“Pagpalambo sa Pagkat-on ug mga Kahanas sa Panaghisgotan gamit ang mga Mubo nga mga Pagbansay [Microtraining],” Materyal sa Magtutudlo alang sa Pagtubag sa Akong mga Pangutana sa Ebanghelyo (2022)
“Pagpalambo sa Pagkat-on ug mga Kahanas sa Panaghisgotan gamit ang Mubo nga mga Pagbansay [Microtraining],” Materyal sa Magtutudlo sa Pagtubag sa Akong mga Pangutana sa Ebanghelyo
Pagpalambo sa Pagkat-on ug mga Kahanas sa Panaghisgotan gamit ang Mubo nga mga Pagbansay [Microtrainings]
Kini nga kurso naglakip og siyam ka mubo nga mga pagbansay [microtraining] nga gituyo sa pagpalambo sa abilidad sa mga estudyante aron makakat-on ug maghisgot kabahin sa doktrina, mga pagtulon-an, mga palisiya, ug mga kasaysayan sa Simbahan.
Ang mga magtutudlo kinahanglan mamahimong sinati sa tanang mubo nga mga pagbansay ug dayon magpili og mga training nga sa ilang pamati mao ang labing adunay kalabotan ug tukma alang sa ilang mga estudyante. Girekomendar nga ang mubo nga mga pagbansay mahimong gamiton sa sinugdanan sa klase. Ang mga magtutudlo mahimong motino kon unsa nga mga klase ang apilan sa mga estudyante diha sa usa ka mubo nga pagbansay. Ang mubo nga mga pagbansay gidisenyo nga mokabat og mga 15 minutos.
Ang mubo nga mga pagbansay mogamit sa mosunod nga sundanan:
-
Pagpasabot. Tabangi ang mga estudyante nga makasabot sa baroganan nga ilang magamit o ang kahanas nga ilang bansayon. Kini nga kalihokan kinahanglan mubo ra ug mokabat lang og mga 2–3 minutos.
-
Modelo. Ipakita sa mga estudyante kon unsaon ang baroganan o kahanas mahimo nga gamiton. Kini nga kalihokan mokabat og mga 3–5 minutos.
-
Paggamit. Hatagi ang mga estudyante og oportunidad sa pagpraktis sa paggamit sa baroganan o kahanas. Isiguro ang bisan katunga sa panahon nga gigahin diha sa mubo nga pagbansay (mga 7–8 ka minuto) mahimong ipahinungod sa pagpraktis.