Aoao—Taimi Aofai: 45 Minute

Faitau:O se sailiga galuega faamanuiaina e mulimuli i le fuafaatatau faigofie lenei:

Faatino i le Faatuatua + Galue Malosi + Galue ma le Poto = Faamanuiaina

I le mataupu lenei, o le a e aoao ai i le ala e faaaoga ai nei lava mataupu faavae ia faamanuiaina i le galuega ma le ala e saofaga ai le faigaluega i lou ola tutoatasi.

Sailiga Galuega a Iosia

Faitau:Tala fiafia tele! Na telefoni atu Julie mai le ABC Marketing ia Iosia ma ofo atu ia te ia le tulaga o le Inisinia o le Laulau Fesoasoani. E amata i le vaiaso nei. O ia ma lona aiga o ni tagata e maoae le faatuatua. Ua matua fiafia lava ia Iosia ma lona aiga!

Talanoa:E faapefea ona fesootai le faigaluega i le ola tutoatasi?

Faitau:Ua aoao mai e tusitusiga paia, “Ona tou te lē oo mai iinei pe a na lē seanoa le afioga a Keriso faatasi ma le faatuatua lē mafaagaeetia ia te ia, ma le faalagolago atoa i galuega a ia o lē ua malosi aoao e laveai.” (2 Nifae 31:19). Sa matou vaai ia Iosia o galue malosi, e faaaoga le faatuatua, ma sa faamanuiaina i se galuega. Peitai, e le faapea a na o le faigaluega ona ola tutoatasi lea o se tagata. E manaomia foi ona lelei lau faigaluega i le galuega ma atonu foi e tilotilo i ni sini faalegaluega sili atu. E mafai e le Tama Faalelagi ona fesoasoani ia te oe i lena mea.

Talanoa:Mata e mafai faapefea ona faamanuia oe e le Tama Faalelagi i lau galuega?

1. Ia Avea o se Tagata Faigaluega Lelei Tele

Faitau:O le avea ai o se tagata faigaluega lelei o le a fesoasoani ia te oe e tumau ai i lau galuega, agaigai i luma i le galuega, ma tele tupe e te maua ai. O le a fesoasoani lenei mea ia te oe e atili ai ona ola tutoatasi.

Pe o e i ai i lau galuega sa e manao ai pe lei oo lava i ai, manatua, e i ai lava mea taua ma poto masani e maua mai i soo se galuega.

O tagata faigaluega lelei e vaai atu i galuega uma lava o se avanoa, tusa lava pe o la e mananao i se galuega e sili atu. Taumafai e aua nei tuua se galuega sei vagana ua i ai se isi galuega ua faatali mai. O avanoa e manaomia ai le galue, ma le avea o se tagata faigaluega lelei o le a aumaia ai ia oe isi mau avanoa. Toetoe o galuega uma lava e tamaalii.

Talanoa:Aisea e tatau ai ona avea oe o se tagata faigaluega lelei, tusa lava po o le a le galuega?

Maimoa:“Keep it Simple,” o loo maua i le srs.lds.org/videos. (A e a pe a le maua le vitio? Faitau le itulau 182.)

Gaoioiga _{(5 minute)}

Laasaga 1: Mafaufau i lau galuega o i ai po o le galuega o loo e manao ai. Tusi e le tagata lava ia ni mea patino se tolu e mafai ona e faia e avea ai ma se tagata faigaluega lelei tele mo lena galuega.

Laasaga 2: Ia taitasi le tagata ma faasoa mai se tasi o o outou manatu i le vaega atoa. Afai e te faalogoina se mea e te manao e fai, tusi i lalo.

2. Fai Ni Sini Faalegaluega

Faitau:Ina ia ola tutoatasi, atonu e manaomia ona faalautele lou mafaufau i sini faalegaluega.

Mafaufau loloto:Mata o le a fesoasoani lau galuega o i ai nei (po o le galuega o loo e sailia) ina ia e ola tutoatasi?

Gaoioiga _{(8 minute)}

Tuutuu lou nofoa e talanoa i se isi tagata e i ou autafa.

Laasaga 1: Faamatala atu lau galuega o i ai nei po o le galuega o loo e sailia.

Laasaga 2: Faamatala atu le galuega e te manao i ai i le lua i le fa tausaga. Pe o le galuega lava lea e tasi po o se isi galuega?

Laasaga 3: Talanoa pe faapei le lava o tupe e malaga ai i le malumalu, auauna atu i ni misiona, pe fesoasoani atu i isi.

Laasaga 4: Tusi mea sa outou talanoaina i pusa nei.

O Fea O E I AI Nei	O Fea O E Manao E Te I Ai

Faitau:Talu ai o lea ua maua sou manatu e uiga i le mea e te manao e alu i ai, e faapefea ona e oo iina? Ina ia alualu i luma i lau galuega, atonu e manaomia ni tomai faaopoopo po o a’oa’oga. O mea ua e aoaoina e uiga i le sailiga o galuega o le a fesoasoani foi i au sini faalegaluega. O le faailoa mai o punaoa ma le faia o fesootaiga o le a fesoasoani ia te oe e agavaa ai mo tulaga atonu e te manao ai i le lumanai.

Sailiga Galuega a Iosia

Faitau:Ua fiafia Iosia ua maua se galuega ae e manao o ia e avea o se inisinia o upega fesootai. O le a fesoasoani atili lena ia te ia ia ola tutoatasi atili. Ina ia fesoasoani ia te ia e iloa le isi mea e tatau ona ia fai, sa ia faaaogaina le meafaigaluega lenei.

Tulaga E Te Manao Ai	Tomai ma le Malamalama E Te Manaomia	Auala e Maua ai Tomai ma le Malamalama	Isi Laasaga
Inisinia a le upega fesootai	Faailoga i saienisi o komepiuta Tusipasi i upega fesootai Isi tomai	Faamaea le faailoga Fesili mo galuega faatino faapitoa Talanoa i isi inisinia o upega fesootai	Faatalanoaga faalefaamatalaga ma ni inisinia o upega fesootai

Gaoioiga _{(8 minute)}

Mafaufau i le tulaga e te manao ai po o auala e faaleleia atili ai lau matafaioi i le taimi nei. Faatumu le siata o i lalo. Ona faasoa atu lea i lau soa galue.

Tulaga E Te Manao Ai	Tomai ma le Malamalama E Te Manaomia	Auala e Maua ai Tomai ma le Malamalama	Laasaga e Sosoo Ai

Talanoa:E faapefea i le faia o isi laasaga nei ona ta’ita’i atu ai oe i le ola tutoatasi sili atu?

Faaiuga

Maimoa:“Growing,” o loo maua i le srs.lds.org/videos (Leai se vitio? Faitau le itulau 183.)

Talanoa:O a ni mea aupito taua sa e aoaoina mai lenei mataupu?

Faitau:O le fuafaatatau mo le sailiga galuega faamanuiaina o le:

Faatino i le Faatuatua + Galue Malosi + Galue ma le Poto = Famanuiaina

E faaaoga foi nei lava mataupu faavae i le faamanuiaina i le galuega. E alofa le Atua ia te oe ma e finagalo ia te oe ia e ola tutoatasi. Faaali atu lou faatuatua e ala i le taumafai ia avea o se tagata faigaluega lelei tele ma fuafua mo se galuega o le a fesoasoani ia te oe ia e ola tutoatasi ai. O le a Ia faamanuiaina oe a o e faigaluega malosi ma faatino i le faatuatua.