Aoao—Taimi Aofai: 45 Minute

Faitau:O se sailiga galuega faamanuiaina e mulimuli i le fuafaatatau faigofie lenei:

Faatino i le Faatuatua + Galue Malosi + Galue ma le Poto = Faamanuiaina

I le mataupu lenei, o le a e aoaoina ai se tomai o sailiga galuega e tatau ai: o le ala e fatu ai ni faamatalaga otooto sili, tusi apalai, ma tusi talosaga. A mafai ona e avatu ni anomea tusitusia, ua e galue ma le poto.

Sailiga Galuega a Iosia

Faitau:Na faia e Iosia se taumafaiga lelei e faafesootai tagata ma faafetaui ona tomai i manaoga o le falefaigaluega. Ae o lea ua fesili atu Julie i le ABC Marketing mo sona faamatalaga otooto. O lona faamatalaga otooto ma le tusi apalai lea sa masani ona faaaoga e Iosia atonu ua le lava lona lelei, talu ai sa lei maua ai ni faatalanoga se tele muamua. Sa manao Iosia ia tele ni ana anomea tusitusia lelei e fesoasoani ia te ia e tu matilatila ai o se filifiliga manino, ae faapefea? Pe mafai ona ia faaaogaina se mea e pei o faamatalaga malosi? Ae faapefea foi ona e faia ni faamatalaga otooto ma tusi apalai e foliga lelei moni?

Talanoa: O faapefea ona e pei o Iosia?

Faitau:Anomea tusitusia---e pei o faamatalaga otooto, tusi apalai, ma tusi talosaga---o se vaega e tatau ai mo soo se sailiga galuega faamanuiaina. O le a e manao e faia se uunaiga lelei tele i tusitusiga e pei ona e faia faafesagai. O ou faamatalaga otooto, tusi apalai, ma tusi talosaga taitasi e tatau ona tusia i le galuega patino o loo e talosagaina. O le a e iloaina ua i ai au anomea tusitusia lelei pe a e maua pea ni faatalanoaga.

O mea e lauiloa i anomea tusitusia e fesuisuiai, ma e tele auala sa’o e fatuina ai. O le mataupu lenei o loo tolaulau mai ai faamatalaga masani ma nisi o faataitaiga. E tele isi faamatalaga ma faataitaiga i itulau 203-13 i le faaopoopoga, ia e tatau ona e faitauina e oe lava i le vaiaso lenei. E le gata i lea, saili ni faamatalaga faaopoopo ma punaoa e oe lava ia.

Motugaafa:E faitaulia uma uepisaite fesoasoani, o tala, po o faataitaiga o faamatalaga otooto o ni punaoa.

1. Mataupu Faavae Faigofie e Tolu

Faitau:O anomea tusitusia e lelei e mulimuli i mataupu faavae faigofie e tolu:

Talanoa: Aisea e taua ai nei mataupu faavae e tolu i faamatalaga otooto, tusi apalai, po o tusi talosaga?

2. Faamatalaga Otooto

Faitau:O se faamatalaga otooto o se pepa o faamaumauga tusitusia e aotele ai ou tomai, o gafatia, ma ausiaga. E pei o se faasalalauga faatopetope o oe lava ia.

Gaoioiga _{(5 minute)}

O faamatalaga otooto ia o Iosia ma se faamatalaga otooto ua tele lona faaleleia na ia saunia mo le tulaga o le laulau fesoasoani i le ABC Marketing.

I le avea ai ma se vaega, ia faaalu se lima minute e toe iloilo ai ma faatusatusa ia faamatalaga otooto. Talanoaina pe na faapefea ona faaaoga e Iosia ia mataupu faavae e tolu o le faatosinaina, talafeauga, ma ausiaga e faaleleia ai lona faamatalaga otooto.

Talaaga Tuai

2. Faamatalaga Otooto Ua Faaleleia

Faitau:O le tele o faamatalaga otooto e aofia ai ituaiga e tolu o faamatalaga: aotelega, poto masani, ma le a’otauina ma aoaoga.

O le aotelega o faamatalaga e pei o se faatomuaga ma e masani ona i le pito i luga o le faamatalaga otooto. E aofia ai lou igoa, faamatalaga faafesootai, ma se aotelega faavavevave o ou tomai talafeauga ma poto masani. E tele ina siakiina e se falefaigaluega le vaega lea o lou faamatalaga otooto i le na o le tolu i le lima sekone ma filifili ai pe faitau pea pe faamuta.

Ua mafai ona e vaai atu sa faaaogaina e Iosia le mea ua ta’ua o se faaulutala po o se faaupuga tamua (Inisinia Poto Masani mo le Laulau Fesoasoani) ina ia vave iloa ai e le falefaigaluega lona tagata o se polofesa. Ona ia tatao atu ai lea i upu ma tomai autu mai le faamatalaga o le galuega e pu’e mai ai le gauai a le falefaigaluega.

Gaoioiga _{(3 minute)}

Vaavaai i le faamatalaga o le galuega na e sau ma oe, pe mafaufau e uiga i le galuega e te manao ai. Faata’ita’i vaega tusitusia o le aotelega o au faamatalaga.

Laasaga 1: I le avanoa o i lalo, tusi ai se faaupuga tamua o lou faamatalaga otooto.

Faaupuga Tamua:

Laasaga 2: Tusi se lisi o ou tomai e mafai ona e faaaofia ai i le aotelega o au faamatalaga.

Tomai 1:

Tomai 2:

Tomai 3:

Tomai 4:

Faitau:O faamatalaga o le poto masani e aofia ai mea e pei o le talaaga faalegaluega ma e tatau ona aofia ai ni ausiaga e fesootai ma manaoga o le falefaigaluega. O ausiaga e pei o faamatalaga malosi, ae i se faamatalaga otooto e tatau ona aofia ai ni ausiaga e fesootai ma manaoga o le falefaigaluega ia tuu le taunuuga i le amataga o le faamatalaga ina ia tu matilatila mai ai. Feauauai e faitau i faamatalaga i lalo o le “Poto Masani Faapolofesa” o i le faamatalaga otooto a Iosia e vaai ai pe na faapefea ona ia tusi e uiga i ana ausiaga.

Gaoioiga _{(5 minute)}

Vaavaai i le faamatalaga o le galuega na e sau ma oe, pe mafaufau e uiga i le galuega e te manao ai. Ia taitasi outou ma faaaoga le tolu minute e tusi ai ni ausiaga se lua mo lou faamatalaga otooto, e pei ona sa tusia ai e Iosia lana. Ona feauauai lea e faasoa atu i lau vaega.

1.

2.

Faitau:O faamatalaga o le a’otauina ma aoaoga e fesoasoani i se falefaigaluega e malamalama ai i ou agavaa mo le galuega. E mafai ona aofia ai faailoga tikeri, tusipasi, vasega patino, ma isi. Ia mautinoa o mea e te faaaofia ai e talafeauga, ia amata i faamatalaga e sili ona faagaeetia.

O le ala lea na faaaofia ai e Iosia faamatalaga lona a’otauina ma aoaoga.

3: Tusi Apalai

Faitau:E masani ona ave faatasi se tusi e momoli ai lou faamatalaga otooto. E galue o se faatomuaga ma e ao ona faamalosiauina ai le falefaigaluega ina ia faitauina lou faamatalaga otooto. O le tusi e momoli ai e mafai ona fesoasoani ia malamalama ai le kamupani i le mafuaaga ua e fiafia ai i le avanoa ma pe aisea ua e manatu ai o le a atamai le kamupani pe a faafaigaluega oe.

O ni tusi lelei e momoli ai e tatala i se faamatalaga malosi e pu’e vave mai ai le naunau o le e faitauina.

Gaoioiga _{(5 minute)}

O tusi muamua ia a Iosia e momoli ai, ma se tusi e momoli ai ua matua faaleleia lava lea na ia saunia mo le galuega i le laulau fesoasoani i le ABC Marketing.

I le avea ai ma se vaega, ia faaalu se lima minute e toe iloilo ai ma faatusatusa ia tusi apalai. Talanoaina pe na faapefea ona faaaoga e Iosia ia mataupu faavae e tolu o le faatosinaina, talafeauga, ma ausiaga e faaleleia ai lana tusi apalai.

Tusi Apalai Tuai

Tusi Apalai ua Faaleleia

Gaoioiga _{(5 minute)}

Sa tatalaina e Iosia lana tusi apalai i se faamatalaga malosi e pu’e vave mai ai le naunau o le e faitauina. E tatau foi ona e faia le mea lava lea.

Vaavaai i le faamatalaga o le galuega na e sau ma oe, pe mafaufau e uiga i le galuega e te manao ai. Tusi e le tagata lava ia se faamatalaga malosi e tatala lelei ai lau tusi apalai. Ona faasoa atu lea i lau soa galue.

4. Tusi Talosaga

Faitau:O tusi talosaga e masani ona faaaoga e pisinisi o se vaega o la latou faagasologa o le sue mai o tagata faigaluega. E masani ona latou fesili mo ou faamatalaga masani e faafesootai ai, a’oga, ma le talaaga faalegaluega. E tele tusi talosaga e auina atu faaeletonika ma e alu se taimi e faamaea ai. O le na ona faatumuina o le tusi talosaga e mafai ona avea o se vaega o le faagasologa o le siakina a le falefaigaluega.

O tusi talosaga lelei e mulimuli i mataupu faavae o le faatosinaina, talafeauga, ma ausiaga e ala i le leai o ni mea sese, fesootai ma le galuega, ma le faamatalaina o ou poto masani e faaaoaga ai faamatalaga malosi.

Faaiuga

Maimoa:“Better Written Materials,” o loo maua i le srs.lds.org/videos. (A e a pe a le maua le vitio? Faitau le itulau 92.)

Talanoa: O a ni mea aupito taua sa e aoaoina mai lenei mataupu?

Faitau:O le tusia o faamatalaga otooto sili, o tusi e momoli ai, ma tusi talosaga o se tomai o le sailiga galuega e fesoasaoni ia te oe e galue ai ma le poto.

Faatino i le Faatuatua + Galue Malosi + Galue ma le Poto = Faamanuiaina

O le lelei o lou tusiaina, o le tele foi lena o le faamanuiaina o le a e maua. Tatalo mo le fesoasoani a le Tama Faalelagi, ona faaaoga lea. Tulitatao faamatalaga otooto uma ma tusi talosaga e te auina atu. O lea faiga e faaalia ai lou faatuatua. A e faia lenei mea, o le a e iloa ai ua oo ina faigofie le tusia o faamatalaga otooto ma o le a tele foi ou faatalanoaga.