Te mau Pû Ohipa Utuafare na te Feia Mo‘a i te Mau Mahana Hopea nei

Na 12 Taahiraa

Taahiraa 1

A farii e, ia outou iho, aita to outou e puai no te upooti‘a i ni‘a i to outou mau faatîtîraa, e ua haapa‘o ore roa to outou oraraa.

Taahiraa 2

A ti‘aturi e, e nehenehe te mana o te Atua e faaho‘i hope roa ia outou i roto i te ora maitai pae varua.

Taahiraa 3

A faaoti ia tuu i to outou hinaaro e to outou oraraa i roto i te poihereraa a te Atua te Metua Mure Ore e a Ta’na Tamaiti, o Iesu Mesia.

Taahiraa 4

A matutu ma te mata‘u ore i te hoê tapura o to outou huru i te pae morare.

Taahiraa 5

Ia farii outou iho, i mua i to outou Metua i te Ao ra na roto i te i‘oa o Iesu Mesia, i mua i te mana autahu‘araa e i mua i te tahi atu taata, i te huru mau o ta outou mau hapa.

Taahiraa 6

Ia ineine hope roa ia iriti te Atua i to outou mau huru ino atoa.

Taahiraa 7

A ani i te Metua i te Ao ra ma te haehaa ia iriti i to outou mau paruparu.

Taahiraa 8

A papa‘i i te tapura i‘oa o te mau taata atoa ta outou i faaino e a faatupu i te hinaaro ia rave i te faaho‘iraa i mua ia ratou.

Taahiraa 9

Mai te mea e nehenehe, a farerei tino roa i te mau taata atoa ta outou i haamauiui.

Taahiraa 10

A tamau noa i te tapura i to outou huru, e mai te mea e, ua hape outou, a farii oioi i te reira.

Taahiraa 11

A imi na roto i te pure e te feruriraa hohonu ia ite i te hinaaro o te Fatu e ia roaa te puai no te faaohipa i te reira.

Taahiraa 12

No te mea ua roaa ia outou te hoê araraa i te pae varua na roto i te Taraehara a Iesu Mesia, a faaite i te reira poro‘i ia vetahi ê, e a faaohipa i te reira mau parau tumu i roto i te mau mea atoa ta outou e rave.