Aoao—Taimi Aofai: 45 Minute

apefai

Gaoioiga _{(5 minute)}

Tulai mai tagata uma. Talanoa ia le itiiti ifo ma le toatolu tagata o le vaega, ma fefaasoaai le tasi ma le isi se aafiaga na e ta’u atu ai i se tasi o loo sue sau galuega pe sa e alu ai foi e vaai se falefaigaluega e ono maua ai se galuega. O a ni taunuuga na i ai?

Talanoa:O le a se mea na e aoaoina mai i aafiaga o le tasi ma le isi?

Faitau:O se sailiga galuega faamanuiaina e mulimuli i le fuafaatatau faigofie lenei:

Faatino i le Faatuatua + Galue Malosi + Galue ma le Poto = Faamanuiaina

I le mataupu talu ai, sa e aoao ai e uiga i le faatuatua ma le galue malosi. I le mataupu lenei, o le a tatou amata aoao ai i tomai e galulue ma le poto. O le a tatou amata i le upega fesootai.

Sailiga Galuega a Iosia

Faitau:Sa sueina e Iosia ana faamatalaga uma e ono maua ai se galuega i le upega tafailagi po o ofisa o galuega. Peitai, sa toetoe lava ina le faamanuiaina, ma o le tele lava foi o taimi na te le maua mai ai se tala. Sa faatalitonuina o ia e i ai se auala sili atu e maua ai se galuega. Sa faalogo o ia i mea e pei o upega fesootai ae sa lei mautinoa e ia po o le a lena mea ae pe faapefea foi ona amata.

Talanoa:O faapefea ona fesootai ou aafiaga tau sailiga galuega i le mea o i ai Iosia?

1. Pe Faapefea ona Maua Moni Galuega a Tagata

Faitau:O le a vave ona e maua se galuega pe afai e te autilotilo i auala e sili ona lelei.

Maimoa:“How Jobs Are Really Filled,” o loo maua i le srs.lds.org/videos. (A e a pe a le maua le vitio? Faitau le itulau 35.)

aikona o le vitio

Faitau:“Faatusatusa kalafi nei e lua.

siata pai o le sailia o galuega

Talanoa:O le a le mea o le a sui i lau sailiga galuega pe a e faia atili upega fesootai?

2. Talanoa i Tagata Uma

Faitau:O le upega fesootai o le auala sili e sue ai se galuega. Upega fesootai o lona uiga o le talanoa i tagata o e mafai ona fesoasoani ia te oe e sue ia tagata ma faalapotopotoga e manaomia ou tomai. Talanoa i tagata uma e uiga i le sailia o se galuega. O le a fesoasoani tagata ia te oe. Na aoao mai Peresitene Spencer W. Kimball: “E silafia i tatou uma e le Atua, ma na te leoleoina i tatou. Ae e masani lava e auala mai i le isi tagata na te faafetaiaia ai o tatou manaoga” (“Small Acts of Service,” Ensign, Dec. 1974, 5).

O nisi taimi e manaomia ona e faia upega fesootai i ni atufola se tele e sue ai le tagata e maua ai faamatalaga e te manaomia. O upega fesootai e ala i ni atufola o lona uiga o le fesili i tagata e avatu ia te oe igoa o isi tagata atonu e maua ai ni faamatalaga e mafai ona fesoasoani ia te oe. E mafai ona e faia upega fesootai i lou faafesagai ma tagata, i le telefoni, po o le imeli. E mafai foi ona e faaaogaina uepisaite faapolofesa ma faaagafesootai.

ata tosi o fesootaiga

Gaoioiga _{(2 minute)}

O se tauvaga lenei! Po o ai lava e sili ona toatele ana fesootaiga e ono maua ai faamatalaga e malo.

Laasaga 1: Seti se taimi mo le 60 sekone. A fai mai le tautai e amata, ia tofu tusi e outou taitoatasi le tele o falefaigaluega e mafai ona e mafaufau i ai. Faaaoga le lisi o fesootaiga i lau telefoni, o au sootaga o faasalalauga faaagafesootai, le initoneti, ma isi.

Sauni, seti, amata!

Fesootaiga Faamoemoeina

Laasaga 2: Faitau au lisi. O ai na sili ona tele? O ia lena ua manumalo!

Motugaafa:O tagata taitasi ma pisinisi sa faatoa e tusia i lalo, e faitaulia i lau sini o aso taitasi o punaoa ua faailoa mai.

Talanoa:

• O le a se mea e mafai ona tupu pe afai e te talanoa i tagata taitoatasi nei ma pisinisi e uiga i le ituaiga galuega o loo e sailia?

• Ae faapefea pe afai e te talanoa i isi tagata uma e te iloa?

O A’u i le 30 Sekone

Faitau:O le upega fesootai ma isi e sili ona aoga pe afai e te iloaina le tala e fai atu ai. O A’u i le 30 Sekone, o se meafaigaluega sili mo le faafesootaia o tagata po o pisinisi. E fesoasoani ai i tagata ia malamalama pe o le a le ituaiga galuega o loo e sailia ma pe mafai faapefea ona latou fesoasoani. E mulimuli i laasaga nei e fa.

O A’u i le 30 Sekone

Motugaafa:O Fesili e Ono Fai i le O A’u i le 30 Sekone

• O ai e te fautuaina mai ou te talanoa i ai?

• O a avanoa e te silafia mo se tagata e pei o au?

• O le a le mea e te iloa?” (kamupani, galuega)?

• O a pisinisi e i ai i le eria o loo sue ni (tagata faigaluega faapea po o ni tulaga)?

• O ai e te iloaina o loo faia le mea lea ou te faia?

Sailiga Galuega a Iosia

Faitau:O le ala lenei na faaaoga ai e Iosia lana O A’u i le 30 Sekone e upega fesootai ai ma lona uncle o Tavita. Matau le faatinoga o vaega e fa.

“Uncle Tavita, o si ou tei o ➀ Iosia. O a mai oe? O e avanoa mo sina minute?Atonu e te le o silafia lenei mea ae ➁ o loo sue sa’u galuega fou o se lagolago faakomepiuta. ➂ E lua tausaga o lo’u poto masani ma e tele o’u tusi faamaonia o loo i ai. O le kamupani mulimuli na ou faigaluega ai, sa filifilia au o se enisinia pito i maualuga le tautua ona o lo’u magafagafa. Ou te lelei i le mea o loo ou faia ma ou te fiafia lava i ai.➃ O ai e te silafia e mafai ona ou faafesootaia e uiga i ni avanoa?

Gaoioiga (5-8 minute)

Nei la o le a e fatuina lau lava O A’u i le 30 Sekone ma faataitai.

Laasaga 1: Ia taitasi le tagata ma tusi ia vaega e fa o lau O A’u i le 30 Sekone i avanoa o i lalo ifo:

vaega o le o a’u i le 30 sekone

Laasaga 2: A uma loa ona tusia e tagata taitasi lana O A’u i le 30 Sekone, ona taitasitasi lea ma tutu i luga ma faailoa mai oe lava ma lau faamatalaga o le O A’u i le 30 Sekone. Tofi se tasi e taimia faatomuaga taitasi ina ia e iloa ai po o le a le valatalata i le 30 sekone o e i ai. Patipati ma faamalo atu pe a uma faatomuaga taitasi.

Faitau:I le mataupu talu ai, sa tatou aoao ai e uiga i fesootaiga. Manatua, o se fesootaiga o soo se fesootaiga faalegaluega ma se punaoa. E lei foafoaina tutusa le fesootaiga uma. O le tele o lou faapatinoina o au fesootaiga, o le tele foi lena o le aoga ma lelei o le a i ai. O le talanoa faafesagai ma se tasi e sili atu ona lelei nai lo se imeli po o se tesi. Ia le itiiti ifo ma le toalua au fesootaiga i aso taitasi e faafesaga’i. O le mafuaaga lena e mafai ai ona mamana le “O A’u i le 30 Sekone”.

O lau O A’u i le 30 Sekone o se tasi o tomai o le sailiga galuega e mafai ai e oe ona e galue ma le poto. E te iloa e lelei lau O A’u i le 30 Sekone pe a tata’i atu ai pea lava pea i le fesoasoani e te manaomia. Faataitai soo lau O A’u i le 30 Sekone” ma ia maua mai ni manatu faaalia. Tatou amata nei loa!

Gaoioiga _{(5 minute)}

Laasaga 1: Tutulai tagata uma ma vaelua i ni laina se lua e faafesagai.

Laasaga 2: Faasoa atu lau O A’u i le 30 Sekone i le tagata lena lua te fesagai.

Laasaga 3: Ia vave ona tuu atu e le tasi i le isi ni manatu faaalia:

• Na faasoa atu e lau soa le ituaiga galuega o loo ia sailia?

• Na faasoa atu e lau soa pe aisea e lelei ai i lena galuega?

• Na fesili atu lau soa mo se fesoasoani? Na faapefea?

• Pe na latalata i le 30 sekone?

Laasaga 4: Ona aveese lea o se tagata e toatasi mai le laina e tasi. Faasolo mai le tagata o i le faaiuga i le amataga o le laina. O le isi laina aua nei minoi. Toe fai laasaga 1--3 seia uma ona faasoa mai le O A’u i le 30 Sekone i tagata uma ma maua mai ni manatu faaalia.

atatusi o le faamatalaga malosi

Talanoa:E avea faapefea le upega fesootai ma lau O A’u i le 30 Sekone o se faatinoga o le faatuatua?

Gaoioiga _{(5 minute)}

Laasaga 1: Ia tofu outou taitoatasi ma piki mai se tagata mai lau lisi o fesootaiga faamoemoeina itulau 28 ma valaau atu ia te ia. Faasoa atu lau O A’u i le 30 Sekone ma vaai po o le a le mea e tupu.

Laasaga 2: Toe o mai faatasi o se vaega ma faasoa mai o outou aafiaga.

Faaiuga

Maimoa:“Basketball Got Me a Job,” o loo maua i le srs.lds.org/videos. (A e a pe a le maua le vitio? Faitau le itulau 36.)

aikona o le vitio

Talanoa:O a ni mea aupito taua sa e aoaoina mai lenei mataupu?

Faitau:O se sailiga galuega faamanuiaina e mulimuli i le fuafaatatau faigofie lenei:

Faatino i le Faatuatua + Galue Malosi + Galue ma le Poto = Faamanuiaina

O le upega fesootai e manaomia ai le faatuatua ma le galue malosi. O le upegafesootai o se ala e sili atu le poto e sue ai se galuega, ma o lea ua i ai nei lau meafaigaluega, o le O A’u i le 30 Sekone, e fesoasoani ia te oe e amata. Ua folafola mai le Alii, “Tatala o oulua gutu ma o le a faatutumuina” (MF&F 33:8). Ia alu loa ma fai le upegafesootai o se vaega o lau sailiga galuega i aso taitasi.

Mo nisi manatu mo upegafesootai maotua, faitau e oe lava ia itulau 197–202 i le faaopoopoga i le vaiaso lenei.