Ola Tutoatasi
Punaoa

Punaoa

Faataitai Faatalanoaga Faataitai

Filifili ia matafaioi ma faatino le talanoaga lenei. E faalagolago i le toatele o le vaega, atonu e tele ni matafaioi e te faatinoina.

  • Faamatala

  • Tagata e Faatautaia

  • Tavita (Faifaatalanoaga)

  • Jennifer (Tagata sue galuega)

  • Sui Vaega 1

  • Sui Vaega 2

  • Sui Vaega 3

Manatu faapea o loo e tilotilo i se vaega o le ola tutoatasi e uiga i le faia o le gaoioiga o le faatalanoaga faataitai.

Tagata e faagaoioia: O lea la ina ia amata a tatou faatalanoaga faataitai, e foliga mai e manaomia ni volenitia se toalua---o le tasi o le faifaatalanoaga, ma le isi o le sue galuega. E i ai se volenitia?

Tavita: O le a ou taumafai e avea ma faifaatalanoaga i le taamilosaga lenei.

Jennifer: O a’u o le sue galuega. Sili a la ona ou muamua.

Tagata e faagaoioia: Lelei tele! Ae e te lei sau i luma, Jennifer, e mafai lava ona e faamatala faatopetope mai le galuega lena e te fia manao ai?

Jennifer: Lelei. Ou te manao lava e avea ma talitupe i se faletupe i le lotoifale.

Tagata e faagaoioia: Faafetai. Ia, faamolemole oulua uma na e o mai i luma e amata le faatalanoaga faataitai. Tavita, manatua na e i ai lau pepa o le talanoaga ma fesili faataitai e te mulimuli ai o oe le faifaatalanoaga.

Alu i le itulau e sosoo ai

Tavita (Faifaatalanoaga): Talofa, Jennifer. O loo ou sagisagi atu i le ta talanoaga. Faamolemole, alaala mai lalo.

Jennifer (sue galuega): Faafetai lava.

Tavita (Faifaatalanoaga: Jennifer, ina ia amata, pe mafai lava faamolemole ona e faamatala maia sina mea itiiti e uiga ia te oe lava?

Jennifer (sue galuega): O le a ou fiafia e faia. Ou te fiafia lava e galulue ma tagata matou te tautuaina. Ua silia ma le ono tausaga lo’u poto masani i le tautuaina o tagata, e aofia ai le tolu i se isi faalapotopotoga o mea tautupe. I tulaga taitasi o na galuega, sa vave lava ona ou atinaeina se uiga tauleleia mo le faatuatuaina ma le sa’o lelei. Mo se faataitaiga, i le Faletupe o le ABC, sa faatonuina ai au e faatino ia suegatusi i aso taitasi ae faatoa tasi le masina talu ona ou faigaluega. E le gata i lea, e i ai lo’u faailoga tikeri tauamata i mea tau tausitusi. Ou te mautinoa e fetaui lelei lo’u poto masani ma tomai i o outou manaoga.

Tavita (Faifaatalanoaga): Faafetai lava. Pe mafai lava ona e faamatala maia se faafitauli na e foiaina?

Jennifer (sue galuega): Ioe. A o avea au o se talitupe i le Faletupe o le ABC, sa ou faatinoina teugatupe o po taitasi, ma sa misi le faitau afe o tala. Sa ou toe faitauina faalua ina ia faamautinoa. E lei faapena lava se tele e le paleni ai a matou tupe teu muamua. Sa ou talanoa atu i isi talitupe ma tulitatao a matou faiga faagasolo e faamaonia ai a latou fefaatauaiga. Sa mafai ona ou mauaina le mea na sese i se tasi o talitupe Sa ma galulue faatasi ma faasa’o vave le mea na sese. O le taunuuga, sa paleni le matou tupe teu ma sa avea o se avanoa e aoao ai le talitupe. Ou te talitonu o le a fesoasoani foi o’u tomai e foia faafitauli i lenei faletupe.

Tavita (Faifaatalanoaga): Faafetai lava. E mafai ona e faamatala maia le mafuaaga na e tuua ai lau galuega talu ai?

Alu i le itulau e sosoo ai

Jennifer (sue galuega): Faafetai mo le fesili. Sa ou fiafia lava i lo’u taimi i le Faletupe o le ABC ma sa maua ai le poto masani taua iina. Talu ai ua ou sii mai i le eria lenei e saga tulimatai ai le a’otauina o au. O le taunuuga, ua tatau ona tuua la’u galuega. Peitai, sa ou fiafia lava i le iloa ai o loo i ai se avanoa e mafai ai ona ou toe faaaogaina o’u tomai ma le poto masani. Ua ou fuafua ou te nofo ai iinei mo ni nai tausaga. Pe ua tali ai lau fesili?

Tavita (faifaatalanoaga): Ioe. Faafetai. Jennifer, o i ai sau fesili mo au?

Jennifer (sue galuega): E i ai. E mafai ona e faamatala maia po o a foliga o se aso masani i lea tulaga?

Tavita (faifaatalanoaga): Ioe. O le tele o lou taimi o le a faaalu i fegalegaleaiga ma tagata e o mai. E tele tagata e o mai i le faletupe i aso taitasi faapea foi i latou o e faaaogaina le tautua faasavali [drive thru]. O le a e fesoasoani foi e faalauiloa oloa tautupe, e pei o teugatupe faasiaki po o nonogatupe. Sa e ta’ua le faapaleniina o tupeteu, o se tasi lena o tiute i aso taitasi.

Jennifer (sue galuega): Faafetai lava. O le galulue ai ma tagata e o mai o se tasi o mea ou te fiafia lava i ai i lo’u tulaga talu ai.

Tavita (faifaatalanoaga): Lelei tele. E i ai nisi fesili?

Jennifer (sue galuega): E leai. Faafetai mo le avanoa ta te talatalanoa ai. O le a ou faatalitali mai mo se tala.

Tavita (faifaatalanoaga). Sa ou fiafia lava foi i le ta talanoaga. O le a tatou fesootai pea. Faafetai.

Faamatalaupu: Sa taufai mapuea Tavita ma Jennifer o se faailoga ua mapu ma sa faliu ma soisoi atu i isi o le vaega. Ua patipati atu le vaega mo i la’ua

Jennifer: Ia, outou uma, na faapefea la’u faatinoga?

Alu i le itulau e sosoo ai

Sui Vaega 1: Jennifer, sa ou manatu e tele mea na sa’o ona e fai. Mo se faataitaiga, ina ua fesili atu Tavita e faamatala atu ia te ia e uiga ia te oe lava, sa e manuia lava i se O A’u i le 30 Sekone lelei. Sa fesootai i le galuega, e le i umi pe puupuu tele foi, ma sa e momono atu foi i ai ma se faataitaiga puupuu iina e faalautele ai le onomea. Manaia tele!

Jennifer: Oka, ou te masalo na ou faia le mea lena! Faafetai. O le a ma se isi mea?

Sui Vaega 2: Sa ou fiafia na e faaaogaina se faamatalaga malosi e tali ai le fesili a Tavita e uiga i le foiaina o se faafitauli. Sa e faasoaina se faataitaiga o le foia o se teugatupe. Ou te le iloa pe na i ai nisi faataitaiga o ni faafitauli matuia atu atonu na e foiaina. Pe o le teugatupe o se faafitauli masani?

Jennifer: E sa’o oe. Sa fesootai sa’o lava ma manaoga o le faletupe, ae o faafitauli o tupeteu o se mea masani lava. O le a ou galue i se faamatalaga malosi e fesootai ma se faafitauli matuia, talu ai ou te ono toe vaai foi i lena fesili. Manaia tele. O a isi manatu e fia faaalia mai?

Sui Vaega 3: Manaia lou liliuina o se mea le lelei i se mea lelei e uiga i le tuua o le galuega talu ai. Ou te masalo semanu e popole foi le falefaigaluega ne’i e faatalitali atu foi ia i latou. Sa e ta’u atu ia i latou sa e fuafua e te nofo ai iina mo ni nai tausaga. Ou te manatu na fesoaoani foi lena ia i latou e maua atili ai lo latou mafanafana.

Jennifer: Faafetai.

Tavita: Sa ou matauina se mea atonu e te manao e galue ai.

Jennifer: Oi, ia lelei. O le a lea mea taua?

Alu i le itulau e sosoo ai

Tavita: I le faaiuga o le faatalanoaga, ina ua ou fesili atu pe i ai sau fesili, sa manaia lava lau fesili muamua. Peitai, sa ou matauina e te lei fesili mai pe faapefefa ona tulitatao pe fesili foi pe faapefea ae pe o afea e fai ai e le kamupani se faaiuga. Ou te manatua o se fautuaga lena mai le faamaeaina lelei o le faatalanoaga---e tatau ona tatou taumafai e fika pe mafai faapefea ona taulitatao. E pei e tuua ai se vaega o lena mea i la tatou faafoega, nai lo le na ona faatalitali sei maua atu se tala.

Jennifer: E sao oe! Sa ou matuai fiafia aua sa ou manatua e fesili atu soo se fesili sa matua galo ma’ia ia te au. E tatau lava ona ou saga faata’ita’ia pea. E i ai se isi mea?

Sui Vaega 1: Aua nei galo e auina atu ia Tavita se kata faafetai i le taimi lava e uma ai.

Jennifer: O se manatu lelei. Ia, o lo’u avanoa lenei e avea ai o se faifaatalanoaga, ma o le a ou filifilia le tagata e sosoo ai. Olivia, e te manao e sosoo? Ou te folafola atu o le a ou faia faalelei!

Toe foi i le itulau 134.

O Le Tagata Sue Galuega

Manatu faapea o loo e i ai i se faatalanoaga mo le tulaga i le faasalalauga o le galuega na e sau ma oe ananei po o se galuega e te fia manao ai.

  • A o lei amataina le faatalanoaga, faasoa i lau vaega se faamatalaga puupuu o le galuega.

  • Ona faafeiloai lea o oe e le faifaatalanoaga ma amata ai le faatalanoaga.

  • Tali ia fesili a le faifaatalanoaga e faaaoga ai tomai mo faatalanoaga.

  • A uma loa le faataitaiga, fesili mo ni manatu faaalia mai le vaega.

  • A uma ona talanoaina manatu faaalia, liliu i le matafaioi a le faifaatalanoaga ma filifili le isi tagata e faatalanoa.

Mo faatonuga i le auala e faatino ai le faifaatalanoaga, alu i le itulau 144.

Mo faatonuga i le auala e faatino ai manatu faaalia e le vaega, alu i le itulau 145.

Toe foi i le itulau 134.

O Le Faifaatalanoaga

A uma ona faamatala e le sue galuega le galuega i le vaega, mulimuli i le kopi lea o le talanoaga.

  • Faafeiloai le faifaatalanoaga, faatalofa, ma fai i le sue galuega e alaala i lalo. Nofo i lalo. Faafetai atu ia te ia mo le susu mai i le faatalanoaga.

  • Fai le fesili 1: “Faamatala mai sina mea e uiga ia te oe lava.”

  • Fai le fesili 2: (Filifili se fesili mai le lisi o “Fesili Faataitai o Faatalanoaga” o loo i lalo.)

  • Fai le fesili 3: (Filifili se fesili mai le lisi o “Fesili Faataitai o Faatalanoaga” o loo i lalo.)

  • Fai le fesili 4 : “Pe o i ai ni au fesili mo au?” (E mafai ona e fatuina ni tali i fesili a le sue galuega.)

  • Faafetai atu i le sue galuega mo lona taimi. Ta’u atu i le sue galuega o le a toe fesootai atu pe a fai la outou faaiuga.

Faataitaiga o Fesili mo Faatalanoaga

  • Faamatala mai se taimi na oulua feeseesea’i ai ma se supavaisa ma pe na faapefea ona e taulimaina.

  • Faamatala mai se faafitauli faigata sa e foiaina.

  • O a ou malosiaga?

  • O le a se mea silisili faapolofesa na e ausiaina?

  • Faamatala mai se toilalo na e oo i ai i le galuega ma pe o le a se mea na aoao mai ai.

  • O le a le ituaiga supavaisa e sili lo oulua galulue faatasi?

  • O le a se mea e te faamoemoeina mai ia i matou o se falefaigaluega mo oe ina ia faamanuiaina?

  • Aisea e te manao ai i lenei galuega?

  • Aisea e tatau ai ona matou faafaigaluegaina oe?

  • O le a se mea ua faaagavaaina ai oe mo lenei tulaga?

  • O le a lou vaivaiga sili?

  • Aisea na e tuua ai lau galuega talu ai? Pe aisea ua e mafaufau ai e tuua lau galuega o i ai nei?

Mo faatonuga i le auala e faatino ai le sue galuega, alu i le itulau 143.

Mo faatonuga i le auala e faatino ai manatu faaalia e le vaega, tagai i le vaega o i lalo ifo.

Toe foi i le itulau 134.

O Le Vaega e Aumaia Manatu Faaalia

O lau matafaioi o le aumaia o manatu faaalia.

  • Matau le ala e faia ai e le sue galuega. Matau mea e lelei lona faia ma mea e mafai ona ia faaleleia. O uunaiga o manatu faaalia o loo i lalo o le a fesoasoani ia te oe e iloa ai le mea e mataitu.

  • I le faaiuga o le faatalanoaga, o le a fesili atu le sue galuega mo manatu faaalia. Faasoa mea sa e matauina.

Uunaiga o Manatu Faaalia

  • Pe na faia e le tagata se uunaiga lelei muamua e ala i le faatalofa ma faafeiloai atu i le faifaatalanoaga?

  • Na faapefea le gagana i le tino a le sue galuega i le gasologa atoa o le faatalanoaga?

  • Pe na faaaoga e le sue galuega lana O A’u i le 30 Sekone? Pe sa talafeauga i le galuega? Pe sa umi tele pe puupuu tele foi?

  • Pe na faaaoga e le sue galuega ni faamatalaga malosi e tali ai fesili o le faatalanoaga?

  • Pe na i ai se avanoa e te liliu ai se mea le lelei i se mea lelei? Na faapefea le faatinoga a le sue galuega?

  • Pe na fai e le sue galuega ni fesili i le faaiuga?

  • Pe na fuafua e le sue galuega po o a isi laasaga e sosoo ai ma pe faapefea ona tulitatao?

Mo faatonuga i le auala e faatino ai le sue galuega, alu i le itulau 143.

Mo faatonuga i le auala e faatino ai le faifaatalanoaga, alu i le itulau 144.

Toe foi i le itulau 134.

O le Faataitai e Faaatoatoaina ai.

Ua faasoa mai e Enele le ala na fesoasoani ai ia te ia le faata’ita’i na lelei tele ai ana faatalanoaga.

“E faalima taamilosaga sa ou faia o faatalanoaga ia maua ai la’u galuega. E fai lava si mamafa o faatalanoaga taitasi, ae sa ou saunia. E faigofie ona galoma atu le taulai, pe galo foi faamatalaga taua e uiga ia te au lava, ae pei ona ou fai atu, sa ou saunia, ou te masalo na ova a’u tapenaga. O nisi o a’u faatalanoaga sa faia i le telefoni, o isi i le vitio, ma le faatalanoaga faaiu na faia faafesagai. Ina ia saunia mo faatalanoaga taitasi, sa matou faata’ita’ia ma isi. Ou te tuu atu ia i latou fesili sa ou faamoemoeina mai se faifaatalanoaga ona latou fai maia lea o na fesili ia iloa pe faapefea ona ou tali atu. Ina ua oo i le taimi o faatalanoaga moni, sa ou faata’ita’ia toetoe o fesili uma lava. Sa matuai tele se eseesega i lo’u talitonu mautinoa. Sa ou faaaogaina O A’u i le 30 Sekone, faamatalaga malosi, ma isi tomai, ma ou te iloa o mea na na vaetofia ai au. Sa iloa e le kamupani o le a lelei se galuega ou te faia mo i latou aua sa mafai ona ou faaalia mea na faamanuiaina ai au muamua, ma sa lelei la’u faatinoga i lalo o se tulaga mamafatu.

“O se tasi o itu sili ona taua o la’u tapenaga o le tatalo. Sa ou ole atu i le Tama Faalelagi e fesoasoani mai ia ou saunia ma ia to’amalie. Sa ou faia la’u vaega e ala i le faata’ita’i, ma ou te iloa sa fesoasoani mai o Ia ia te au aua sa ou faaalia le faatuatua. Ou te iloa na oo mai lo’u faamanuiaina aua sa ou tuu i ai le taumafaiga e faata’ita’i ma sauniuni mo a’u faatalanoaga.”

Toe foi i le itulau 135.