Unsaon sa Paggamit sa Musika sa Primary

Ang katuyoan sa musika sa Primary mao ang pagtudlo sa mga bata sa ebanghelyo ni Jesukristo ug sa pagtabang kanila nga makakat-on sa pagsunod niini. Ang mga kanta sa Primary makahimo sa pagkat-on nga mas lingaw, makatabang sa mga bata nga makat-on ug makahinumdom sa mga kamatuoran sa ebanghelyo, ug makadapit sa Espiritu.

Ang mosunod mao ang mga kahanas nga mahimo nimong gamiton sa pagtudlo og kanta sa mga bata. Ang mga ehemplo makatabang kanimo sa mga kanta nga gisugyot niini nga outline. Tan-awa sa seksyon nga “Unsaon sa Paggamit ang Musika sa Primary” sa 2015 nga outline alang sa dugang nga mga ideya.

Kuhaa ang Atensyon sa mga Bata

Sa dili ka pa magsugod sa pagpakanta, siguroa nga anaa kanimo ang atensyon sa mga bata. Makuha nimo ang ilang atensyon pinaagi sa paggamit og mga tabang nga biswal sama sa mga litrato, simple nga mga butang, o ang mga bata mismo. Mahimo usab nimo ang yano nga pag-usab sa tuno sa imong tingog. Ang pang-atensyon nga mga kalihokan kinahanglan nga mubo ug mogiya gayud ngadto sa kanta. Sama pananglit:

Sa dili pa manganta sa “I Love to See the Temple” (CS, 95), hangyoa ang mga bata sa pag-isa sa ilang mga kamot kon aduna silay makita nga templo. Dapita sila sa paghunahuna kon unsa ang ilang bation kon makakita sila og templo samtang manganta…
Ang mga bata ang pinakamaayo nimo nga tabang nga biswal. Dapita sila sa paghimo og simple nga mga props sama sa kurbata o mga kasulatan sa pagrepresentar sa mga misyonaryo samtang sila manganta sa “We’ll Bring the World His Truth” (CS, 172–73).

A woman leading music in Primary. A girl is standing at her side holding a copy of the Book of Mormon. — Himoa nga sayon ang mga biswal. Kini maghimo sa mga bata nga makahatag og pagtagad sa mensahe sa kanta, ug magtugot kini sa Espiritu sa pagpamatuod nga ang ilang gikanta tinuod.

Giyahi ang Pagpaminaw sa mga Bata

Ang paghangyo sa mga bata nga maminaw alang sa tubag sa usa ka pangutana makatabang kanila nga makakat-on sa mga pulong ug mensahe sa kanta. Mahimo nimo silang dapiton sa pagpaminaw alang sa tubag sa mga pangutana sama sa “kinsa?” “Unsa!” Asa?” “kanus-a?” o “ngano?” Mahimo usab nimong hangyoon ang mga bata sa pagpamimaw alang sa importanting mga pulong o sa mga bagay sa mga pulong o sa pag-ihap sa ilang mga tudlo kon kapila na nila nakanta ang usa ka pulong.

Samtang magtudlo ka sa “Kon Maminaw sa Dughan Ko” (pahina 28 niini nga booklet), isulat sa pisara ang usa sa mosunod nga mga pangutana: “Asa man nako madungog ang tingog sa Manluluwas?” “Kinsa ang nagtudlo kanato unsaon sa pagpuyo nga matarung?” “Kinsa ang hilum nga namulong ngari kanato?” Dapita ang mga bata sa pagpaminaw alang sa tubag samtang manganta sila ug sa paghatag og timailhan (pinaagi sa pagkyugpos sa mga kamot, pagbarug, o sa paghikap sa ilang mga dalunggan) kon ilang makanta ang tubag. Ipakanta sa mga bata kauban nimo ang tubag sa pipila ka higayon. Pagsulat og laing pangutana sa pisara ug balik-balika.

A woman leading the singing in Primary. — Ang mga bata mobati sa imong gugma ug kahinam alang sa ebanghelyo samtang magkanta ka dungan nila. Samtang magpaambit ka sa imong pagpamatuod sa Manluluwas, sila usab mobati sa Iyang gugma alang kanila.

Ilakip ang mga Bata

Ilakip ang mga bata sa lain-laing mga paagi samtang kamo manganta. Sama pananglit:

Dapita ang mga bata sa paghunahuna og sayon nga mga aksyon sa mga kamot sa pagtabang kanila nga mahinumdom sa mga pulong ug mensahe sa kanta (tan-awa sa “Mga tabang alang sa music leader” sa pahina 7).
Dapita ang mga bata sa paghunahuna nga mga misyonaryo samtang sila manganta sa “We’ll Bring the World His Truth.” Hangyoa sila sa pagmartsa diha lang sa gibarugan o molibut sa kwarto ug maggunit sa ilang mga kasulatan samtang sila manganta.
Sa dili pa manganta og “Kon Maminaw sa Dughan Ko,” hatagi ang matag bata og usa ka papel nga giporma og kasingkasing ug ingna sila sa pagsulat og “Maminaw” sa atubang ug “Makadungog” anha sa luyo nga bahin. Ipasabut nga kining mga pulong gibalik-balik sa makadaghang higayon diha sa kanta. Hangyoa ang mga bata sa pagpakita sa husto nga bahin sa papel sa kasingkasing kon makanta nila ang pulong.

2016 Outline for Sharing Time/Children's Sacrament Meeting Program — Makadungog

Kanta, Kanta, Kanta

Ang mga bata mas makakat-on sa kanta og tarung samtang sila maminaw ug manganta niini nga balik-balik.

Ribyuha ug kantaha ang mga kanta sa lain-laing makalingaw nga paagi. Sama pananglit:

Dapita ang mga bata sa pagkat-on og sugod sa melodiya sa usa ka bag-ong kanta pinaagi sa pagpaminaw niini o sa pag-hum niini panahon sa pasiuna nga kanta.
Sa pagribyu sa “I Will Follow God’s Plan” (CS, 164–65), paghimo og pipila ka mga timailhan sa dalan. Pagsulat og lahi nga pulong gikan sa kanta sa matag timailhan sa dalan. Iisa ang timailhan, ug sultihi ang mga bata nga samtang kantahon nila ang kanta kinahanglang dili nila ikanta ang pulong. Balika kini nganha sa lain na usab nga mga timailhan sa dalan.
Paghimo og usa ka cube nga hinimo gikan sa papel o karton, ug sa matag kilid sa cube pagsulat og lahi nga pamaagi sa pagkanta (sama pananglit, sa pagpak-pak sa melodiya, paghimo og mga aksyon sa kamot, pagkanta og hinay, mga lalaki ang mokanta, mga babaye ang mokanta, og i-hum ang melodiya). Sa lain nga cube isulat ang mga ngalan sa pipila ka mga kanta sa Primary nga nakat-unan sa mga bata. Pagdapit og usa ka bata sa pagpaligid sa nag-una nga cube sa paghukom kon unsaon nila sa pagkanta ang kanta, ug pagdapit og laing bata sa pagpaligid sa laing cube sa paghukom kon hain nga kanta ang ilang kantahon.

Two young girls standing by a table in Primary. There are song cubes on the table.