Handout 9: Mga Sugyot sa Pagdasig og Makapalig-on nga mga Panaghisgotan sa Gamay nga Grupo

“Handout 9: Mga Sugyot sa Pagdasig og Makapalig-on nga mga Panaghisgotan sa Gamay nga Grupo,” Materyal sa Magtutudlo alang sa Pagtubag sa Akong mga Pangutana sa Ebanghelyo (2022)

“Mga Sugyot sa Pagdasig og Makapalig-on nga mga Panaghisgotan sa Gamay nga Grupo,” Materyal sa Magtutudlo sa Pagtubag sa Akong mga Pangutana sa Ebanghelyo

Handout 9

Mga Sugyot sa Pagdasig og Makapalig-on nga mga Panaghisgotan sa Gamay nga Grupo

Handout 9: Mga Sugyot sa Pagdasig og Makapalig-on nga mga Panaghisgotan sa Gamay nga Grupo

Pagtubag sa Akong mga Pangutana sa Ebanghelyo—Mga Handout

Sa tibuok niini nga kurso makakat-on kita sa labing maayo gikan sa usag usa pinaagi sa matinuoron ug bukas nga panag-istoryahanay. Ang Ginoo miawhag, “Apan himoa nga ang usa mamulong sa tagsa-tagsa ka higayon ug himoa nga ang tanan maminaw ngadto sa iyang mga gipamulong, nga sa diha nga ang tanan mahuman sa pagpamulong nga ang tanan unta mahatagan og kaayohan sa tanan, ug nga ang matag tawo makabaton og managsama nga kahigay[o]nan” (Doktrina ug mga Pakigsaad 88:122). Ikonsiderar kon sa unsang paagi ang mosunod nga mga sugyot makatabang.

Paghimo og inisyatibo.

Gawas lang kon gihan-ay, nga walay lider sa panaghisgotan, aron dili na ka kinahanglan nga maghulat hangtod nga adunay magdumala.
Kon ganahan ka nga mosulti og usa ka butang, isulti. Mahimo nimong isulti ang usa ka butang sama sa, “Naa koy nahunahunaan nga gusto nakong ipaambit.”

Paningkamot alang sa balanse nga partisipasyon.

Makat-on kita sa labing maayo kon kita makadungog gikan sa tanang sakop sa grupo, dili lang sa usa o duha.
Kon natural ka nga mahigalaon ug istoryador, palihog pag-amping nga dili mosagbat sa mga panaghisgotan o mosapaw og tabi sa uban.
Kon natural ka nga hilomon ug dili kaayo istoryador, palihog pagmaisogon ug sulti aron ang uban makakat-on gikan kanimo. Ipadaplin ang ideya nga ang imong opinyon dili importante.

Magpabilin nga nakatutok.

Tabangi ang usag usa nga magpabilin diha sa hustong dalan kay sa motipas o basta lang makigtabi atol sa klase.
Motutok nga magdungan sa pagkat-on kay sa mabalaka mahitungod sa pagreport ngadto sa tibuok klase.
Timan-i nga usa sa katuyoan niining kurso mao ang mamahimong mas masayod. Nagpasabot kini nga samtang anaa diha sa gamay nga mga grupo importante ang magtamod diha sa materyal nga kapanguhaan kay sa basta lang mopaambit sa imong kaugalingong mga opinyon.

Pagmapainubsanon ug daling tudloan.

Isipa nga ikaw makakat-on gikan niadtong anaa sa imong grupo, ug andam nga mousab sa imong opinyon.
Mamahimong mas interesado sa pagkat-on sa kamatuoran kay sa magprobar sa imong punto.

Magmadagayaon.

Itugot nga ang gugma ang mogiya sa inyong mga panag-istoryahanay. Si Apostol Pablo mitambag sa mga disipulo ni Jesukristo sa pagsulti “sa kamatuoran uban ang gugma” (Mga Taga Efeso 4:15).
Hinumdomi nga kon kita mopaambit sa atong mga pangutana, ug mga kasinatian, kita mihimo sa atong kaugalingon nga huyang. Tratoha ang ideya sa uban nga may pagtahod ug dignidad, ilabi na kon ikaw tingali dili uyon niini.
Human ang mga tawo mopaambit og usa ka butang, ikonsiderar ang pagpakita sa imong sinsero nga pasalamat alang sa ilang kaandam sa pagsulti. Mahimo nimong isulti ang mga butang sama sa “Salamat sa pagpaambit,” “Makatabang kaayo kana tungod kay … ,” “Wala gyod ko nakahunahuna sa ingon niana nga paagi,” o “dili ko sigurado kon mouyon ko, apan mapasalamaton ko nga nakat-on gikan sa imong panglantaw.”