Punaoa

Sa Manuia Emi i Lana Faatalanoaga

Tatou faitau i le ala na fesoasoani ai sauniuniga a Amy ia te ia e maua se faatalanoaga lelei tele.

“Ina ua uma lo’u faailoga tikeri, sa ou manatu o le a vave ona maua sa’u galuega. Sa ou sese. E lei uma lelei la’u aoga. Sa tatau ona ou aoao pe faapefea ona sue se galuega. O lea sa ou alu ai ma galue ai—sa ou aoaoina le faiga o le upegafesootai. Sa ou aoaoina le ala e fai ai lo’u faamatalaga otooto ia talafeauga lelei ma nofoaga sa ou talosaga i ai. Ma sa tatau ona ou faata’ita’ia o’u tomai mo faatalanoaga. O faatalanoaga sa ou atuatuvale ai lava i taimi uma, ma a ou atuatuvale, e tauto’ai la’u tautala ma gase lo’u faiai. O lea sa ou manao ai e tapena i le mea sili ou te mafaia. Sa faasino au e se uo i le lotu i se pule o se falefaigaluega i le lotoifale. Sa valaau mai le pule ia te au ma seti se faatalanoaga. Sa ou manava tele i totonu ma faataitai a’u tali i fesili taitasi i le tele o taimi agai i le faaata ma uo e faaaoga ai le O A’u i le 30 Sekone, faamatalaga malosi, ma le liliu o mea le lelei i mea lelei. Sa ou tatalo foi mo se lagona mautinoa ma se fesoasoani mai lo’u Tama Faalelagi.

“Ina ua oo mai le aso o la’u faatalanoaga, sa ou gatete pea lava, ae sa ou lagonaina ua ou saunia. Sa fai o’u lavalava e sili teisi atu i lo laei masani faigaluega ma sa ou taunuu i le fitu minute na vave ai. Sa faatalanoaina au e se ‘vaega o pule. Sa ou amataina la’u faatalanoaga i le O A’u i le 30 Sekone, ma sa agaigai atu ai mai iina. Sa ou faataitaia toetoe o fesili uma sa latou fesili mai ai ia te au. Tusa lava foi pe latou te fai mai se fesili ou te lei faata’ita’ia, e i ai lava sa’u tala e fai atu aua ua ou masani lelei i tomai mo faatalanoaga. Sa foliga mai le faatalanoaga o se talatalanoaga, ma sa ou iloaina sa fesoasoani mai le Tama Faalelagi ia te au. Ina ua uma le faatalanoaga, sa ou iloa sa lelei la’u faatinoga. I nai aso mulimuli ane, sa ofoina mai le galuega ia te au. Ou te iloa o le saunia lelei ma le lototatalo sa fesoasoani ia te au e faamanuiaina ai la’u faatalanoaga mo se galuega.”

Toe foi i le itulau 123.