Mubo nga Pagbansay 2

Unsaon nga Mahimong usa ka Tigkat-on nga Makabarog sa Kaugalingong Paningkamot

Pagpasabot

Ipakita ang mosunod nga pamahayag ni Elder David A. Bednar sa Korum sa Napulog Duha ka mga Apostoles:

Isip mga tigkat-on, kamo ug ako kinahanglan molihok ug motuman sa pulong ug dili lamang tigpaminaw nga giaghat lamang. (David A. Bednar, “Paningkamot sa Pagkat-on pinaagi sa Hugot nga Pagtuo,” Liahona, Sept. 2007, 19–20)

Modelo

Mopili og usa sa mosunod nga mga tudling. Dayon hisgoti kon sa unsang paagi nga ang tudling o video nagpakita sa baroganan sa usa ka tigkat-on nga mapaningkamoton sa kaugalingon.

• Ether 2:22–25; 3:1, 4–6 (Ang igsoong lalaki ni Jared mihangyo sa Ginoo alang sa usa ka paagi aron masug-an ang mga sakayan.)

• Doktrina ug mga Pakigsaad 9:7–9 (Si Oliver Cowdery nasayod kon nganong siya dili makahubad sa Basahon ni Mormon.)

Paggamit

Aron matabangan ang mga estudyante sa paggamit unsa ang kahulogan sa makabarog sa kaugalingong paningkamot nga tigkat-on, ilabina kon mag-atubang og usa ka lisod nga isyu, ipaambit ang mosunod nga sitwasyon:

Si Sarah nakakat-on diha sa social media og butang nga makapahasol kabahin sa kasaysayan sa Simbahan. Nangutana siya sa uban nga mga higala kabahin niini. Human makadungog sa ilang mga tubag, mas nadugangan pa gani ang iyang kalibog.

Ipares ang mga estudyante og usa ka kauban aron magtinabangay o diha sa gamay nga mga grupo ug maghisgot kon unsa ang mahimong buhaton ni Sara aron mahimong mas makabarog sa kaugalingong paningkamot nga tigkat-on.

Motapos pinaagi sa paghangyo og usa o duha ka mga estudyante sa pagpaambit kon unsa ang ilang nakat-onan gikan niining kalihokan sa paggamit [application activity].