Handout 7

Mensahe ngadto sa Relihiyoso nga mga Tig-edukar sa Church Educational System

Handout 7: Mensahe ngadto sa Relihiyoso nga mga Tig-edukar sa Church Educational System

Pagtubag sa Akong mga Pangutana sa Ebanghelyo—Mga Handout

Si Presidente M. Russell Ballard sa Korum sa Napulog Duha ka Apostoles mipaambit:

Sa usa ka pagbansay nga miting sa Kinatibuk-ang Awtoridad, si Presidente Gordon B. Hinckley (1910–2008) misulti kabahin sa pagtudlo sa doktrina sa Simbahan: “Kinahanglang mag-amping gayod kita. Kita kinahanglan gayod magbantay nga dili kita motipas” [Pagbansay nga miting sa Kinatibuk-ang Awtoridad, Salt Lake City, Sept. 29, 1992]. …

Samtang ang Church education padayong nag-uswag sa ika-21 nga siglo, ang atong mga tig-edukar nagkinahanglan nga mokonsiderar sa bisan unsang kausaban nga angay nilang buhaton sa pamaagi sa ilang pag-andam sa pagtudlo, unsaon nila sa pagtudlo, ug unsay ilang itudlo kon kinahanglan silang magtukod og dili mapaling nga pagtuo sa kinabuhi sa bililhon natong mga kabatan-onan.

Wala na ang panahon nga kon ang estudyante mangutana og usa ka matinuoron nga pangutana tubagon lang sa magtutudlo, “Ayaw og kabalaka kabahin niana!” … Wala na ang mga panahon nga ang mga estudyante panalipdan gikan sa mga tawo nga moatake sa Simbahan.

Pagkabulahan, ang Ginoo mihatag niining haom ug tukma nga tambag sa mga magtutudlo: “Ug sa ingon sa tanan nga walay hugot nga pagtuo, pangitaa ninyo nga makugihon ug magtudlo sa usag usa sa mga pulong sa kaalam; oo, pangitaa ninyo gikan sa labing maayo nga mga basahon ang mga pulong sa kaalam; pangitaa ang pagtulun-an, gani pinaagi sa pagtuon ug usab pinaagi sa hugot nga pagtuo.” [Doktrina ug mga Pakigsaad 88:118].

Magamit kaayo kini karon tungod kay dili tanan natong mga estudyante adunay hugot nga pagtuo aron makasagubang sa umaabot nga mga hagit ug kay ang kadaghanan nila nabantang sa Internet sa makalaglag nga mga pwersa sa nagtubo nga pagkakalibotanon nga supak sa pagtuo, pamilya, ug sa mga sumbanan sa ebanghelyo. Nagkagrabe ang pagkatap sa Internet sa tibuok kalibotan hapit sa tanang panimalay ug naa na sa mga kamot ug hunahuna sa atong mga estudyante. …

Si Presidente Harold B. Lee (1899–1973) miingon:

“Among ipahinumdom kaninyo nga ang pag-angkon og kahibalo pinaagi sa pagtuo dili sayon nga dalan sa pagkat-on. Nagkinahanglan kini og matinguhaon ug padayong paningkamot pinaagi sa hugot nga pagtuo ” [Harold B. Lee, in Clyde J. Williams, ed., The Teachings of Harold B. Lee (1996), 331]. …

Ang kahibalo pinaagi sa pagtuo makamugna og lunsayng pagpamatuod, ug ang lunsayng pagpamatuod may gahom sa pag-usab og kinabuhi. (“Pinaagi sa Pagtuon ug pinaagi sa Hugot nga Pagtuo,” Liahona, Dis. 2016, 29)

Mga Pangutana nga Panaghisgotan

• Nganong importante nga ang atong mga panaghisgotan magpabilin nga mahiangay uban sa lintunganay sa doktrina ug mga baroganan sa Simbahan?

• Sa unsang paagi nga ang hugot nga pagtuo mohuyang kon kita molikay o motipas sa lisod nga mga pangutana nga ipangutana sa uban kanato?

• Unsa kahay gipasabot sa “pangitaa ang pagtulun-an, … pinaagi sa pagtuon ug usab pinaagi sa hugot nga pagtuo”? (Doktrina ug mga Pakigsaad 88:118).

• Kanus-a ninyo nabati ang pagkat-on pinaagi sa hugot nga pagtuo makamugna og “lunsay nga pagpamatuod” sa inyong kinabuhi? (“Pinaagi sa Pagtuon ug pinaagi sa Hugot nga Pagtuo,”29).

© 2022 by Intellectual Reserve, Inc. All rights reserved.

Handout 7: Mensahe ngadto sa Relihiyoso nga mga Tig-edukar sa Church Educational System