraimere.

1. A farerei atu i te mau metua o te tamarii. I te rahiraa o te taime, ua matau maitai te mau metua i ta ratou tamarii i te tahi atu mau taata. E nehenehe ratou e parau mai ia outou e nahea ia pahono i to’na mau hinaaro, i to’na ara-maitai-raa, e te mau rave‘a maitai a‘e no te haapii. Ei hi‘oraa, vetahi mau tamarii e pahono maitai ratou i te pehe, vetahi i te mau aamu, i te mau hoho‘a, i te mau papa‘iraa, e aore râ i te aparimaraa. A faaohipa e rave rau mau rave‘a no te haapiiraa, ma te araraa ia faaô i te mau rave‘a e haapii maitai mai ai te tamarii tata‘itahi.

2. A farerei i te tahi atu feia faatere e mau orometua o te Paraimere. A pure e a ohipa amui no te ite i te mau rave‘a no te tauturu i te tamarii tata‘itahi ia haapii mai i te evanelia a Iesu Mesia e ia ite e ua herehia ratou.

3. A farerei e te apooraa paroita. E nehenehe e roaa te mau mana‘o na roto mai i te feia faatere o te autahu‘araa e te tahi atu mau pŭpŭ tauturu no te tauturu i te mau tamarii e mau hinaaro taa ê to ratou. I roto i te hoê paroita, ua faaite mai te pŭpŭ tahu‘a rahi e pûpû mai ratou i te hoê « papa ruau no te Paraimere » i te mau hepetoma atoa e parahi oia i piha‘iho i te hoê tamaiti « autiste ». (E mea maitai a‘e o taua taata noa i te mau hepetoma atoa). Ua tauturu te reira i te tamaiti ia faatumu i ni‘a i te haapiiraa e ia ite e ua herehia oia.

Ua haapii mai o Elder M. Russell Ballard e, « e mea maramarama roa, e te feia i rotopu ia tatou o tei horo‘ahia te mau tamarii faufaa mau ua farii i te hoê toro‘a mo‘a e te hanahana , no te mea o tatou o ta te Atua i faataa ia haati i te mau tamarii i teie mahana i te here e i te auahi o te faaroo e i te hoê taa-maitai-raa e o vai ra ratou » (« Great Shall Be the Peace of Thy Children », Ensign, Eperera 1994, 60).

Stick figure cues

Vetahi mau tamarii huma e pahono maitai i te mau rave‘a hi‘o. A faaohipa i te mau rave‘a mai tei faaitehia i ônei no te parau e taime teie no te pureraa, no te faaea-muhu-ore-raa, e aore râ no te himene.

E roraa te mau hoho‘a taata i ni‘a sharingtime.lds.org

No te tahi atu mau haamaramaramaraa no ni‘a e nahea ia tauturu i te mau tamarii e mau hinaaro taa ê to ratou, a hi‘o lds.org/callings/primary (a pata Primary, i muri iho Teaching All Children, Including Those with Disabilities) ; Haapiiraa, Aita e Piiraa Teitei a‘e, 38–39 ; e disabilities.lds.org.

A group of Primary children. A boy in front with his arms outstretched has Down's Syndrome.

Faatanoraa i te mau haapiiraa : E mea ti‘a paha ia outou ia faatano i ta outou mau taime faaanaanataeraa no te mau tamarii huma. A hi‘o sharingtime.lds.org no te tahi atu mau hi‘oraa e nahea ia rave i te reira.