ខែ មិថុនា
ខ្ញុំជ្រើសរើសត្រឹមត្រូវ តាមរយៈការរស់នៅតាមគោលការណ៍ដំណឹងល្អ
« ខ្ញុំ នីហ្វៃបាននិយាយទៅឪពុករបស់ខ្ញុំថា ៖ខ្ញុំនឹងទៅហើយធ្វើនូវអ្វី ៗដែលព្រះអម្ចាស់ទ្រង់បានបញ្ជា ត្បិតខ្ញុំដឹងថា ព្រះអម្ចាស់ទ្រង់មិនចេញបញ្ជាដល់កូនចៅមនុស្សណាឡើយ លើកលែងតែទ្រង់នឹងរៀបចំផ្លូវ ដើម្បីឲ្យគេអាចសម្រេចនូវអ្វី ៗដែលទ្រង់បានបញ្ជាដល់ពួកគេទុកជាមុនសិន » ( នីហ្វៃទី 1 3:7 ) ។
ច្រៀង ៖ « ហ៊ាននឹងធ្វើត្រូវ »
( ទំនុកដំកើងព្រះ និងចម្រៀងកុមារាកុមារី ទំព័រ 64–65 )
សូមបំពេញបន្ថែមគំនិតដែលបានផ្តល់ឲ្យនៅទីនេះ ជាមួយនឹងគំនិតរបស់អ្នកផ្ទាល់ខ្លួនខ្លះៗ ។ ជារៀងរាល់សប្តាហ៍ សូមដាក់ផែនការដើម្បី (1) សម្គាល់មើលអំពីគោលលទ្ធិ (2) ជួយកុមារយល់អំពីគោលលទ្ធិនោះ ហើយ (3) ជួយពួកគេអនុវត្តគោលលទ្ធិនោះនៅក្នុងជីវិតរបស់ពួកគេ ។ សូមសួរខ្លួនអ្នកថា « តើកុមារត្រូវធ្វើអ្វីខ្លះ ដើម្បីរៀនចេះ ហើយតើខ្ញុំអាចជួយពួកគេឲ្យទទួលអារម្មណ៍ ពីព្រះវិញ្ញាណដោយរបៀបណា ? »
សប្តាហ៍ទី 1 ៖ ខ្ញុំអធិស្ឋានទៅព្រះវរបិតាសួគ៌ដើម្បីមានកម្លាំងធ្វើអ្វីដែលត្រឹមត្រូវ ។
សូមលើកទឹកចិត្តឲ្យមានការយល់ដឹង}( ពិភាក្សាពីការអធិស្ឋាន ) ៖ សូមបង្ហាញកុមារនូវទូរស័ព្ទមួយ ឬទម្រង់ផ្សេងទៀតនៃការធ្វើការទំនាក់ទំនង ។ សូមពិភាក្សាពីរបៀបដើម្បីប្រើប្រាស់ការទំនាក់ទំនងនោះ ។ សូមសួរកុមារពីរបៀបដែលយើងអាចទំនាក់ទំនងជាមួយព្រះវរបិតាសួគ៌ ។ សូមពន្យល់ថា គឺដូចជាយើងវាយលេខទូរស័ព្ទដើម្បីនិយាយជាមួយនរណាម្នាក់នៅតាមទូរស័ព្ទ យើងក៏អាចអធិស្ឋានដើម្បីទាក់ទងជាមួយនឹងព្រះវរបិតាសួគ៌ដែរ យើងអាចទូលសូមកម្លាំងពីទ្រង់ ដើម្បីធ្វើអ្វីដែលត្រឹមត្រូវ ។ សូមផ្តល់រូបភាពឲ្យថ្នាក់នីមួយ ៗនៃការអធិស្ឋានខុស ៗគ្នា ( ឧទាហរណ៍ អធិស្ឋានផ្ទាល់ខ្លួន អធិស្ឋានជាក្រុមគ្រួសារ អធិស្ឋានប្រសិទ្ធពរដល់អាហារ ឬការអធិស្ឋាននៅក្នុងថ្នាក់ ) ។ សុំឲ្យសិស្សម្នាក់ៗឲ្យបង្ហាញរូបភាពរបស់ពួកគេទៅកុមារផ្សេងទៀត ហើយសូមប្រាប់ពួកគេនូវប្រភេទនៃការអធិស្ឋានដែលបានបង្ហាញ និងនៅពេលណា ទីកន្លែងណា ហើយហេតុអ្វីការអធិស្ឋានបែបនេះត្រូវបាននិយាយឡើង ។
សូមលើកទឹកចិត្តឲ្យមានការអនុវត្តន៍ ( លេងល្បែង ) ៖{សូមចោះរន្ធតូចមួយនៅបាតសំបកកំប៉ុងទទេរ ហើយសូមចងខ្សែភ្ជាប់កំប៉ុងមួយទៅកំប៉ុងមួយទៀត ។សូមទាញខ្សែឲ្យតឹង ហើយឲ្យកុមារផ្លាស់ប្តូរវេនគ្នាយ៉ាងស្ងប់ស្ងៀនិយាយនៅសំបកកំប៉ុងម្ខាង នូវអ្វីដែលពួកគេអាចអធិស្ឋានទៅព្រះវរបិតាសួគ៌ នូវអ្វីដែលពួកគេព្យាយាមធ្វើត្រឹមត្រូវ ( ឧទាហរណ៍ និយាយការពិត មានគារវភាព ឬធ្វើជាមនុស្សមានសណ្តានចិត្តល្អ ) ។ ចូរឲ្យកុមារម្នាក់ទៀតធ្វើជាអ្នកស្តាប់តាមកំប៉ុងម្ខាងទៀត ។ សូមចែកចាយ ( ឬសុំឲ្យកុមារម្នាក់ធ្វើការចែកចាយ ) នូវបទពិសោធន៍មួយនៅពេលដែលព្រះវរបិតាសួគ៌បានប្រទានកម្លាំងដល់អ្នក ដើម្បីធ្វើអ្វីដែលត្រឹមត្រូវ ។ សូមថ្លែងទីបន្ទាល់ថា ព្រះវរបិតាសួគ៌ស្តាប់ និងឆ្លើយតបនឹងការអធិស្ឋានរបស់យើង ហើយនឹងប្រទានកម្លាំងដល់យើងឲ្យធ្វើអ្វីដែលត្រឹមត្រូវ ។
សប្តាហ៍ទី 2 ៖ នៅពេលដែលខ្ញុំថ្វាយដង្វាយមួយភាគក្នុងដប់របស់ខ្ញុំ ព្រះវរបិតាសួគ៌នឹងប្រទានពរជ័យដល់ខ្ញុំ ។
សម្គាល់មើលអំពីគោលលទ្ធិ និងសូមលើកទឹកចិត្តឲ្យមានការយល់ដឹង( មើលការធ្វើបទបង្ហាញ ) ៖ សូមពន្យល់ថា ដង្វាយមួយភាគក្នុងដប់ គឺការថ្វាយមួយភាគក្នុងដប់ពីប្រាក់ដែលយើងរកបានទៅព្រះអម្ចាស់ តាមរយៈសាសនាចក្ររបស់ទ្រង់ ។ សូមបង្ហាញកាក់ចំនួន 10 កាក់ទៅកុមារ ។ សូមសួរពួកគេថាតើពួកគេត្រូវបង់កាក់ប៉ុន្មាន ដើម្បីថ្វាយដង្វាយមួយភាគក្នុងដប់ ។ សូមបង្ហាញស្រោមសំបុត្រដង្វាយមួយភាគក្នុងដប់ ហើយនិងក្រដាសបរិច្ចាគ រួចសូមពន្យល់ថាយើងថ្វាយដង្វាយមួយភាគក្នុងដប់ តាមរយៈការបំពេញលើក្រដាសបរិច្ចាគ តាមរយៈការដាក់ក្រដាសបរិច្ចាគនោះនៅក្នុងស្រោមសំបុត្រ ហើយយកវាទៅជូនប៊ីស្សព ឬទីប្រឹក្សាណាម្នាក់របស់លោក ។
សូមលើកទឹកចិត្តឲ្យមានការអនុវត្តន៍( លេងល្បែង និងស្តាប់ទីបន្ទាល់ ) ៖ សូមដាក់តាំងរូបភាព និងវត្ថុដែលតំណាងឲ្យពរជ័យដែលបានមកពីការថ្វាយដង្វាយមួយភាគក្នុងដប់ ដូចជាព្រះវិហារបរិសុទ្ធ សាលាប្រជុំ ទំនុកដំកើងព្រះសៀវភៅចម្រៀងរបស់កុមារាកុមារី សៀវភៅសិក្សារបស់កុមារ និងព្រះគម្ពីរទាំងឡាយ ។ សូមប្រាប់កុមារថា ដោយសារតែការថ្វាយដង្វាយមួយភាគក្នុងដប់នេះហើយ ទើបសាសនាចក្រអាចផ្តល់ឲ្យនូវរបស់ទាំងនេះ ។ សូមយកក្រណាត់មកគ្របរូបភាព និងវត្ថុទាំងឡាយ ។ សូមយករូបភាព ឬវត្ថុនោះចេញមួយឬពីរ ។ សូមបើកក្រណាត់នោះចេញ ហើយឲ្យកុមារទស្សន៍ទាយនូវអ្វីដែលបានបាត់។ សូមធ្វើវាឲ្យបានពីរបីដង ។ សូមពន្យល់ថាមានពរជ័យផ្សេងទៀតដែលបានមកពីការថ្វាយដង្វាយមួយភាគក្នុងដប់ ដែលពុំអាចមើលឃើញឡើង ( សូមមើលនីហ្វៃទី 3 24:10 ) ។ សូមឲ្យមជ្ឈឹមវ័យម្នាក់ ឬពីរម្នាក់ធ្វើការរៀបរាប់ពីពរជ័យទាំងឡាយដែលពួកគេបានទទួលមកពីការថ្វាយដង្វាយមួយភាគក្នុងដប់ ។
សប្តាហ៍ទី 3 ៖ ខ្ញុំគោរពតាមពាក្យសំដីនៃប្រាជ្ញាវាងវៃ តាមរយៈការបរិភោគ និងការផឹកអ្វីដែលល្អ ហើយការជៀសវាងអ្វីដែលអាក្រក់ ។
សូមលើកទឹកចិត្តឲ្យមានការយល់ដឹង( អានបទគម្ពីរ និងលេងល្បែង ) ៖ សូមអានជាមួយគ្នានូវ កូរិនថូសទី 1 3:16–17 ។ សូមឲ្យកុមារចែកចាយនូវអត្ថន័យនៃបទគម្ពីរទាំងឡាយដែលមានចំពោះពួកគេ ។ សូមពន្យល់ថា ព្រះវរបិតាសួគ៌ចង់ឲ្យយើងថែរក្សារូបកាយរបស់យើង ។ សូមបិទរូបភាពអាហារផ្សេង ៗ ដូចជា ភេសជ្ជៈ និងរបស់ផ្សេងៗទៀតទាំងល្អ និងអាក្រក់សម្រាប់រូបកាយ ( ដូចជាផ្លែឈើ បន្លែ នំបុ័ង ស្រា និងបារី ) នៅក្នុងប្រអប់មួយ ។ សូមថតចម្លងទំព័រទី 43 នៅក្នុងសៀវភៅសិក្សាថ្នាក់ទារកដ្ឋាន និងកាត់ជាបំណែកផ្គុំរូប ។ សូមឲ្យកុមារផ្លាស់ប្តូរវេនគ្នាយករូបភាពចេញពីប្រអប់ ។ ប្រសិនបើរូបនៅក្នុងរូបភាពល្អសម្រាប់យើង សូមឲ្យកុមារដាក់បំណែករូបផ្គុំនៅលើក្តាខៀន ។ ប្រសិនបើរូបភាពនោះអាក្រក់ សូមយកបំណែករូបផ្គុំនោះចេញ ។ សូមបន្តលេងរហូតដល់រូបផ្គុំទាំងអស់ត្រូវបានផ្គុំចប់សប់គ្រប់ ( អ្នកនឹងត្រូវការវត្ថុល្អ ៗច្រើនជាងវត្ថុមិនល្អដាក់ក្នុងប្រអប់ ) ។សូមឲ្យមជ្ឈឹមវ័យ ឬកុមារម្នាក់ចែកចាយពីពរជ័យមួយចំនួនដែលគាត់ ឬនាងបានទទួលតាមរយៈការគោរពតាមពាក្យសំដីនៃប្រាជ្ញាវាងវៃ ( សូមមើល គ. និង ស. 89:18–21 ) ។
សៀវភៅថ្នាក់ទារកដ្ឋានមាននៅ sharingtime.lds.org
សប្តាហ៍ទី 4 ៖ នៅពេលដែលខ្ញុំស្លៀកពាក់សមរម្យ គឺខ្ញុំគោរពរូបកាយរបស់ខ្ញុំដែលជាអំណោយទានមកពីព្រះ ។
សម្គាល់មើលអំពីគោលលទ្ធិ( មើលរូបភាព និងអានព្រះគម្ពីរ ) ៖ សូមសរសេរនៅលើក្តាខៀននូវពាក្យដូចខាងក្រោម ៖ « របស់ខ្ញុំ គឺជា » ។ សូមបង្ហាញរូបភាពព្រះវិហារបរិសុទ្ធ ។ សូមសួរថា « ហេតុអ្វីបានជាព្រះវិហារបរិសុទ្ធពិសេស ? » សូមឲ្យកុមារបើកទៅ កូរិនថូសទី 1 6:19 ។ សុំឲ្យពួកគេរកមើលអ្វីដែលនិយាយអំពីរូបកាយរបស់ពួកគេ នៅពេលដែលពួកគេអានព្រះគម្ពីរឮៗ ជាមួយអ្នក ។ សូមសួរកុមារថាតើពាក្យអ្វីដែលនឹងបំពេញប្រយោគនៅលើក្តាខៀន ( រូបកាយ , ព្រះវិហារបរិសុទ្ធ )។ សូមឲ្យកុមារឈរ ហើយនិយាយនូវប្រយោគទាំងមូលជាមួយគ្នា ។
សូមលើកទឹកចិត្តឲ្យមានការយល់ដឹង និងការអនុវត្តន៍ ( ច្រៀងចម្រៀង និងពិភាក្សា ) ៖ សូមប្រាប់កុមារថារូបកាយរបស់ពួកគេគឺជាព្រះវិហារបរិសុទ្ធ ជាកន្លែងដែលព្រះវិញ្ញាណអាចគង់នៅ ។ សូមច្រៀងឃ្លាដំបូងនៃបទ « ព្រះបានប្រទានវិហារឲ្យខ្ញុំ » (ទំនុកដំកើងព្រះ និងចម្រៀងកុមារាកុមារីទំព័រ 62--63 » ។ សូមឲ្យកុមារចែកចាយអំពីរបៀបដែលព្រះវរបិតាសួគ៌ចង់ឲ្យយើងស្លៀកពាក់ និងអំពីមូលហេតុផងដែរ។ សូមពន្យល់ថាព្យាការីនៃព្រះតែងតែទូន្មានដល់កូនចៅរបស់ទ្រង់ឲ្យស្លៀកពាក់សមរម្យជានិច្ច ។ សូមឲ្យកុមារស្តាប់ថាតើផ្នែកណាមួយនៃរូបកាយរបស់ពួកគេដែលគួរតែត្រូវបានបិទបាំង កាលដែលអ្នកអានជំពូក « សម្លៀកបំពាក់ និងសំបកខាងក្រៅ » ដែលដកស្រង់ចេញពី ដើម្បីកម្លាំងនៃយុវជន ។ សូមឲ្យកុមារគិតពីវិធីមួយដែលពួកគេអាចស្លៀកពាក់បានសមរម្យ ។ សូមបោះវត្ថុដែលទន់ទៅកុមារម្នាក់ ហើយសូមឲ្យពួកគេចែកចាយពីគំនិតរបស់គាត់ ឬនាង ។ សូមឲ្យកុមារនោះបោះវត្ថុនោះទៅកុមារម្នាក់ទៀត ដែលនឹងចែកចាយគំនិតរបស់គាត់ ឬនាង។ សូមបន្តធ្វើបែបនេះជាមួយនឹងកុមារផ្សេងទៀត ។