Punaoa

O Le Mana o Faamatalaga Malosi

Ua faasoa mai e Darren le ala na fesoasoani ai ia faamatalaga malosi ia te ia e tu matilatila ai o le filifiliga manino i se faagasologa faatautava mo le faafaigaluegaina.

“Tusa lava pe i ai sau galuega, e lelei lava le sauniuni ma faata’ita’i au faamatalaga malolosi. Sa ou iloaina o le a vaea a’u, o lea sa amata ai ona ou matuai sailia se galuega. Ua ou iloa ai e manaomia ona e faafouina lau upega fesootai … ae, o le mea ua ou faia e fai si faapitoa, ae e i ai isi tomai ma poto masani faapena. Sa ou mauaina se tulaga faigaluega i luga o le upega tafailagi, ma sa ou sauniunia ai la’u tusi talosaga ma lo’u talaaga puupuu. Sa ou iloaina le tauvaga o le a maualuga, aemaise o lea galuega sa tuu i luga i le mea e mafai e soo se tasi ona maua. Sa ou aoao e uiga i faamatalaga malolosi ma sa ou iloa foi o la’u ki lea. E ui sa i ai foi tomai faapea o isi, ae e leai se tasi e tutusa ni poto masani ma ausiaga sa ou maua. Sa ou fatuina so’u talaaga puupuu manaia tele, sa fua i manaoga o le kamupani ma sa aofia ai le tele o faataitaiga talafeagai ma ausiaga. Sa valaau mai le kamupani ia te au i ni nai aso na auina atu ai a’u tusi talosaga.

“Sa iu ina tele se faasologa o faatalanoaga na ou auai atu i ai---o nisi i luga o le telefoni a o nisi sa faia i vitio. Sa ou saunia ni faamatalaga malosi mo fesili o faatalanoaga sa ou mafaufauina. Talu ai o se faatalanoaga sa faatautaia mai i se isi nofoaga, sa ou mafaia lava ona ou faaaogaina a’u tusigamanatu. Sa ou iloaina sa latou faatalanoaina foi isi, o le mea lea sa tatau ai ona ou tumatilatila atu. Sa fesoasoani faamatalaga malosi ou te faatauina atu ai a’u lava. O faamatalaga malosi na faamaonia ai lo’u tagata. Sa faamaonia ai sa ou loto e ave le galuega ma ou faatinoina lelei. Sa silafia e le kamupani o le a lelei lo’u faatinoina mo i latou aua sa mafai ona ou faasoa atu ni faataitaiga ma tala i taimi na ou faia ai mea faapena i aso ua mavae. Sa ou mauaina le galuega! Na ou iloaina o a’u faamatalaga malosi na faia le eseesega mo au.”

Toe foi i itulau 67