Punaoa
Ia Faafaigofie.
Se’i o tatou faalogologo atu i se tasi o pule o galuega o faamatala mai nisi o ki i le avea ai o se tagata faigaluega lelei.
“Ou te faafaigaluegaina tagata i tausaga uma ma matau i latou a le o le alualu i luma i le galuega po o le faaalu. Sei ou faasoa atu ia te outou nisi o mea masani matou te faamoemoeina mai o matou tagata faigaluega. Muamua e manaomia ona faamoemoeina i latou. Lona lua, e tatau ona mafai ona galulue lelei ma le tasi ma le isi. Ma le lona tolu, matou te manaomia i latou ina ia tuu i ai sa latou taumafaiga. Na o le faia lava o nei mea iti e tolu e faia ai se eseesega tele i lo latou faamanuiaina ma i matou. Sei ou faasoa atua se aafiaga e fai ma faataitaiga.
“Sa matou faafaigaluegaina talu ai nei ni tagata se toalua e faigaluega ii. E tutusa o la tulaga. Sa la amata pe tusa o le taimi e tasi. O le tagata muamua na lelei lava. E le tuai lava o ia i le galuega, e seasea valaau mai ua ma’i, ma e maopoopo ana mea uma. E le tau kavaina o ia e isi tagata. E fetaui lelei o ia ma e galulue lelei foi ma isi. E le gata i lea, o le lelei ia o lana faigaluega. E le gata ina ia faia ia mae’a le galuega, ae e vaavaai foi mo nisi mea e fai. Ua atoa nai masina talu ona i ai iinei, ma ua uma ona matou tilotilo i ni siitaga e tatau ai po o ni si’i o totogi.
“O le tagata lona lua e le o lelei. E tele ina tuai mai ma o taimi uma e i ai lava sana ‘alofaga, a le o le ma’i o se tamaitiiti o le misi o le pasi. E foliga mai e le mafai ona ia faatinoina ana galuega, ona faaopoopo ai lea o galuega a isi ona o lona pipi’o. Ua ou matauina foi lona faalavelave pe a i ai iinei. E foliga mai e leai se vaiaso e ‘asa ma se mea e faaletonu ai. E o mai la’u aufaigaluega ma faitio mai ia te au i ana tala e fai po o mea na te fai. O le mea moni ou te matua le manao lava i na ituaiga o mea. Na pau lava le mea ma’imau pe ana mafai ona sui pe faia amio talafeagai i le galuega. O le faaiuga, e matua le lelei lava i lana galuega. O le tulaga aupito maualalo lea matou te faamoemoeina o loo i ai o ia, ae ou te le faapea atu o loo i ai so matou faamoemoe e i ai sa matou mea e maua mai ai ia te ia. Ua ou fuafua e tuu o ia e alu.
“O le tausisia o se galuega e faigofie. Ia faatuatuaina oe, ia faigofie ona galulue faatasi, ma galue lelei. Afai e mafai ona e faia na mea, atonu o le a i ai pea lava sau galuega ma tele avanoa pe a e manaomiaina.”
Toe foi i le itulau 175.
Tuputupu A’e
Ua faasoa mai e Angela le mea o loo ia faia e tuputupu a’e ai i le galuega.
Sa ou galue malosi ia maua la’u galuega o loo i ai nei, ma ou te manatu o le mea lena ou te talisapaiaina ai. O se galuega lelei tele ou te fiafia i ai ma tausi ai lo’u aiga. E i ai a’u fuafuaga e agai i luga ae ou te manao foi ia lelei la’u galue i le taimi nei. O lea la sa ou faaaogaina ai o’u tomai o la’u sailiga galuega iinei i le galuega. O le iloa ai e tele pea lava pea mea e aoaoina o loo faaosofia ai au, ma o le ausiaina o a’u sini mo aso taitasi o loo ou alualu ai pea i luma agai i a’u sini mo le taimi umi. O aso taitasi uma ou te manao ai lava ia lelei atili.
“Ou te vaavaai lava e le aunoa mo auala e mafai ona atili lelei ai lo’u faiga o se galuega. Sa ou mauaina ni nai punaoa ua fesoasoani tele ia te au, e aofia ai ni nai tusi. Ae ua avea lava tagata ma a’u punaoa. O nisi o a’u paaga ua sili lo latou poto masani ma isi pule e ese le naunau e fesoasoani mai ia te au. Na pau lava lau mea e fai o le fesili, ma o le toatele lava o tagata e fiafia e fesoasoani ia e lelei atili. Ma e te manao ai ia sili atu mea e te ausia nai lo le mea o latou faamoemoeina.
“O loo faaauau pea lava foi ona atia’e la’u upega fesootai. O le tele o tulaga i la’u kamupani e faatumuina e ala i siitaga. Ua ou faia ni faatalanoaga faasamasamanoa ma isi iinei ia ou aoao atili ai e uiga i a latou matafaioi ma sailia a latou fautuaga. Ua fesoasoani lena ia te au i le faiga o ni nai sootaga lelei ma aoao ai mea semanu ou te le iloa. Ou te iloa o loo i ai se avanoa sili atu o le a mafaufau ai tagata ia te au pe a i ai ni tulaga e avanoa ona o ni mafuaaga se lua: muamua, o au o se tagata faigaluega lelei, ma le lona lua, ua latou iloa au ma faatuatuaina au.
“Ua ou iloa foi e finagalo le Tama Faalelagi ia ou manuia ma mafai ona tuputupu a’e. Sa Ia faamanuiaina a’u i lenei galuega, ma ua ou iloa e mafai ona Ia fesoasoani mai ia te au a’o ou galue ma taumafai ia tuputupu ae.”
Toe foi i le itulau 179.