ខែ មេសា
ព្រះយេស៊ូវគ្រីស្ទបង្រៀនខ្ញុំឲ្យជ្រើសរើសត្រឹមត្រូវ
« ត្បិតខ្ញុំបានធ្វើដម្រាប់ទុកឲ្យអ្នករាល់គ្នាហើយ ដើម្បីឲ្យអ្នករាល់គ្នាត្រាប់តាមការដែលខ្ញុំឲ្យធ្វើនោះ » ( យ៉ូហាន 13:15 ) ។
ចម្រៀង ៖ អ្នកអាចជ្រើសរើសចម្រៀងណាមួយក៏បាន អំពីព្រះយេស៊ូវគ្រីស្ទ ដែលដកស្រង់ចេញពីសៀវភៅចម្រៀងកុមារ
សូមបំពេញបន្ថែមគំនិតដែលបានផ្តល់ឲ្យនៅទីនេះ ជាមួយនឹងគំនិតរបស់អ្នកផ្ទាល់ខ្លួនខ្លះ ៗ ។ ជារៀងរាល់សប្តាហ៍ សូមដាក់ផែនការដើម្បី (1) សម្គាល់មើលអំពីគោលលទ្ធិ (2) ជួយកុមារយល់អំពីគោលលទ្ធិនោះ ហើយ (3) ជួយពួកគេអនុវត្តគោលលទ្ធិនោះនៅក្នុងជីវិតរបស់ពួកគេ ។ សូមសួរខ្លួនអ្នកថា « តើកុមារត្រូវធ្វើអ្វីខ្លះ ដើម្បីរៀនចេះ ហើយតើខ្ញុំអាចជួយពួកគេឲ្យទទួលអារម្មណ៍ ពីព្រះវិញ្ញាណដោយរបៀបណា ? »
សប្តាហ៍ទី 1 ៖ ព្រះយេស៊ូវគ្រីស្ទគឺជាគំរូដ៏ឥតខ្ចោះសម្រាប់ខ្ញុំ ។
សូមលើកទឹកចិត្តឲ្យមានការយល់ដឹង( សូមអានបទគម្ពីរ និងគូរគំនូរ ) ៖ នៅលើក្រដាសធំមួយសន្លឹក សូមសរសេរឃ្លា « ព្រះយេស៊ូវគ្រីស្ទគឺជាគំរូដ៏ឥតខ្ចោះសម្រាប់ខ្ញុំ » ។ សូមកាត់រូបភាពចេញជាល្បែងផ្គុំអក្សរងាយ ៗចំនួនបួនបំណែក ។ សូមសរសេរឃ្លាដូចខាងក្រោមនៅខាងក្រោយបំណែកសម្រាប់ផ្គុំនិមួយ ៗ ។
-
ទ្រង់បានបង្ហាញផ្លូវដល់យើងដើម្បីទទួលបុណ្យជ្រមុជទឹក ( សូមមើល ម៉ាថាយ 3:13–17 ) ។
-
ទ្រង់បានបង្ហាញសេចក្តីស្រឡាញ់សម្រាប់អ្នកដទៃ ( សូមមើល ម៉ាកុស 10:13–16 ) ។
-
ទ្រង់អភ័យទោសឲ្យនរណាដែលធ្វើឲ្យទ្រង់ឈឺចាប់ ( សូមមើល លូកា 23:34 ) ។
-
ទ្រង់បានបង្ហាញយើងអំពីរបៀបដើម្បីអធិស្ឋាន ( សូមមើលម៉ាថាយ 6:5–13 ) ។
នៅពេលដែលបង្រៀនគោលការណ៍ដំណឹងល្អ ជួយកុមារស្វែងរកវិធីដើម្បីអនុវត្តតាមគោលការណ៍ទាំងនោះនៅក្នុងជីវិតរបស់ពួកគេ ។
ច្រៀងបទ « ខ្ញុំព្យាយាមប្រែក្លាយដូចជាព្រះយេស៊ូវ » ( ស. ច. ក. ទំព័រ78–79 ) ។ សូមសួរកុមារឲ្យពន្យល់ថាតើចម្រៀងនេះបានបង្រៀនអ្វីខ្លះ ។ សូមបង្ហាញរូបភាពរបស់ព្រះគ្រីស្ទ ហើយសូមប្រាប់កុមារថា ទ្រង់បានបង្រៀនយើងនូវរឿងជាច្រើន តាមរយៈគំរូដ៏ឥតខ្ចោះរបស់ទ្រង់ ។ សូមបំបែកកុមារទៅជាបួនក្រុមធំ ៗ ហើយសូមឲ្យក្រុមនីមួយ ៗនូវបំណែកល្បែងផ្គុំអក្សរ និងព្រមទាំងបំណែកក្រដាសទទេរស្អាតខ្លះ ៗ ។ សូមសួរពួកគេឲ្យអានបទគម្ពីរជាមួយគ្នា ហើយបន្ទាប់មកសូមគូរគំនូរដែលបង្ហាញពីរបៀបដែលពួកគេអាចធ្វើតាមគំរូរបស់ព្រះគ្រីស្ទ ។ សូមអញ្ជើញក្រុមនិមួយៗឲ្យពន្យល់ពីបទគម្ពីរ និងរូបភាពរបស់ពួកគេ ហើយដើម្បីធ្វើការផ្គុំអក្សរនៅលើក្តាខៀន ។ បន្ទាប់ពីតួអក្សរទាំងអស់ត្រូវបានផ្គុំ សូមអានជាមួយគ្នា « ព្រះយេស៊ូវគ្រីស្ទគឺជាគំរូដ៏ឥតខ្ចោះសម្រាប់ខ្ញុំ ។
សប្តាហ៍ទី 2 និងទី 3 ៖ ព្រះយេស៊ូវគ្រីស្ទ បានបង្រៀនខ្ញុំពីរបៀបត្រឹមត្រូវដើម្បីរស់នៅ ។
សម្គាល់មើលអំពីគោលលទ្ធិ( ច្រៀងចម្រៀង ) ៖ ច្រៀងបទ « ហាននឹងធ្វើត្រូវ » ( ទំនុកដំកើងព្រះ និងចម្រៀងកុមារ 160–61 ) ហើយសុំឲ្យកុមារពាក់កណ្តាលឲ្យស្តាប់ពីរបៀបដែលយើងអាចសប្បាយរីករាយ និងកុមារពាក់កណ្តាលទៀតឲ្យស្តាប់ពីអ្វីដែលនឹងជួយពួកយើង ហើយសូមបង្ហាញយើងនូវផ្លូវនោះ ។ សូមពិភាក្សាពីអ្វីដែលកុមារបានរៀនចេញពីបទចម្រៀងនេះ ។
សូមលើកទឹកចិត្តឲ្យមានការយល់ដឹង}( លេងល្បែងទស្សន៍ទាយ និងអានបទគម្ពីរ ) ៖ សូមរៀបចំស្លាកពាក្យដែលមាននូវពាក្យ និងបទគម្ពីរយោងដូចខាងក្រោម ៖ សេចក្តីស្រេកឃ្លាន (ម៉ាថាយ 5:6); ពន្លឺចែងចាំង ( ម៉ាថាយ 5:16 ); សេចក្តីស្រឡាញ់ ( ម៉ាថាយ 5:44 ) និងការអធិស្ឋាន ( ម៉ាថាយ 6:6 ) ។ សូមបង្ហាញរូបភាពទេសនកថានៅលើភ្នំ ។ សូមពន្យល់ថាព្រះយេស៊ូវបានឡើងទៅលើភ្នំ ដើម្បីបង្រៀនពួកសិស្សរបស់ទ្រង់ នូវកិច្ចការដែលទ្រង់បានបង្រៀន ដែលឥឡូវនេះបានហៅថាទេសនកថានៅលើភ្នំ ។ សូមបង្ហាញស្លាកពាក្យមួយទៅដល់កុមារពាក់កណ្តាលថ្នាក់ ហើយសូមឲ្យពួកគេធ្វើកាយវិការតាមពាក្យនោះសម្រាប់ឲ្យកុមារដទៃទៀតធ្វើការទស្សន៍ទាយ ។ សូមអានបទគម្ពីរយោងជាមួយគ្នា ហើយសូមជួយកុមារយល់ពីអ្វីដែលព្រះគ្រីស្ទបានបង្រៀន ហើយសូមបង្ហាញថាយើងអាចធ្វើតាមគំរូរបស់ទ្រង់ ។ សូមអានពាក្យ និងបទគម្ពីរផ្សេងទៀតឡើងវិញ ។
ស្លាកពាក្យមាននៅ sharingtime.lds.org
សូមលើកទឹកចិត្តឲ្យមានការអនុវត្តន៍( ពិភាក្សាការសិក្សាករណី ) ៖ នៅលើបំណែកក្រដាសទាំងបួនសន្លឹក សូមសរសេរនូវការបង្រៀនរបស់ព្រះយេស៊ូវដូចខាងក្រោម ៖ (1) ស្រេកឃ្លានរកសេចក្តីសុចរិត (2) សូមឲ្យពន្លឺអ្នកចែងចាំងឡើង (3) ស្រឡាញ់ខ្មាំងសត្រូវរបស់អ្នក (4) អធិស្ឋានទៅព្រះវរបិតាសួគ៌ ។ ( សូមធ្វើការពិចារណាពីការប្រើប្រាស់រូបភាពដែលបង្ហាញពីការបង្រៀនទាំងនេះដល់កុមារតូច ៗ ) ។ សូមដាក់តាំងក្រដាសនៅកន្លែងផ្សេង ៗក្នុងបន្ទប់ ។ សូមរៀបចំការសិក្សាករណីផ្សេង ៗ ( សូមមើល TNGCទំព័រ 161–62 ) ដែលជួយកុមារយល់ពីរបៀបដែលពួកគេអាចអនុវត្តតាមនូវការបង្រៀនទាំងនេះ ។ ឧទាហរណ៍ « មាននរណាម្នាក់នៅឯសាលារៀនបានចំអន់អ្នក ហើយបានហៅឈ្មោះរបស់អ្នក ។ តើអ្នកនឹងធ្វើអ្វី ? » សូមរំឭកបទគម្ពីរចេញពីល្បែងទស្សន៍ទាយដែលបានពិពណ៌នាដូចខាងលើ ហើយសូមលើកឡើងថា ក្រដាសដែលបានដាក់តាំងនៅជុំវិញបន្ទប់គឺទាក់ទងនឹងបទគម្ពីរទាំងឡាយ ។ សូមអានការសិក្សាករណីឲ្យកុមារ ហើយសូមអញ្ជើញពួកគេឲ្យឈរទល់មុខនឹងក្រដាសដែលមានការបង្រៀនដែលនឹងជួយពួកគេជ្រើសរើសត្រឹមត្រូវ ។ សូមសួរកុមារពីរបីនាក់ឲ្យចែកចាយនូវជម្រើសដែលពួកគេអាចធ្វើ ។
សប្តាហ៍ទី 4 ៖ ខ្ញុំទទួលបាននូវអារម្មណ៍នៃសេចក្តីស្រឡាញ់របស់ព្រះអង្គសង្រ្គោះ នៅពេលដែលខ្ញុំព្យាយាមក្លាយខ្លួនដូចជាព្រះយេស៊ូវគ្រីស្ទ ។
សូមលើកទឹកចិត្តឲ្យមានការយល់ដឹង( ច្រៀងចម្រៀង និងធ្វើការជ្រើសរើស ) ៖ ច្រៀងបទ « ខ្ញុំដឹងព្រះបិតារស់ » ( ទំនុកដំកើងព្រះ និងចម្រៀងកុមារ 59 ) ។ សូមសរសេរសិក្សាករណីឲ្យបានពីរបីករណី ដែលបង្ហាញអំពីរបៀបដែលកុមារអាចធ្វើតាមការបង្រៀនមួយរបស់ព្រះគ្រីស្ទ ។ សូមបញ្ជូលសេចក្តីយោងបទគម្ពីរដែលអាចមានការបង្រៀនទាំងនេះ ។ ខាងក្រោមនេះគឺជាឧទាហរណ៍មួយចំនួន ។
សារ៉ា បានប្រាប់ប្អូនស្រីរបស់នាងមិនឲ្យប្រើខ្មៅដៃពណ៌របស់នាង ប៉ុន្តែប្អូនស្រីរបស់នាងនៅតែប្រើខ្មៅដៃពណ៌នោះ ។ ដើម្បីក្លាយខ្លួនដូចជាព្រះយេស៊ូវ សារ៉ាអាច ៖
-
ខឹងនឹងប្អូនស្រីរបស់នាង ។
-
យកខ្មៅដៃពណ៌របស់នាងទៅលាក់ ។
-
អភ័យទោសឲ្យប្អូនស្រីរបស់នាង ។
ចន កំពុងតែលេងបាល់ទាត់ជាមួយនឹងមិត្តភក្តិរបស់គាត់ ហើយគាត់បានកត់សំគាល់ឃើញថា មានក្មេងប្រុសម្នាក់ទៀតឈរម្នាក់ឯងមើលគេលេង ។ដើម្បីក្លាយខ្លួនដូចជាព្រះយេស៊ូវ ចន អាច ៖
-
សើចចំអកដល់ក្មេងប្រុសដែលឯកោរនោះ ។
-
មិនខ្វល់ខ្វាយនឹងក្មេងប្រុសនោះ ហើយបន្តលេងជាមួយនឹងមិត្តភក្តិរបស់គាត់ទៀត ។
-
អញ្ចើញក្មេងប្រុសនោះមកលេងបាល់ទាត់ជាមួយពួកគេ ។
សូមឲ្យកុមារអានការសិក្សាករណីមួយ ។ បន្ទាប់មកសុំសួរគាត់ ឬនាងឲ្យអានចម្លើយមួយម្តង ៗ ។ សូមអញ្ចើញកុមារផ្សេងទៀតឲ្យក្រោកឈរឡើង នៅពេលដែលពួកគេស្តាប់ឮចម្លើយដែលអាចធ្វើតាមគំរូរបស់ព្រះយេស៊ូវ ។សូមអញ្ចើញកុមារពីរបីនាក់ឲ្យអានបទគម្ពីរឲ្យឮ ៗ ហើយសូមពិភាក្សានូវអ្វីដែលព្រះយេស៊ូវបានបង្រៀន ។ សូមពិភាក្សាអំពីរបៀបធ្វើតាមគំរូរបស់ព្រះយេស៊ូវ នៅក្នុងស្ថានភាពទាំងនេះអាចជួយយើងទទួលបាននូវអារម្មណ៍នៃសេចក្តីស្រឡាញ់របស់ព្រះអង្គសង្រ្គោះ ។ សូមធ្វើសិក្សាករណីនីមួយ ៗសារឡើងវិញ ។
សូមឲ្យកុមារអានឲ្យឮ ៗចេញពីបទគម្ពីរ ។ សូមស្គាល់ពីសមត្ថភាពរបស់កុមារម្នាក់ ៗ ហើយជួយពួកគេម្នាក់ចូលរួមចំណែកដោយជោគជ័យ ។
សូមលើកទឹកចិត្តឲ្យមានការអនុវត្តន៍សូមអញ្ជើញកុមារឲ្យធ្វើតាមអ្វីដែលព្រះយេស៊ូវនឹងចង់ឲ្យពួកគេធ្វើនៅសប្តាហ៍នេះ ។ សូមប្រាប់ពួកគេថា នៅសប្តាហ៍ក្រោយអ្នកនឹងសុំឲ្យពួកគេមួយចំនួនចែកចាយនូវអ្វីដែលពួកគេបានធ្វើ និងរបៀបដែលពួកគេទទួលអារម្មណ៍នៃសេចក្តីស្រឡាញ់ពីព្រះអង្គសង្រ្គោះ ។
ជំនួយសម្រាប់អ្នកដឹកនាំតន្រ្តី
ដើម្បីជួយកុមាររៀនបទចម្រៀងថ្មី ៗសូមពិចារណានូវកិច្ចការដូចខាងក្រោម ៖
-
សុំឲ្យកុមារធ្វើសញ្ញានៅពេលដែលពួកគេច្រៀងពាក្យដែលទាក់ទង ឬរាប់ម្រាមដៃរបស់ពួកគេថាតើពួកគេបានច្រៀងពាក្យនោះប៉ុន្មានដង ។ ឧទាហរណ៍ សូមច្រៀង « ចូរមកតាមខ្ញុំ » ( ស. ច. ក. ទំព័រ 34–35 ) និងសួរពួកគេឲ្យរាប់ម្រាមដៃរបស់ពួកគេថាតើពួកគេច្រៀងពាក្យ « ចូរមកតាមខ្ញុំ » ចំនួនប៉ុន្មានដង ។
-
សូមជ្រើសរើសរូបភាព និងពាក្យដែលតំណាងឲ្យឃ្លានីមួយ ៗនៅក្នុងបទចម្រៀង ហើយសូមបិទវាជាប់នឹងក្រដាស ។ ឧទាហរណ៍ នៅពេលអ្នកច្រៀងបទ « ខ្ញុំជាកូនរបស់ព្រះ » ( ទំនុកដំកើងព្រះ និងចម្រៀងកុមារាកុមារី ទំព័រ 58– ) សូមបង្ហាញឃ្លាដែលថា « តើព្រះវរបិតាប្រាប់ដល់ពិភពលោកពីសេចក្តីស្រឡាញ់ និងភាពផ្អែមល្ហែមរបស់ទ្រង់យ៉ាងដូម្តេច ? » ជាមួយនឹងរូបភាពបេះដូង និងពាក្យសម្ដីទន់ភ្លន់ ។ សម្រាប់ឃ្លា « ខ្ញុំជាកូនរបស់ព្រះ ហើយទ្រង់បានចាត់ខ្ញុំមក » សូមបង្ហាញរូបភាពនៃការប្រសូត និងពាក្យ ចាត់ឲ្យខ្ញុំមក ។អ្នកអាចធ្វើឲ្យកុមារចូលរួមចំណែក តាមរយៈការឲ្យពួកគេកាន់រូបភាពខណៈដែលពួកគេច្រៀង ។