Hulyo

“Ang Templo Mao ang Balay sa Dios

Kanta: “I Love to See the Temple”

(CS, 105)

“Ang sagradong mga ordinansa ug mga pakigsaad nga anaa sa balaan nga mga templo maghimo sa usa ka tawo nga makabalik ngadto sa presensya sa Dios ug aron ang mga pamilya mahiusa sa kahangturan” (“Ang Pamilya: Usa ka Pamahayag ngadto sa Kalibutan,” paragrap 3).

Dugangi ang mga ideya nga gihatag dinhi og pipila nga gikan sa imong kaugalingon. Pagplano og mga paagi sa pagpaila sa doktrina ngadto sa mga bata ug tabangi sila sa pagsabut niini ug sa paggamit niini diha sa ilang mga kinabuhi. Pangutan-a ang imong kaugalingon, “Unsa ang buhaton sa mga bata aron makakat-on, ug unsaon nako sa pagtabang kanila nga mobati sa Espiritu?”

Semana 1: Ang Dios misugo sa Iyang katawhan sa pagtukod og mga templo.

Ipaila ang doktrina: Pagpakita og litrato sa templo ug pagsulat sa pisara og “ang Templo mao ang .” Dapita ang mga bata sa pagpanganta sa unang bersikulo sa “I Love to See the Temple” (CS, 95). Sultihi sila sa pagsinyas kon manganta na sila sa pulong nga mokompleto sa han-ay sa mga pulong nga anaa sa pisara pinaagi sa pagkyugpos sa ilang mga kamot. Pangutan-a sila kon unsa ang templo (balay sa Dios). Tabangi ang mga bata sa pagtan-aw sa “Templo” sa Giya ngadto sa mga Kasulatan ( mga pahina 246–47). Tabangi sila nga makakita sa mga pamahayag nga nagpasabut nga ang templo mao gayud ang balay sa Ginoo ug ang Dios kanunay nagsugo sa Iyang katawhan sa pagtukod og mga templo.

Awhaga ang pagsabut niini: Pag-andam og mga timailhan mahitungod sa mga templo nga gitukod ni Moises (tan-awa sa Exodo 25:1–2, 8–9), ni Nephi (tan-awa sa 2 Nephi 5:16), ug ni Joseph Smith (tan-awa sa D&P 124:31) ug sa ilang mga sumusunod. Sama pananglit: “Ang among templo gitawag og tabernakulo, ug gibalhin namo kini samtang kami nagbiyahe” (Moises) o “Nagtukod kami og templo human sa among pagbiya sa Jerusalem ug sa pagtabok sa kadagatan” (Nephi). Pagpili og tulo ka bata nga magrepresentar niini nga mga propeta, ug dapita sila sa paghatag og mga timaan ngadto sa Primary. Dapita ang mga bata sa pagtag-an kon si kinsa ang girepresentahan sa bata. Human sila makatag-an sa husto, pagpakita og litrato sa propeta o sa templo nga itukod niya ug sa iyang mga tawo.

Mga hulagway anaa sa sharingtime.lds.org

Awhaga ang paggamit niini: Pagpakita og usa ka litrato sa templo nga pinakaduol sa imong gipuy-an. Hisguti ang mosunod nga mga pangutana: Sa inyong hunahuna ngano kaha nga ang Dios nagsugo kanato sa pagtukod og mga templo? Unsa ang inyong mahimo sa pag-andam sa pag-adto sa templo sa umaabut nga adlaw?

Pagdapit og mga tubag: Ang mga bata malagmit nga motubag sa mga pangutana kon mahatagan sila og panahon sa paghunahuna. Hunahunaa ang pagsulti kanila nga hatagan nimo sila og panahon sa paghunahuna sa dili pa mangayo og tubag (Tan-awa sa PWLMT, 69.)

Semana 2: Ang mga pamilya mapanalanginan pinaagi sa sagradong mga ordinansa sa templo.

Ipaila ang doktrina: Pagdapit og mas dako nga bata sa pagbasa sa katapusang duha ka han-ay sa mga pulong gikan sa paragrap 3 sa “Ang Pamilya: Usa ka Pamahayag ngadto sa Kalibutan” ngadto sa Primary. Ibutang ang mosunod nga duha ka mga pulong og hugpong sa mga pulong sa lahi nga ginunting nga papel: Ang templo, usa ka balaang, dapit diin, kita hiusahon, sa pag-seal. Ibutang kini bisan asa sa pisara. Ipabalhin sa bata ang usa ka ginunting ngadto sa husto nga dapit niini. Balik-balika hangtud ang mga pulong mahan-ay. Kantaha ang ikaduhang bersikulo sa “I Love to See the Temple,” ug papaminawa ang katunga sa mga bata sa duha ka butang nga gibuhat nato sa templo (mga pakigsaad ug ang saad sa pagtuman) ug ang laing katunga maminaw alang sa kamatuoran nga ilang nakat-unan (ang pamilya mahangturon). Tabangi ang mga bata nga makasabut nga ang pagka-seal ngadto sa ilang pamilya diha sa templo nagpasabut nga sila mahimong magkauban sa hangtud.

Ipaila sa klaro nga paagi ang doktina nga imong itudlo. Kini makatabang sa mga bata sa pagsabut ug sa paggamit niini nga mas maayo.

Ang templo usa ka balaang dapit diin kita hiusahon sa pag-seal.

Ginunting nga mga pulong anaa sa sharingtime.lds.org

Awhaga ang paggamit niini: Pagdapit og pamilya o pipila ka mga bata sa pagpaambit kon unsa ang ilang gibati sa dihang mibisita sila sa mga nataran sa templo og kon sa unsang paagi sila napanalanginan tungod sa templo ug sa mga ordinansa sa pag-seal. Dapita ang mga bata sa pag-drawing og mga litrato sa ilang pamilya nga anaa sa gawas sa templo.

Higugmaa ang imong mga gitudloan: Samtang magtudlo ka mahitungod sa mahangturong mga pamilya, pagmatngon sa mga bata nga wala nay mga papa ug mama sa ilang panimalay. Pagmatngon usab sa mga bata kinsa adunay mga ginikanan og mga igsoon nga dili mga aktibo o dili mga miyembro sa Simbahan. Dasiga ang tanang mga bata sa pagpuyo nga takus ug mangandam aron sila makabaton og mahangturong mga pamilya nga ilang kaugalingon sa umaabut. (Tan-awa sa PWLMT, 31–32.)

Semana 3: Ang mga pioneer mitrabaho og maayo ug misakripisyo sa pagtukod og mga templo.

Awhaga ang pagsabut niini: Pagtigom og mga impormasyon mahitungod sa pagtukod sa mga Templo sa Kirtland ug sa Salt Lake ug, kon mahimo, sa templo nga pinakaduol sa imong gipuy-an. (Tan-awa sa Primary 5, mga leksyon 25 ug 44 o sa LDS.org alang sa impormasyon sa mga Templo sa Kirtland ug sa Salt Lake.) Paghangyo og pipila ka mga hingkod sa pag-adto sa Primary ug magpaambit sa impormasyon uban sa mga bata. Grupo-grupoha ang mga bata, ug pabanus-banusa ang mga grupo sa paghimamat sa matag usa sa mga hingkod na. Dapita ang mga bata sa pagpanganta sa “I Love to See the Temple” samtang mobalhin sila gikan sa usa ka dinapit nga mamumulong ngadto sa lain.

Tingali kinahanglan nimong ipahiangay ang mga kalihokan ngadto sa mga panginahanglan sa imong Primary. Sama pananglit, kon ang imong Primary daghan, mahimo nga ang dinapit nga mga mamumulong ang mobalhin gikan sa usa ka grupo ngadto sa laing grupo kay sa pabalhinon ang mga bata gikan sa usa ka mamumulong ngadto sa lain (tan-awa sa PWLMT, 179).

Semana 4: Makapangandam ako nga mahimong takus sa pag-adto sa templo.

Awhaga ang pagsabut ug ang paggamit niini: Ipakita ang “Ang Akong mga Sumbanan sa Ebanghelyo” ug ipasabut nga ang pagsunod niini nga mga sumbanan makatabang kanato nga mahimong takus sa pag-adto sa templo. Grupo-grupoha ang mga bata. Ipahisgut sa magtutudlo sa matag grupo ang mga sumbanan nga makatabang sa mga bata sa pagpangandam sa pag-adto sa templo ug sa pagpamatuod kon sa unsang paagi nga ang pagsunod sa sumbanan nakatabang kaniya. Hangyoa ang matag grupo sa pagpili og usa sa mga sumbanan sa ebanghelyo ug dayon isulat o i-drawing ang ilang mga pasalig sa pagsunod sa mga sumbanan. Dapita ang bishop o ang presidente sa branch ngadto sa Primary, ug ipahimo sa matag grupo ang pagpaambit ngadto kaniya sa ilang mga pasalig. Dapita ang bishop o ang presidente sa branch sa pagpaambit sa iyang pagpamatuod mahitungod sa kaimportante sa mga templo.

Poster anaa sa sharingtime.lds.org

Tinuig nga Hagit: Hinumdumi ang paghatag sa mga bata og oportunidad sa pagpakigbahin kon unsa ang ilang mga nakat-unan gikan sa ilang pagbasa sa mga kasulatan (tan-awa sa Enero, semana 2).