Aoao—Taimi Aofai: 45 Minute

Faitau:O se sailiga galuega faamanuiaina e mulimuli i le fuafaatatau faigofie lenei:

Faatino i le Faatuatua + Galue Malosi + Galue ma le Poto = Famanuiaina

Afai e mafai ona e faaitiitia le taimi na e faaaluina e sue ai se galuega i le 90 pasene, mata e te fia manao ai? E te mafaia. I le mataupu lenei o le a lu’iina ai oe e mulimuli i le fuafaatatau lenei i se ala o le a matua saoasaoa ai lava lau sailiga galuega.

Sailiga Galuega a Iosia

Faitau:Sa faatalanoaina Iosia mo le galuega i le ABC Marketing. Sa ia manatu na lelei lava ma sa fiafia ona sa ia faata’ita’ia. Ua tatau ona maua mai se tala i lenei vaiaso. Ua fiafia lava o ia i lena avanoa, ae e le o manao o ia e tuu faatasi uma ana fuamoa i lena ato. Atonu na te le mauaina lena galuega. E manaomia ona ia mauaina ni avanoa o galuega lelei i le tele e mafai ai, ina ia mafai ai ona maua vave sana galuega, ae faapefea?

Talanoa:O faapefea ona e pei o Iosia

Faitau:I le tele o itu, o lau sailiga galuega e pei foi o le ala lea. E manaomia ai le tele o se taumafaiga e faia ai mea faigofie o le faailoaina o punaoa ma le faiga o fesootaiga e tau atu ai i avanoa o galuega, faatalanoaga, ma le mauaina o galuega. O le tele o punaoa ma fesootaiga e te faia i lou galue malosi, o le tele foi na o faatalanoaga ma galuega ofo mai e te maua. Peitai, e le lava le galue malosi. E taua foi le galue ma le poto ina ia tele au fesootaiga ma punaoa e avea ai ma avanoa, faatalanoaga, ma galuega e ofo mai.

1. Galue Malosi: 15-10-2

Faitau:E i ai se ala faautauta ua faamaonia o sailiga galuega e ta’ua o le 15-10-2 lea e tele ina faaitiitia ai le taimi e sue ai galuega a tagata mai le 200 aso i le 20 aso! E aofia ai se fuafuaga faigofie mo au taumafaiga mo sailiga galuega i aso taitasi.

Ia faailoa mai ni punaoa fou se 15 i aso uma.
Fai ni fesootaiga se 10 i aso uma.
Ia fai faafesagaiga se lua o na fesootaiga.

Manatua, o se punaoa o soo se punavai lea o faamatalaga po o fesootaiga o le a saofaga i se sailiga galuega faamanuiaina. E mafai ona avea o se tagata, nofoaga, po o se mea.

O se fesootaiga o soo se fesootaiga faalegaluega ma se punaoa. E mafai ona o se talanoaga faafesagai ma se tagata, se telefoni, auina atu o se imeli, auina atu o se talosaga po o sou faamatalaga otooto, po o le auina atu o se faamanatu toe tulitatao. O le tele o lou fesootai atu o oe lava ia i au fesootaiga, o le vave foi lea e te maua ai se galuega, o le mafuaaga lea e te manao ai e faia ia le itiiti ifo ma le lua fesootaiga faafesagai i aso uma.

O le faiga 15-10-2 o le a matuai faapuupuu ai le taimi e te sue ai se galuega. O le 15-10-2 atonu e le mafai mo tagata ma, o le mea lea ia fetuunai i ou tulaga. Mo nisi, o le auala 10-18-2 po o se 7-7-2 atonu o le mea lea e mafai i o latou taimi. O le uiga ia tuu i ai le tele o le galuega e te mafai ona fai i lau sailiga galuega. O le tele o punaoa ma fesootaiga e te tuu i lou alaui, o le tele foi na o avanoa, faatalanoaga ma galuega ofo mai e te maua.

Mafaufau loloto:Mata e faape’i le maua vave o se galuega? O le a se malosi o e naunau ai e te galue e sue se galuega?

2. Galue ma le Poto

Faitau:E ui ina tatau ai, o le na o le galue malosi lava ia, e le televave ai lau sailiga galuega. E tatau foi ona e galue ma le poto.

O sue galuega lelei e galulue malosi e ala i le tulimata’ia o ni avanoa faigaluega se tele i se taimi. Latou te galulue ma le poto e ala i le faailoaina ma faafesootai tuusao ia tagata o e mafai ona fesoasoani ia i latou ia maua na galuega. Latou te galulue foi ma le poto e ala i le fetuunai o a latou meafaigaluega mo sailiga galuega o se O Au i le 30 Sekone ma faamatalaga otooto, mo galuega taitasi.

Manatua, e te maua mai i lau sailiga galuega le mea e tuu i totonu.

Gaoioiga _{(7 minute)}

Tatou tilotilo i se faataitaiga o le ala na tulimata’ia ai e Iosia se avanoa na mafai ona maua i lona galue malosi ma le poto.

Laasaga 1: O loo i ai se siata i le isi itulau. A o e matamata i le vitio, tusi i lalo le tele o punaoa a Iosia e te mafaia, fesootaiga, ma fesootaiga faafesagai.

Laasaga 2: Matamata le “JoshWorks Smart”o loo maua i le srs.lds.org/videos. (A e a pe a le maua le vitio? Faitau le itulau e 162.)

Punaoa (Tagata, nofoaga, po o mea)	Fesootaiga (Fesootaiga Faalegaluega)	Fesootaiga Faafesagai

Laasaga 3: Faatusatusa mea sa e tusia ma le siata o i le itulau 164 e iloa ai pe fia punaoa, fesootaiga, ma fesootaiga faafesagai na faia e Iosia.

Talanoa:

Na faapefea e Iosia ona galue ma le poto?
O le a le umi e te manatu o le a maua ai e Iosia se galuega i lea faiga?

Faitau:O le galue malosi, sa mafai ai e Iosia ona faatelevave lana sailiga galuega, faamanuiaina, ma ausia le sini o le 15-10-2 i aso taitasi. A o e galue i lau sailiga galuega, matau pe faapefea e le galue ma le poto ona taitai atu ai lava i le ausiaina o le 15-10-2.

Gaoioiga_{(7 minute)}

Tatou faatelevaveina lau sailiga galuega.Paga ma lau soa galue. Faaaoga le faamatalaga o le galuega na e sau ma oe, pe mafaufau e uiga i le galuega e te manao ai.Galulue faatasi, faia se fuafuaga e tulimatai ai lena galuega.

1.Punaoa O a ni punaoa e mafai ona ou tulimata’ia?	2. Fesootaiga E mafai faapefea ona ou faafesootaia na punaoa?	3. Fesootaiga Faafesagai O fea o a’u fesootaiga e mafai ona faafesagai?

Talanoa:Faasoa atu lau fuafuaga pe faapefea ona e galue ma le poto.

Faitau:O le galue ma le poto e sili ona lelei nai lo le na o le galue malosi. Ia teu i lou mafaufau tusa lava foi pe e te galue ma le poto, o nisi taimi e le aoga. E i ai taimi, e le tau au taumafaiga i ni taunuuga lelei. Ia tumau pea le galue malosi ma le poto, ma ia faatuatua. E silafia e le Alii mea o e feagai ai ma o le a faamanuiaina oe.

Talanoa:O le a se mea e mafai ona e faia e tumau ai lou galue malosi pea ma le poto, tusa pe faigata lau sailiga galuega?

Faaiuga

Maimoa:“Rafael: Job in 6 Days!” o loo maua i le srs.lds.org/videos. (Leai se vitio? Faitau le itulau 165.)

Talanoa:O a ni mea aupito taua sa e aoaoina mai lenei mataupu?

Faitau:O se sailiga galuega faamanuiaina e mulimuli i le fuafaatatau faigofie lenei:

Faatino i le Faatuatua + Galue Malosi + Galue ma le Poto = Faamanuiaina

Afai e mafai ona e faaitiitia le taimi e alu i le salia o se galuega, galue malosi ma galue ma le poto. Na fetalai le Alii, “E tatau i tagata ona auai ma le naunautai i se faamoemoega lelei, ma fai mea e tele i lo latou lava loto malie. Aua ua i totonu ia te i latou le mana, lea ua latou pule ai ia te i latou lava.” Ma o mai faatasi lenei poloaiga ma se folafolaga: “O le a lava o le tulaga e oo i ai le faiga e tagata o mea lelei, o le a leai lava se ala o le a aveesea ai lo latou taui” (MF&F 58:27–28). Faatumu lau alaui i ni punaoa lelei ma fesootaiga e te mafaia, ona faamanuiaina lea o oe.