Filifilia o Feiloaiga

E ui o lenei kosi o se tautinoga e 12-vaiaso, ae e fetuutuunai lava au filifiliga mo fonotaga. E tele vaega e filifili e galulue i mataupu e 10 o le Saili se Galuega e Sili Atu i totonu o vaiaso muamua e lua ina ia mafai ona latou amata faataitaia ma faaaoga na tomai e amata galulue ai loa ia latou sailiga galuega.

O le taimi lava tou te faamaeaina ai mataupu uma i le Saili se Galuega e Sili Atu ia faaauau pea ona fono ia le itiiti ifo ma le tai vaiaso mo le taimi o totoe o le 12 vaiaso. O nei fonotaga e pe a ma le itula, ma o le a tou faaaogaina ai le vaega “Faamaai Ou Tomai” e lipoti atu ai e uiga i au tautinoga, suesue le vaega O Lo’u Faavae, faataitai ou tomai, ma fai tautinoga faalevaiaso.

O nisi nei o nai faamanuiaga na iloa e isi vaega e lelei. E mafai ona e faaaogaina nei fautuaga pe aumai foi ni a outou lava filifiliga mo tou fonotaga. O ni faataitaiga o lisi o mea e fai [i fonotaga] o loo i le itulau 7.

Filifiliga 1:Ia fono mo le 8–9 itula mo le fonotaga muamua e faauma ai mataupu uma. Ona fono tai vaiaso lea mo le tusa ma se itula mo le 11 vaiaso o loo totoe.

Filifiliga 2:Ia fono faalua mo le tai 4-5 itula i totonu o le lua vaiaso muamua e faauma ai mataupu uma. Ona fono tai vaiaso lea mo le tusa ma se itula mo le 10 vaiaso o loo totoe.

Filifiliga 3:Ia fono faafa mo le tai 2-3 itula i totonu o le lua vaiaso muamua e faauma ai mataupu uma. Ona fono tai vaiaso lea mo le tusa ma se itula mo le 10 vaiaso o loo totoe.

Filifiliga 4:Ia fono tai vaiaso mo le tai 2 itula i vaiaso taitasi, e tai tasi mataupu e fai i le vaiaso. O le a alu ai le 10 vaiaso e faauma ai mataupu uma. Ia fono tai vaiaso mo le tusa ma se itula mo le 2 vaiaso o loo totoe.