Faanahoraa no te Faaoraraa i Te Feia tei Roohia i te Faatîtîraa

Hoê Arata‘i no te Faaoraraa i Te Feia Tei Roohia i Te Faatîtîraa

Faaineinehia na
Te LDS Family Services
(Te mau Pû Ohipa Utuafare na te Feia Mo‘a i te Mau Mahana Hopea nei)

Nene‘ihia na
Te Ekalesia a Iesu Mesia i te Feia Mo‘a i te mau Mahana Hopea nei
Salt Lake City, Utah

Ua iritihia mai te Faanahoraa no te Faaoraraa i Te Feia tei Roohia i te Faatîtîraa a te LDS Family Services (Te mau Pû Ohipa Utuafare na te Feia Mo‘a i te mau Mahana Hopea nei) mai roto mai i na Taahiraa Hoê Ahuru Ma Piti matamua a te Alcoholics Anonymous World Services, Inc (te Taiete a te mau Pû Ohiparaa no te Ao nei no te Feia Inu Ava Ite-ore-hia), ia au i te tereraa o te mau haapiiraa tumu, te mau parau tumu, e te mau ti‘aturiraa a te Ekalesia a Iesu Mesia i te Feia Mo‘a i te mau Mahana Hopea nei. Ua tapurahia i raro nei na Taahiraa matamua Hoê Ahuru Ma Piti, area na Taahiraa Hoê Ahuru Ma Piti mai te au i tei faaohipahia i roto i teie faanahoraa, e itehia ïa te reira i te api iv.

Ua nene‘i-faahou-hia na Taahiraa Hoê Ahuru Ma Piti, i raro a‘e i te parau faati‘a a te Alcoholics Anonymous World Services, Inc. (A.A.W.S.) (te Taiete a te mau Pû Ohiparaa no te Ao nei no te Feia Inu Ava Ite-ore-hia). Teie parau faati‘a no te nene‘i-faahou-raa e te faaauraa i na Taahiraa Hoê Ahuru Ma Piti, e ere ïa te auraa e ua hi‘opo‘a faahou e aore râ ua farii te A.A.W.S. i te mau parau i tuatapapahia i roto i teie buka, e aore râ, ua titauhia te fariiraa a te A.A.W.S. i te mau mana‘o i faaitehia i roto. Ua riro te A.A. (Taata Inu Ava Ite-ore-hia) ei faanahoraa no te faaoraraa mai roto mai i te inuraa ava ana‘e—te faaohiparaa i na Taahiraa Hoê Ahuru Ma Piti i roto i te mau faanahoraa e te mau ohiparaa i faahoho‘ahia i ni‘a i te A.A., tera râ e faataa atoa râ ra i te tahi mau fifi, e aore râ, i roto i te tahi atu mau mea e ere i te A.A. Taa ê noa’tu te reira, e faanahoraa pae varua te A.A. e ere râ i te hoê faanahoraa na te hoê faaroo. No reira, aita te A.A. i taatihia e aore râ, i apitihia i ni‘a i te ti‘aturiraa o te hoê pŭpŭ faaroo, e aore râ, o te hoê haapa‘oraa faataahia.

Na Taahiraa Hoê Ahuru Ma Piti na te mau Taata Inu Ava Ite-ore-hia

1. Ua farii matou e, e mea paruparu matou i mua i te ava—aita to matou oraraa i noaa faahou i te faaterehia.

2. Ua ti‘aturi matou e, e nehenehe te hoê Puai hau atu i te rahi i to matou iho puai e faaho‘i ia matou i te ora maitai.

3. Ua rave matou i te faaotiraa ia tuu i to matou hinaaro e to matou oraraa i roto i te tia‘iraa a te Atua mai te au i to matou ite no ni‘a Ia’na.

4. Ua matutu matou ma te mata‘u ore i to matou huru i te pae morare.

5. Ua farii matou i mua i te Atua, i mua ia matou iho, e i mua i te tahi atu taata i te huru mau o ta matou mau hape.

6. Ua ineine hope roa matou ia iriti te Atua i te reira mau ino to matou.

7. Ua ani matou Ia’na ma te haehaa ia iriti i to matou mau paruparu.

8. Ua hamani matou i te hoê tapura no te mau taata ta matou i faaino, e ua hinaaro matou ia tatarahapa i mua ia ratou paatoa.

9. Ua haere matou e tatarahapa i mua i te mau taata e nehenehe e na reira, eiaha râ i te mau taata e riro i te fifi mai te mea e, e na reira matou.

10. Ua tamau noa matou i te hi‘opo‘a ia matou iho, e ia hape matou, ua farii oioi noa matou i te reira.

11. Ua imi matou na roto i te pure e te feruri-hohonu-raa ia haamaitai i to matou auraa i te Atua mai te au i to matou ite no ni‘a Ia’na, te aniraa Ia’na ia ite i To’na hinaaro no matou e te mana no te faaohiparaa i te reira.

12. No te mea ua roaa ia matou te araraa pae varua na roto i teie mau taahiraa, ua tamata matou i te faaite i teie poro‘i i te mau taata inu ava, e i te faaohipa i teie mau parau tumu i roto i ta matou mau ohipa atoa.

Alcoholics Anonymous World Services, Inc.^®

© 2005 na Intellectual Reserve, Inc.
Faturaa paruruhia

Nene‘ihia i te mau Hau Amui no Marite
Parau faati‘a no te reo Peretane : 6/02
Parau faati‘a no te iritiraa : 6/02
Iritiraa no Addiction Recovery Program - A Guide to Addiction Recovery and Healing
Tahitian