ខែ មករា
សេរីភាព គឺជាអំណោយទានដើម្បីជ្រើសរើសសម្រាប់ខ្លួនរបស់យើង
« ហេតុដូច្នោះហើយ មនុស្សលោកមានសេរីភាព … រើសយកឥស្សរភាព និងជីវិតដ៏នៅអស់កល្បជានិច្ច តាមរយៈព្រះជាអ្នកសង្រួបសង្រួមដ៏ធំរបស់មនុស្សលោកទាំងអស់ » ( នីហ្វៃទី 2 2:27 ) ។
ចម្រៀង ៖ « ដោយជាបុត្រនៃព្រះ »
(ទំព័រទី 28 (០០) នៅក្នុងសៀវភៅណែនាំនេះ)
សូមបំពេញបន្ថែមគំនិតដែលបានផ្តល់ឲ្យនៅទីនេះ ជាមួយនឹងគំនិតរបស់អ្នកផ្ទាល់ខ្លួនខ្លះ ៗ ។ ជារៀងរាល់សប្តាហ៍ សូមដាក់ផែនការដើម្បី (1) សម្គាល់មើលអំពីគោលលទ្ធិ (2) ជួយកុមារយល់អំពីគោលលទ្ធិនោះ ហើយ (3) ជួយពួកគេអនុវត្តគោលលទ្ធិនោះនៅក្នុងជីវិតរបស់ពួកគេ ។ សូមសួរខ្លួនអ្នកថា « តើកុមារត្រូវធ្វើអ្វីខ្លះ ដើម្បីរៀនចេះ ហើយតើខ្ញុំអាចជួយពួកគេឲ្យទទួលអារម្មណ៍ពីព្រះវិញ្ញាណដោយរបៀបណា ? »
សប្តាហ៍ទី 1 និងទី 2 ៖ សេរីភាព គឺជាអំណោយទានដើម្បីជ្រើសរើសសម្រាប់ខ្លួនរបស់យើង ។
សម្គាល់មើលអំពីគោលលទ្ធិ ( លេងល្បែងធ្វើការទស្សន៍ទាយ ) ៖ សូមប្រាប់ដល់កុមារថា អ្នកកំពុងតែគិតអំពីពាក្យមួយម៉ាត់ ហើយសូមប្រាប់ជាតំរុយដល់ពួកគេ ដើម្បីជួយពួកគេធ្វើការទស្សន៍ទាយពាក្យនោះ ។ សុំឲ្យពួកគេលើកដៃរបស់ពួកគេឡើង នៅពេលដែលពួកគេដឹងពីចម្លើយ ។ ការឲ្យជាតំរុយនេះអាចរួមមានដូចតទៅ ៖ យើងបានជួបប្រទះរឿងនេះពីមុនយើងមកផែនដីនេះ ។ វាគឺជាអំណោយទានមកពីព្រះវរបិតាសួគ៌របស់យើង ។ វាគឺជាផ្នែកមួយដ៏សំខាន់នៃផែនការរបស់ព្រះវរបិតាសួគ៌សម្រាប់យើង ។ សាតាំងបានចង់ដកយកអំណោយនេះចេញពីយើង ។ យើងប្រើអំណោយនេះ នៅពេលដែលយើងធ្វើការជ្រើសរើស ។ វាគឺជាអំណោយទានដែលធ្វើឲ្យយើងជ្រើសរើសសម្រាប់ខ្លួនយើង ។ ពាក្យនេះចាប់ផ្តើមឡើងដោយអក្សរស ។ បន្ទាប់ពីកុមារបានទស្សន៍ទាយចម្លើយរួចហើយ សូមនិយាយព្រមគ្នានូវ « សេរីភាពគឺជាអំណោយទានដើម្បីជ្រើសរើសសម្រាប់ខ្លួនរបស់យើង » ។
សូមលើកទឹកចិត្តឲ្យមានការយល់ដឹង( សូមមើល និងពិភាក្សាពីគោលបំណងរបស់មេរៀន ) ៖ សូមបង្ហញឈើច្រត់មួយដែលមានពាក្យការជ្រើសរើសសរសេរនៅចុងឈើច្រត់ និងសរសេរពាក្យលទ្ធផល សរសេរនៅលើចុងឈើច្រត់ម្ខាងទៀត ។ សូមពន្យល់ថាលទ្ធផលមួយគឺជាអ្វីដែលកើតឡើងឯកឯង ពីព្រោះតែការជ្រើសរើសមួយដែលយើងធ្វើ ឧទាហរណ៍ ប្រសិនបើយើងជ្រើសរើសដើម្បីហាត់លេងឧបករណ៍តន្រ្តី យើងនឹងលេងកាន់តែបានល្អ ហើយប្រសិនបើយើងជ្រើសរើសទៅប៉ះភ្លើង នោះយើងនឹងត្រូវរលាកភ្លើង ។ សូមលើកឈើជ្រត់ឡើង ហើយបង្ហាញដល់កុមារថា រាល់ពេលដែលអ្នកលើកឈើច្រត់ឡើង អ្នកទទួលបានទាំងការជ្រើសរើស និងលទ្ធផលមកពីការជ្រើសរើសនោះ ។ សូមសុំឲ្យកុមារដែលមានវ័យធំអាននីហ្វៃទី 2 2:27 ។ សូមអញ្ជើញឲ្យកុមារផ្សេងទៀតស្តាប់ នូវអ្វីដែលជាលទ្ធផល ចំពោះការធ្វើការជ្រើសរើសត្រឹមត្រូវ ( សេរីភាព និងជីវិតដ៏នៅអស់កល្បជានិច្ច ) និងអ្វីទៅដែលជាលទ្ធផលមកពីការធ្វើការជ្រើសរើសខុស ( ការជាប់ឃុំឃាំង និងទុក្ខវេទនា ) ។ សូមគូសដ្យាក្រាមធ្វើធម្មតាមួយនៅលើក្តាខៀនដូចជាយ៉ាក្រាមដែលបានបង្ហាញនៅទីនេះ ។
សូមជួយកុមារយល់ថា នៅពេលដែលពួកគេធ្វើការជ្រើសរើសត្រឹមត្រូវ វាដឹកនាំឲ្យមានសេរីភាព និងសុភមង្គល និងនៅពេលដែលយើងធ្វើការជ្រើសរើសខុស វាដឹកនាំទៅរកការជាប់ឃុំឃាំង និងអពមង្គល ។
សូមអញ្ចើញកុមារពីរនាក់ឲ្យឡើងមកខាងមុខ ហើយសូមឲ្យកុមារម្នាក់ ៗ កាន់ចុងម្ខាងរបស់ឈើច្រត់ ។ សូមសួរដល់កុមារដែលកាន់ចុងឈើរច្រត់ខាង « ជ្រើសរើស » ឲ្យផ្តល់ឲ្យឧទាហរណ៍មួយពីការជ្រើសរើសត្រឹមត្រូវ ( ឧទាហរណ៍ ការនិយាយផ្អែមល្ហែមចំពោះអ្នកដទៃ ) ។ សូមឲ្យកុមារម្នាក់ទៀតឲ្យចែកចាយនូវលទ្ធផលដែលអាចកើតមានដោយសារការជ្រើសរើសនោះ ( ឧទាហរណ៍ ការមានទំនាក់ទំនងដ៏យូរអង្វែង ) ។ សូមសូត្រឡើងវិញជាមួយនឹងកុមារជាច្រើនទៀត ។
សូមពង្រឹងដល់ការរៀនសូត្ររបស់កុមារតាមរយៈការនិយាយសារឡើងវិញ ។ ។ឮសូមរក្សាឈើច្រត់ « ការជ្រើសរើស និងលទ្ធផល » មានឱកាសផ្សេង ៗ ទៀតដែលអាចប្រើឈើច្រត់នេះ នៅអំឡុងពេលវេលាចែកចាយនៅក្នុងឆ្នាំនេះ ។
សូមលើកទឹកចិត្តឲ្យមានការយល់ដឹង( រៀនពីរឿងនៅក្នុងព្រះគម្ពីរ ) ៖ នៅពីរសប្តាហ៍ដំបូងក្នុងខែនីមួយៗ សូមបង្រៀនពីរឿងមួយចំនួនចេញពីព្រះគម្ពីរ ដែលបង្ហាញអំពីរបៀបធ្វើការសម្រេចចិត្តត្រឹមត្រូវ និងដឹកនាំទៅរកសេរីភាព និងសុភមង្គល ហើយអំពីរបៀបដែលការធ្វើការសម្រេចចិត្តមិនល្អ ដឹកនាំទៅរកការជាប់ឃុំឃាំង និងទុក្ខវេទនា ។ ដំណើររឿងនៅក្នុងព្រះគម្ពីរ អ្នកអាចប្រើរួមទាំងព្រះអង្គសង្រ្គោះ និងសាតាំង ( សូមមើលម៉ូសេ 4:1–4); នីហ្វៃ និងលេមមិន ហើយនិងលេមយួល ( សូមមើល នីហ្វៃទី 1 2–4, 7, 18); សាដ្រាក់ មែសាក់ និងអ័បេឌនេកោ ( សូមមើល ដានីយ៉ែល 3); ឬ អាលម៉ា និងសេ្តចណូអេ ( សូមមើល ម៉ូសាយ 17–19 ) ។ បន្ទាប់ពីបង្រៀនពីដំណើររឿង សូមអញ្ជើញកុមារពីរនាក់ ហើយឲ្យកុមារម្នាក់ៗ កាន់ចុងឈើច្រត់ដែលមានពាក្យ « ការជ្រើសរើស និងលទ្ធផល » ។ សូមឲ្យកុមារម្នាក់ពន្យល់ពីការជ្រើសរើសដែលបានធ្វើដោយតួអង្គនៅក្នុងរឿងនោះ ហើយកុមារម្នាក់ទៀតពន្យល់ពីលទ្ធផលដែលកើតឡើងពីការជ្រើសរើសទាំងនោះ ។
សូមលើកទឹកចិត្តឲ្យមានការអនុវត្តន៍( ស្តាប់រឿង ) ៖សូមបិទរូបថតរបស់ព្រះយេស៊ូវគ្រីស្ទនៅលើក្តាខៀន ។ សូមគូរគំនូកាំជណ្តើរដែលដើរទៅកាន់រូបគំនូរនោះ ។ សូមគូររូបឈើច្រត់នៅលើក្រដាស ហើយបិទរូបនោះនៅខាងក្រោមកាំជណ្តើរ ។ សូមប្រាប់ដំណើររឿងអំពីការជ្រើសរើសទាំងឡាយដែលកុមារម្នាក់អាចធ្វើនៅថ្ងៃណាមួយ ។ សម្រាប់ការជ្រើសរើសនីមួយៗ សូមឲ្យកុមារបង្ហាញថាតើការជ្រើសរើសនោះល្អ ឬជាការជ្រើសរើសអាក្រក់ ដោយក្រោកឈរសម្រាប់ការជ្រើសរើសល្អ និងអង្គុយចុះសម្រាប់ការជ្រើសរើសមិនល្អ ។ ជាឧទាហរណ៍ ៖ « ជេន បានយកតុក្តាពីប្អូនប្រុសរបស់នាង ហើយប្អូនរបស់នាងក៏ចាប់ផ្តើមយំ ។ នៅពេលដែលម្តាយរបស់ ជេន បានសួរនាងថាហេតុអ្វីបានជាប្អូនរបស់នាងយំ ជេន បាននិយាយថា គាត់មិនបានដឹងទេ » ។ សម្រាប់ការជ្រើសរើសត្រឹមត្រូវនីមួយ ៗ សូមលើករូបភាពឈើច្រត់ឡើងមួយកាំឆ្ពោះទៅរកព្រះយេស៊ូវ ។ សូមបន្តដំណើររឿងទៅមុខជាមួយនឹងការជ្រើសរើសផ្សេងទៀត រហូតដល់រូបភាពបានទៅដល់រូបព្រះ យេស៊ូវ ។ សូមពិភាក្សាពីរបៀបដែលការជ្រើសរើសល្អនាំមកឲ្យយើងនូវសុភមង្គល និងជួយយើងកាន់តែខិតជិតព្រះអម្ចាស់ ។
សប្តាហ៍ទី 3 ៖ នៅក្នុងជីវិតមុនឆាកជីវិតនេះ ខ្ញុំបានជ្រើសរើសដើម្បីធ្វើតាមផែនការរបស់ព្រះ ។
សូមលើកទឹកចិត្តឲ្យមានការយល់ដឹង( ច្រៀងចម្រៀង ) ៖ សូមពិភាក្សាសង្ខេបៗ អំពីគំនិតដូចខាងក្រោម និងបន្ទាប់មកសូមច្រៀងដែលជាប់ទាក់ទងជាមួយនឹងកុមារ ៖ ពីមុនខ្ញុំបានមកផែនដី ខ្ញុំបានរស់នៅស្ថានសួគ៌ ( « I Lived in Heaven » [ស. ច. ក. ទំព័រ 4] ) ។ ខ្ញុំបានជ្រើសរើសដើម្បីមកផែនដី ហើយទទួលរូបកាយមួយ ( « ខ្ញុំជាកូនរបស់់ព្រះ » [ទំនុកដំកើងព្រះ និងចម្រៀងកុមារាកុមារី ទំព័រ 58]; « ព្រះប្រទានវិហារឲ្យខ្ញុំ » [ទំនុកដំកើងព្រះ និងចម្រៀងកុមារ ទំព័រ 62–63] ) ។ ខ្ញុំនឹងទទួលបុណ្យជ្រមុជទឹក ហើយទទួលអំណោយទាននៃព្រះវិញ្ញាណបរិសុទ្ធ ( « When I Am Baptized » [ស. ច. ក. ទំព័រ 103]; « The Holy Ghost » [ ស. ច. ក. ទំព័រ 105] ) ។ ខ្ញុំអាចរៀបចំខ្លួដើម្បីទៅព្រះវិហារបរិសុទ្ធ ( «ខ្ញុំចូលចិត្តមើលព្រះវិហារបរិសុទ្ធ »[ ស. ច. ក. ទំព័រ 95]; « ក្រុមគ្រួសារអាចរស់រួមគ្នា » [ ស. ច. ក. ទំព័រ 188] ) ។ ខ្ញុំនឹងបានរស់ឡើងវិញ ( « He Sent His Son » [ ស. ច. ក. ទំព័រ 34–35] ) ។
សប្តាហ៍ទី 4 ៖ ព្រះយេស៊ូវគ្រីស្ទបានបង្កើតផែនដី ជាកន្លែងដែលខ្ញុំអាចរៀនដើម្បីជ្រើសរើសត្រឹមត្រូវ ។
សម្គាល់មើលអំពីគោលលទ្ធិ( សូមមើល និងពិភាក្សាពីគោលបំណងរបស់មេរៀន ) ៖ សូមបង្ហាញដល់កុមារនូវប្រអប់មួយដែលមានខ្មៅដៃពណ៌ជាច្រើនពណ៌ ។ សូមបង្ហាញដល់ពួកគេនូវប្រអប់ទីពីរដែលមានខ្មៅដៃពណ៌តែមួយពណ៌ ។ សូមសួរដល់កុមារថា ៖ « ប្រសិនបើប្អូននឹងត្រូវផាត់ពណ៌រូបភាពមួយ តើប្រអប់ខ្មៅដៃពណ៌ណាមួយដែលប្អូនចង់ប្រើ ? ហេតុអ្វី ? » សូមពន្យល់ថា ការមានជម្រើសច្រើនគឺជាពរជ័យមួយបែប ។ សូមថ្លែងទីបន្ទាល់ថា ព្រះវរបិតាសួគ៌ និងព្រះយេស៊ូវស្រឡាញ់យើង ហើយទ្រង់ចង់ឲ្យយើងធ្វើការជ្រើសរើសត្រឹមត្រូវ ។
នៅក្នុងសកម្មភាពនេះ អ្នកអាចជ្រើសរើសដើម្បីដាក់បង្ហាញគំនិតដែលថាការជ្រើសរើសគឺជាពរជ័យមួយដូចជាកូល័រទៀន ខ្មៅដៃពណ៌ ផ្លែឈើផ្សេង ៗ ឬកម្មវត្ថុផ្សេងទៀតដែលកុមារអាចស្គាល់ ។
សូមលើកទឹកចិត្តឲ្យមានការយល់ដឹង( ផាត់ពណ៌ ) ៖សូមឲ្យកុមារផាត់ពណ៌រូបភាពមួយនៅលើទំព័រ 35 (០០) ក្នុងសៀវភៅទារកដ្ឋាន Behold Your Little Onesឬក៏អញ្ជើញពួកគេឲ្យគូររូបដែលស្រដៀងគ្នានោះ ដែលមានចំណងជើងដូចគ្នា ។ សូមពិភាក្សាថាតើនរណាជាអ្នកបានបង្កើតវត្ថុនៅក្នុងរូបភាព និងមូលហេតុអ្វីដែលវត្ថុទាំងនោះបានត្រូវបង្កើតឡើង ។ សូមបង្រៀនដល់កុមារថា ព្រះវរបិតាសួគ៌រំពឹងថាយើងនឹងថែរក្សាពិភពលោកនេះ ដែលព្រះរាជបុត្រារបស់ទ្រង់បានបង្កើតឡើងសម្រាប់យើង ។ សូមឲ្យកុមារចែកចាយពីរបៀបទាំងឡាយ ដែលពួកគេជ្រើសរើសដើម្បីថែរក្សាដល់ផែនដីនេះ និងការបង្កបង្កើតដែលមាននៅលើផែនដីនេះ ។ សូមអញ្ជើញឲ្យកុមារយករូបភាពរបស់ពួកគេត្រឡប់ទៅផ្ទះវិញ ហើយសូមឲ្យឪពុកម្តាយរបស់ពួកគេចងក្រងជាសៀវភៅមួយក្បាល ។