Punaoa

O Se Vavega Lava.

Sa faasoa mai e Ioane le mea sa ia aoaoina a o ia faaaogaina le fuafaatatau o le faamanuiaina i lana sailiga galuega.

Faatino i le Faatuatua + Galue Malosi + Galue ma le Poto = Famanuiaina

“Sa i ai sa’u galuega lelei tele, ma sa ou lelei foi i le faiga. Sa fiafia lo’u pule i le galuega sa ou faia, ma o le mea lena sa faigofie ai ona faia galuega lelei mo ia. E toalua le ma fanau teine lalelei ma lo’u toalua ma se pepe o loo faatalitali. Mo se aiga talavou, sa foliga mai sa i ai matou mea uma sa matou manaomia, aemaise o se lumanai lelei.

“Ona ma’i ai lea o lo’u toalua. Sa ma faia le mea sili sa ma mafaia seia o’o ina ma iloa ua ia manaomia le tausiga faafomai i le mamao e 500 maila le mamao. O lea na matou masii ese ai. Sa ou faamautuina o ia ma tamaiti ae ou toe alu i la’u galuega seia oo ina ou maua se galuega e lata i le aiga. Ou te lei manatu o le a umi se taimi, aua sa ou matua agavaa lava ma sa lei i ai lava se faaletonu i lo’u mauaina o se galuega i le taimi ua fano. Sa ou talitonu e mafai ona ou taulimaina e a’u lava ia, ae mo se mafuaaga sa le mafai ona ou mauaina se mea.

“Na uma vaiaso ae faasolo atu i masina. Sa ou faigaluega i se tasi aai ma suesue galuega i se isi, o nei mea uma ae o loo popole i lo’u toalua ma le aiga. Sa o se taua faia’ina. Sa ou manaomia le fesoasoani. Sa le mafai ona ou faia na o au. Sa ou liliu atu i lo’u Tama oi le Lagi. Sa ou anapogi ma tatalo. Sa liliu atu la’u sailiga galuega i se faatinoga o le faatuatua. Sa ou galue malosi tele, ma ole atu i le Alii e faamanuia au ma a’u taumafaiga. Ae e lei pine ae ou iloaina e le i lava le galue malosi. Na manaomia ona ou galue ma le poto. Sa i ai ni ala sili atu i le sailiga galuega---o tomai sa ou manaomia e aoao ai ma faaleleia ai.

“A o ou tuufaatasia lo’u faatuatua, galue malosi, ma tomai ua faaleleia atili, sa sili ona lelei o mea. Sa amata ona fai a’u faatalanoaga ona amata ai lea ona ou faigaluega i se galuega lelei tele. Sa matuai faigata lava le valavala ai ma lo’u aiga ma le feagai ai ma se taimi faigata tele. Ae sa galue lelei lava, ma sa tele naua mea sa ou aoao mai ai. Sa o se vavega moni lava mo lo’u aiga. Ou te matua faafetai i lenei aafiaga sa ou i ai, ma ou te faafetai tele i le Tama Faalelagi mo le faamanuiaina o a’u i lenei taimi atoa”

Toe foi i le itulau 13.