Aoao—Taimi Aofai: 45 Minute

Gaoioiga _{(5 minute)}

Tutulai mai tagata uma. Feofeoai ma lau vaega, talanoaina mea nei ma ni tagata se toatolu:

• O le a sau mea sa fai e vaavaai ai mo se galuega, ma na faapefea mai?

• O a ni mea na manuia ma ni le fiafia?

• O le a se mea o e faamoemoe e maua mai lenei vaega?

Faitau:O le fuafaatatau mo le sailiga galuega faamanuiaina o le:

Faatino i le Faatuatua + Galue Malosi + Galue ma le Poto = Faamanuiaina

I le gasologa o lenei tusi, o le a e mulimuli i se ala e fesoasoani ai ia te oe e faatino i le faatuatua, galue malosi, ma aoaoina tomai o le sailiga galuega e galue ma le poto. E amata mai i le pito i lalo o le kalafi, feauauai e faitau ia vaega taitasi o le Ala i se Galuega Sili Atu o i lalo.

apefai

Faitau:O le a tatou amata i faavae o le faatuatua ma le galue malosi.

1. Faatino le Faatuatua

Faitau:O le faavae i se sailiga galuega faamanuiaina o le faatuatua. I le Tama Faalelagi, o mea uma, e aofia ai ma le sueina o se galuega, e faaleagaga. Ua fetalai mai le Alii, “Ou te fai atu ia te outou, ua faaleagaga mea uma lava ia te au, ma Ou te lei tuuina atu lava ia te outou i soo se taimi se tulafono sa faaletino” (MF&F 29:34).

Talu ai o le mauaina o se galuega e taua faaleagaga ma le faaletino, o mea uma lava e te faia i se sailiga galuega e mafai ona avea o se faatinoga o le faatuatua. E te faamoemoe ma tatalo ia faamanuiaina oe e le Atua i se galuega, ae e te galue e faaalia ai lou faatuatua.

Talanoa:O le a le mea a le faatuatua e fai i le sailia o se galuega?

2. Taula’i Lau Sailiga

Sailiga Galuega a Iosia

Faitau:I le gasologa o a tatou fonotaga faalevaega, o le a tatou matauina ai ma faatonutonu Iosia a o ia taumafai e faaaoga ia mataupu faavae ma tomai o se sailiga galuega lelei. Sa faamalolo mai Iosia i lana galuega i le lua masina talu ai o se inisinia lagolago o komepiuta. Ua faaipoipo o ia ma o loo a’oga i saienisi faakomepiuta. E i ai lona toalua ma se pepe e tausia. E manaomia ona sue se galuega a Iosia.

O loo faigata lava ia Iosia ona iloa po o fea e amata ai lana sailiga galuega. E tele ituaiga galuega sa ia talosagaina. I le vaiaso ua te’a sa ia talosaga ai e avea o se tautua i se faleaiga, o se sui tautua mo faamatalaga i tagata o se inisinia komepiuta, ma se faigaluega i faleteuoloa. Peitai, e le’i faamanuiaina o ia.

Talanoa:O faapefea ona fesootai ou aafiaga tau sailiga galuega i le mea o i ai Iosia?

Faitau:Amata lau sailiga galuega i le iloaina po o le a le ituaiga galuega e te manao ai. E tatau o se mea e te agavaa e fai. E tele le au saili galuega e le o faia le mea lea. E faapei lava o Iosia, latou te faamaimauina le taimi e mafaufau ai i ituaiga galuega uma. O le a sili ona vave ona e mauaina se galuega pe a e taulai tau lava i ni nai galuega.

Afai e te le iloaina le galuega e te manao ai, faaalu sina taimi e te talanoa ai i isi tagata ma sue mai ni faamatalaga aoga e vave fika i ai. E toatele le au sue galuega e talia se galuega mautu e lagolago ai i latou lava a o latou sailia se galuega e sili atu. Afai o le tulaga lea mo oe, ia e manatua le fautuaga lenei mai ia Peresitene Spencer W. Kimball “E aumaia e le galuega le fiafia, faatauaina o oe lava, ma le tamaoaiga. O auala o ausiaga uma; o le faafeagai o le paie. Ua poloaiina i tatou e galulue” (Aoaoga a Peresitene o le Ekalesia: Spencer W. Kimball (2006), 118. O le galue e malualii.

Ua iloa e Iosia o le a tele atu ona faamanuiaga pe a ia taulai atu i tulaga lagolago faakomepiuta. Na avea lena ma ana sini faalegaluega.

Gaoioiga _{(3 minute)}

Tusi i lalo ni galuega se tolu e te manao ai o le a e taulai i ai mo lau sailiga galuega. Ona faasoa atu lea i lau vaega. Afai e te le o mautinoa pe o le fea galuega e taulai i ai, taumafai e fuafua le mea lena a o lei oo i le isi fonotaga.

3. Galue Malosi: Faailoa Mai Punaoa ma Fai ni Fesootaiga

Sailiga Galuega a Iosia

Faitau:Sa lei fiafia Iosia e sue se galuega. Na te tuuina i ai ni nai itula i aso taitasi, o le tele lava e autilotilo i galuega e tuu i luga o le upega tafailagi ma talanoa i sui o galuega.

Talanoa:O le a sou manatu e uiga i le maualuga o le taumafaiga a Iosia? O le a le umi e te manatu o le ia maua ai se galuega i lea faiga?

Faitau:O le au saili galuega faamanuiaina e galulue malosi. E te maua mai i se sailiga galuega le mea na tuuina i ai. O le tele o lou galue malosi, o le vave foi lena e te maua ai se galuega. O lau galuega e tatau ona aofia ai le faailoaina o punaoa ma le faia o fesootaiga i aso uma.

O se punaoa o soo se punavai lea o faamatalaga po o fesootaiga o le a saofaga i se sailiga galuega. E mafai ona avea o se tagata, nofoaga, po o se mea.

O se fesootaiga o soo se fesootaiga faalegaluega ma se punaoa. E mafai ona o se talanoaga faafesagai ma se tagata, se telefoni, auina atu o se imeli, auina atu o se talosaga po o sou faamatalaga otooto, po o le auina atu o se faamanatu toe tulitatao.

O le tele o punaoa e te maua ma fesootaiga e te faia, o le vave foi lena ona e maua o se galuega. Faailoa mai ni punaoa se 15 ma faia ni fesootaiga se 10 i aso taitasi e saga faatelevave ai lau sailiga galuega

Sailiga Galuega a Iosia

Faitau:Na iloa loa e Iosia ia punaoa ma fesootaiga, sa ia galue ai loa

Mo se faataitaiga, o ananafi na ia faia ai mea nei:

• Maua kamupani e tolu sa ia fiafia i ai.

• Maua uepisaite aoga e tolu.

• Sa mafaufau i tagata e toafitu sa mafai ona ia faafesootaia (uo, tagata o ana vasega, ma tagata sa latou faigaluega muamua).

• Maua avanoa faigaluega e lua

Na atoa ai le 15 punaoa i le na o le tasi le aso.

Ona ia faafesootaia ai lea o na punaoa i le:

• Telefoni sa’o atu i na kamupani e tolu e aoao atili ai e uiga i la latou kamupani.

• Talanoa, imeli, pe tesi i ana uo e toafa e ta’u i ai o la e sue sana galuega.

• Talosaga mo na avanoa faigaluega e lua.

• Tulitatao i se tasi o na kamupani e lua ia mautinoa ua latou maua ana faamatalaga.

Na atoa ai le 11 Fesootaiga i le na o le tasi le aso.

Gaoioiga _{(10 minute)}

O le a tatou fesoasoani i le tasi ma le isi ia maua punaoa lelei e maua ai se galuega. O le a tatou feauauai i le faiga o lenei gaoioiga. O ai se isi e fia alu muamua?

Laasaga 1: Faasoa atu i le vaega au galuega e te manao ai.

Laasaga 2: Fai o se vaega, ta’u atu punaoa e mafai ona fesoasoani i lena tagata i lana suega galuega. Manatua, o punaoa e aofia ai tagata, nofoaga, po o mea.

Laasaga 3: I le vave tou te mafaia, tusi i lalo ia punaoa o loo faasoa mai.

Laasaga 4: Toe fai ia laasaga 1--3 mo tagata taitoatasi o le vaega.

Punaoa	E Faapefea Ona Ou Faafesootai

Faitau:Lea la ua i ai se tatou lisi o punaoa gafatia, o le isi a tatou laasaga o le faafesootai o i latou.

Gaoioiga _{(8 minute)}

I le avea ai o se vaega, talanoaina po le a faapefea ona e faafesootaia ia punaoa sa outou faatoa fefaasoaai ai. Tusi manatu i le koluma lona lua o le siata o i le itulau o i luma. Manatua, o se fesootaiga o soo se ituaiga o fesootaiga ma se punaoa.

Motugaafa:Tuu au punaoa ma fesootaiga ia faatulagaina i fomu o i itulau 194–96 o le faaopoopoga.

Talanoa:E faapefea e le galue malosi i lau sailiga galuega ona faaalia ai le faatuatua?

Faaiuga

Maimoa:“It Was a Miracle,” o loo maua i le srs.lds.org/videos. (A e a pe a le maua le vitio? Faitau le itulau 18.)

Talanoa:O a ni mea aupito taua sa e aoaoina mai lenei mataupu?

Faitau:O se sailiga galuega faamanuiaina e mulimuli i le fuafaatatau faigofie lenei:

Faatino i le Faatuatua + Galue Malosi + Galue ma le Poto = Faamanuiaina

Amata ona faaaoga loa lava le fuafaatatau e ala i le faailoa mai o punaoa ma le faia o fesootaiga i aso taitasi. O lea faiga e faaalia ai lou faatuatua. Fesili atu i le Tama Faalelagi e fesoasoani ia te oe ma ia vaai atu i lau galuega o se faatinoga o le faatuatua, ma o le a Ia faamanuiaina oe i le manuia. I isi mataupu e sosoo ai o le a amata ai ona tatou vailiilia tomai o le a fesoasoani ia i tatou e galulue ai ma le poto.