ខែ កុម្ភៈ
នៅពេលដែលយើងជ្រើសរើសត្រឹមត្រូវ យើងទទួលបានពរជ័យ
« បើសិនជាអ្នករាល់គ្នាកាន់តាមបញ្ញត្តិទាំងឡាយរបស់ព្រះអង្គ នោះព្រះអង្គទ្រង់នឹងប្រទានពរ ដល់អ្នក ហើយធ្វើឲ្យអ្នកចម្រើនឡើង » ( ម៉ូសាយ 2:22 ) ។
ចម្រៀង ៖ « បង្រៀនខ្ញុំឲ្យដើរក្នុងពន្លឺ »
( ទំនុកដំកើងព្រះ និងចម្រៀងកុមារ ទំព័រ 66 )
សូមបំពេញបន្ថែមគំនិតដែលបានផ្តល់ឲ្យនៅទីនេះ ជាមួយនឹងគំនិតរបស់អ្នកផ្ទាល់ខ្លួនខ្លះ ៗ ។ ជារៀងរាល់សប្តាហ៍ សូមដាក់ផែនការដើម្បី (1) សម្គាល់មើលអំពីគោលលទ្ធិ (2) ជួយកុមារយល់អំពីគោលលទ្ធិនោះ ហើយ (3) ជួយពួកគេអនុវត្តគោលលទ្ធិនោះនៅក្នុងជីវិតរបស់ពួកគេ ។ សូមសួរខ្លួនអ្នកថា « តើកុមារត្រូវធ្វើអ្វីខ្លះ ដើម្បីរៀនចេះ ហើយតើខ្ញុំអាចជួយពួកគេឲ្យទទួលអារម្មណ៍ពីព្រះវិញ្ញាណដោយរបៀបណា ? »
សប្តាហ៍ទី 1 ៖ ណូអេ បានទទួលពរជ័យដោយសារតែគាត់ជ្រើសរើសត្រឹមត្រូវ ។
សម្គាល់មើលអំពីគោលលទ្ធិ ( សូមលេងល្បែងផ្គូរផ្គង )៖ សូមគូរគំនូរសំពៅធម្មតាមួយនៅលើក្តាខៀន ។ សូមរៀបចំសត្វពាហនៈពីរ ៗគូដូចសត្វពាហនៈពិតប្រាកដ ។ សូមឲ្យរូបភាពមួយទៅកុមារម្នាក់ ៗ ។ សូមឲ្យកុមារក្រោកឈរឡើង និងធ្វើជាសម្លេងសត្វតាមសត្វដែលមាននៅក្នុងរូបភាពនោះ ហើយសូមស្តាប់អ្នកផ្សេងទៀត ដែលធ្វើជាសម្លេងសត្វស្រដៀងគ្នានោះ ។ នៅពេលដែលកុមារដែលមានរូបដូចគ្នារកគ្នាឃើញ សូមឲ្យពួកគេឈរជាមួយគ្នា រហូតដល់សត្វទាំងអស់រកគូគ្នាឃើញ ។ សូមឲ្យកុមារដើរមកមុខជាសត្វគូៗ ហើយដាក់សត្វចូលក្នុងគំនូរសំពៅ ។ សូមសួរដល់កុមារថា « តើព្យាការីមួយណាដែលព្រះអម្ចាស់បានសុំឲ្យប្រមូលសត្វចូលក្នុងសំពៅ ? » សូមលើកឡើងថា ការប្រមូលសត្វពាហនៈជាច្រើនចូលក្នុងសំពៅនេះ អាចជាកិច្ចការដ៏លំបាក ប៉ុន្តែណូអេ បានជ្រើសរើសធ្វើតាមព្រះបញ្ញត្តិរបស់ព្រះអម្ចាស់ ។
សូមលើកទឹកចិត្តឲ្យមានការយល់ដឹង( អានព្រះគម្ពីរ ) ៖សូមបង្ហាញកុមារនូវរូបភាពការផ្សព្វផ្សាយរបស់ណូអេ ហើយសូមអានម៉ូសេ 8:20 ។ សូមសួរកុមារថាហេតុអ្វីពួកគេគិតថាប្រជាជនមិនស្តាប់តាមណូអេ ។ សូមគូសក្តាខៀនចែកជាពីរ ហើយសូមសរសេរនូវសំណួរដូចខាងក្រោមនៅលើក្តាខៀនម្ខាង ដោយមានខគម្ពីរតាមលំដាប់លំដោយនៅលើក្តាខៀនម្ខាងទៀត ៖ តើព្រះអម្ចាស់នឹងធ្វើអ្វីដើម្បីបំផ្លាញពួកមនុស្សទុច្ចរិត ?( លោកុប្បត្តិ 6:17 ) ។ តើព្រះអម្ចាស់បានប្រាប់ដល់ណូអេ ឲ្យថែរក្សាក្រុមគ្រួសាររបស់គាត់អ្វីខ្លះ ? ( លោកុប្បត្តិ 6:18 ) ។ តើណូអេធ្វើអ្វីដើម្បីជ្រើសរើសត្រឹមត្រូវ ? ( លោកុប្បត្តិ 7:5 ) ។ សូមសុំឲ្យកុមារអានបទគម្ពីរទាំងឡាយ ហើយស្វែងរកថាតើបទគម្ពីរណាមួយដែលត្រូវនឹងសំណួរនីមួយៗ ។ សូមបង្ហាញកុមារនូវរូបភាពនៃការសាងសង់សំពៅរបស់ណូអេ ។ សូមពន្យល់ថា នៅពេលខ្លះវាលំបាកនៅក្នុងការជ្រើសរើសត្រឹមត្រូវ ។ សូមសួរថា « តើណូអេបានប្រទានពរសម្រាប់ការជ្រើសរើសត្រូវយ៉ាងដូចម្តេច ? » សូមលើកទឹកចិត្តដល់កុមារឲ្យចែកចាយអំពីមូលហេតុដែលពួកគេនឹងទទួលបានពរ នៅពេលដែលពួកគេជ្រើសរើសត្រឹមត្រូវ ។
សប្តាហ៍ទី 2 ៖ ពួកសិស្សរបស់ព្រះយេស៊ូវបានទទួលពរជ័យ ដោយការជ្រើសរើសត្រឹមត្រូវ ។
សូមលើកទឹកចិត្តឲ្យមានការយល់ដឹង( អានព្រះគម្ពីរ ផាត់ពណ៌ និងការប្រើរូបល្ខោនអាយ៉ង ) ៖ សូមអានជាមួយកុមារនូវដំណើររឿងខាងក្រោម ពីរបៀបដែលពួកសិស្សរបស់ព្រះយេស៊ូវជ្រើសរើសត្រឹមត្រូវ ៖ លូកា 10:38–42 ( ម៉ារា ) ម៉ាថាយ 4:18–20 ( ពេត្រុស និងអនត្រេ ) កិច្ចការ 9:1–9, 17–20 ( ប៉ុល ) ។ សូមពិភាក្សានូវពរជ័យមួយចំនួនដែលប្រជាជនទាំងនេះបានទទួលដោយសារតែការជ្រើសរើសត្រឹមត្រូវ ។ សូមគូររូបភាពសាមញ្ញមួយចំនួនសម្រាប់កុមារម្នាក់ ៗ ( ឬប្រើប្រាស់រូបភាពនៅក្នុង « Funstuf » ប្រិយមិត្ត ខែ មករា ឆ្នាំ 2006 ទំព័រ 35 និង « Funstuf » ប្រិយមិត្ត ខែ កុម្ភៈ ឆ្នាំ 2006 ទំព័រ 31 ) ។ សូមឲ្យកុមារផាត់ពណ៌លើគំនូរ កាត់គំនូរនោះចេញ ហើយធ្វើគំនូរទៅជាល្ខោនអាយ៉ងឈើ ឬស្បោងក្រដាសអាយ៉ង ។ សូមអញ្ជើញកុមារឲ្យប្រើប្រាស់ល្ខោនអាយ៉ងរបស់ពួកគេដើម្បីប្រាប់ឡើងវិញនូវរឿងមួយ ។ ឧទាហរណ៍ ៖ « ខ្ញុំឈ្មោះ ប៉ុល » ។ ខ្ញុំធ្លាប់បានបៀតបៀនដល់អ្នកដែលធ្វើតាមព្រះយេស៊ូវ ។ ខ្ញុំបានឃើញការនិមិត្តពីព្រះយេស៊ូវ ។ ព្រះយេស៊ូវបានសុំឲ្យខ្ញុំឈប់បៀតបៀនទ្រង់ ។ ខ្ញុំបានជ្រើសរើសធ្វើតាមព្រះយេស៊ូវ ហើយបានក្លាយជាអ្នកផ្សព្វផ្សាយសាសនាអស់មួយជីវិតរបស់ខ្ញុំ » ។
រូបល្ខោនអាយ៉ងសាមញ្ញៗ អាចយកមកប្រើប្រាស់សម្តែងជាសាច់រឿងដែលជាផ្នែកមួយនៃមេរៀននេះ ។ ល្ខោនអាយ៉ងគឺជាឧបករណ៍មួយដ៏ មានតម្លៃនៅក្នុងការពង្រឹងដល់គំនិតដ៏មានអត្ថន័យហើយអាចទាក់ទាញចំណាប់អារម្មណ៍របស់កុមារ ( សូមមើល TNGC ទំព័រ 176–77 ) ។
សូមលើកទឹកចិត្តឲ្យមានការអនុវត្តន៍( រំឭករឿងនៅក្នុងព្រះគម្ពីរ ) ៖ សូមអញ្ជើញកុមារឲ្យប្រើប្រាស់រូបល្ខោនអាយ៉ងរបស់ពួកគេដើម្បីប្រាប់រឿងក្នុងព្រះគម្ពីរសារឡើងវិញដល់ក្រុមគ្រួសាររបស់ពួកគេនៅឯគេហដ្ឋាន ។ សូមលើកទឹកចិត្តដល់ពួកគេឲ្យចែកចាយជាមួយនឹងសមាជិកក្រុមគ្រួសាររបស់ពួកគេ អំពីរបៀបដែលបុគ្គលម្នាក់ ៗ នៅក្នុងដំណើររឿងបានជ្រើសរើសត្រឹមត្រូវ និងអំពីរបៀបដែលពួកគេត្រូវបានប្រទានពរជ័យ ។ សុំសួរដល់កុមារអំពីរបៀបដែលពួកគេអាចជ្រើសរើសត្រឹមត្រូវ នៅសប្តាហ៍ក្រោយ ។
ដំបងរូបល្ខោនអាយ៉ងមាននៅ sharingtime.lds.org
សប្តាហ៍ទី 3 ៖ នីហ្វៃ បានទទួលពរជ័យសម្រាប់ការជ្រើសរើសត្រឹមត្រូវ ។
សូមលើកទឹកចិត្តឲ្យមានការយល់ដឹង( ការចូលរួមក្នុងការសម្តែង ) ៖ សូមឲ្យកុមារសម្តែងនូវសាច់រឿងនៅពេលនីហ្វៃ បានធ្វើតាមឪពុករបស់គាត់ និងព្រះអម្ចាស់ ( ឧទាហរណ៍ សូមមើល នីហ្វៃទី 1 16:18–24, 30–32; នីហ្វៃទី 1 17:8, 17–18, 48–53; នីហ្វៃទី 1 18:9–21 ) ។ សូមធ្វើការពិចារណាឲ្យពួកគេប្រើប្រាស់សម្លៀកបំពាក់ជាប្រពៃណី និងគ្រឿងតែងឆាក ( ចំពោះព័ត៌មានអំពីការសម្តែងជារឿង សូមមើល TNGCទំព័រ 165–66 ) ។ សូមអានជាមួយគ្នានូវអ្វីដែលនីហ្វៃបាននិយាយនៅក្នុង នីហ្វៃទី 1 17:3 ។
រូបភាពជំនួយចក្ខុ អាចជួយដល់ការរៀនសូត្របានប្រសើរឡើង ។ ចូររក្សារូបភាពជំនួយចក្ខុឲ្យមានភាពសាមញ្ញ ។ ការធ្វើបែបនេះអាចធ្វើឲ្យកុមារផ្តោតយកចិត្តទុកដាក់ទៅលើមេរៀន ជាជាងរូបភាពជំនួយចក្ខុ។
សូមលើកទឹកចិត្តឲ្យមានការអនុវត្តន៍ ( ច្រៀងចម្រៀង ) ៖ សូមបង្ហាញដំបង « ការជ្រើសរើស និងលទ្ធផល » កាលពីខែ មករា ហើយសូមអញ្ចើញកុមារឲ្យចែកចាយអ្វីដែលពួកគេចងចាំអំពីការជ្រើសរើស និងលទ្ធផលទាំងឡាយ ។ សូមប្រាប់ពួកគេថា ពរជ័យជាច្រើនដែលយើងទទួលបានគឺជាលទ្ធផលនៃការជ្រើសរើសល្អដែលយើងបានធ្វើ ។ សូមអញ្ជើញកុមារឲ្យគិតពីវិធីទាំងឡាយដែលពួកគេអាចធ្វើដូចជានីហ្វៃ ហើយអាចធ្វើការជ្រើសរើសត្រឹមត្រូវបាន ។ សូមឲ្យកុមារច្រៀងបទ « Nephi’s Courage » ( ស. ច. ក. ទំព័រ 120–21 ) ហើយសូមហុចដំបង « ការជ្រើសរើស និងលទ្ធផល » ជុំវិញខណៈដែលពួកគេកំពុងតែច្រៀង ។ សូមបញ្ឈប់តន្រ្តីនៅពេលណាមួយ ។ នៅពេលដែលតន្រ្តីឈប់ សូមអញ្ជើញកុមារឲ្យកាន់ដំបងដើម្បីចែកចាយពីការជ្រើសរើសត្រឹមត្រូវដែលនាង ឬគាត់អាចធ្វើ ។ សូមឲ្យកុមារហុចដំបងទៅកុមារម្នាក់ទៀត ហើយសូមអញ្ជើញគាត់ ឬនាង ឲ្យចែកចាយនូវពរជ័យទាំងឡាយដែលបានមកពីការជ្រើសរើសត្រឹមត្រូវ ។ ចូរច្រៀងឡើងវិញ តាមពេលដែលមាន ។
សប្តាហ៍ទី 4 ៖ សមាជិកសាសនាចក្រទាំងឡាយនៅសព្វថ្ងៃនេះគឺត្រូវបានប្រទានពរជ័យសម្រាប់ការជ្រើសរើសត្រឹមត្រូវ ។
សូមលើកទឹកចិត្តឲ្យមានការយល់ដឹង( ចែកចាយរឿង ) ៖សូមអញ្ជើញឲ្យឪពុកម្តាយ ឬជីដូនជីតារបស់កុមារពីរបីគូមកចូលរួមក្នុងអង្គការបឋមសិក្សា ដើម្បីចែកចាយអំពីអ្វីដែលពួកគេ ឬបុព្វការីជនរបស់ពួកគាត់បានជ្រើសរើសត្រឹមត្រូវ ។ ការធ្វើបែបនេះអាចរួមមានទាំងរឿងអំពីរបៀបដែលពួកគាត់បានជ្រើសរើសដើម្បីចូលជាសមាជិកសាសនាចក្រ ។ ពីមុនប្រាប់រឿងនីមួយៗ សូមសុំឲ្យកុមារស្តាប់ពីវិធីទាំងឡាយដែលសមាជិកសាសនាចក្រទាំងនេះ បានជ្រើសរើសត្រឹមត្រូវ និងពីរបៀបដែលពួកគេបានទទួលពរជ័យដោយសារតែការធ្វើដូច្នោះ ។ បន្ទាប់ពីរឿងនីមួយៗ សុំឲ្យកុមារប្រាប់ពីរបៀបដែលសមាជិកទាំងឡាយបានទទួលពរជ័យសម្រាប់ការជ្រើសរើសត្រឹមត្រូវ ។ សូមពិចារណាពីការស្នើសុំឲ្យកុមារគូររូបភាព អំពីរឿងទាំងឡាយដែលពួកគេបានឮ ហើយបន្ទាប់មកសូមចែកចាយរូបភាពរបស់ពួកគេជាមួយនឹងថ្នាក់ទាំងមូល ឬនៅគេហដ្ឋាន ។