Punaoa

Ua Galue ma le Poto ia Iosia

Aso Gafua

O le po anapo, sa ta’u atu ai e le uo a Iosia se Nofoaga Tutotonu o Komepiuta, o se kamupani e taulai atu i le lagolago faakomepiuta. Sa foliga mai o se avanoa lelei mo se galuega, o lea sa tonu ai ia Iosia e tilotilo i ai.

Sa lisi mai i le uepisaite e le kamupani ni faasalalauga se lua o galuega---Inisinia 1 Komepiuta ma le Sui 2 e Lagolagoina Tagata e Tautuaina e le Kamupani. O ia galuega uma sa foliga mai e fetaui lelei. Sa fetuunai e Iosia lona faamatalaga otooto mo tulaga taitasi ma talosaga i galuega uma e lua.

O le tele o e sue galuega e taofi ai iina ma faatalitali mo le tatagi mai o se telefoni. Ae ua iloa lelei lava e Iosia e sili atu sona avanoa mo le mauaina o le galuega pe afai e mafai ona talanoa i pule e faafaigaluegaina tagata.

Na toe foi i le uepisaite, ma ua sailia e Iosia le taiala mo soo se tasi e ono tosinaina le faaiuga mo le faafaigaluegaina. I le faaiuga, na ia maua ni igoa se tolu.

O le iloa ai e sili atu ona lelei le faasino atu e se isi nai lo le te’i lava ua valaau atu, na feiloai ai Iosia ma ona faiaoga e toalua ina ua uma le vasega ia iloa ai pe la te iloaina se tasi e faigaluega i le kamupani. Sa la faasino atu o ia ia Alice Patton, o se failautusi i le matagaluega tonu lea e faafaigaluegaina tagata mo avanoa e lua.

Na aoaoina e Iosia se isi mea e uiga ia Alice mai lona faiaoga, ae ina ia saunia, sa ia autilo foi i sona atatosi faapolofesa i le faasalalauga faaagafesootai. Ona ia telefoni atu ai lea ia te ia, ma faasoa atu lana O Au i le 30 Sekone, ma fesili atu i ai po o ai e tatau ona ia talanoa i ai e uiga i tulaga e lua ia sa ia talosaga i ai. Sa faasino atu o ia e Alice i le pule tonu e faafaigaluegaina---o Viliamu Stevenson---o se tasi o tagata e toatolu sa ia iloaina muamua.

Na faaalu e Iosia le taimi na totoe o lona aso e tulimatai ai isi avanoa faigaluega.

Faaauau i le itulau e sosoo ai.

Aso Lua

Ua amata e Iosia ana taumafaiga o le sailiga galuega i le iloiloina o le atatosi faapolofesa o Viliamu Stevenson. Ona ia telefoni atu ai lea ia te ia, ma faasoa atu lana O Au i le 30 Sekone, ma faamautu ai ua maua lana talosaga. Ina ua maea ona aoao atili e uiga i galuega, na fesili Iosia e toe auina sa’o atu sona faamatalaga otooto ua faafou ia Viliamu. Na aoaoina foi e Iosia mai ia Viliamu o Sara Johnson o le pule e faafaigaluegaina tagata mo le isi galuega.

Na toe faia foi e Iosia lea lava faiga ia Sara. O le iloa ai atonu e i ai nisi tulaga e le o faasalalauina, na fesili ai Iosia e uiga i isi manaoga o le kamupani. Sa ta’u atu e Sara ia Iosia e uiga i isi tulaga faaopoopo.

Ina ua uma le telefoni, na faafou e Iosia lona talaaga ma auina atu ia Viliamu ma Sara. Sa ia tusia foi ma auina atu ni kata faafetai ia Alice, Viliamu, ma Sara.

Ona faaalu ai lea e Iosia le taimi na totoe o lona aso e tulimatai ai isi avanoa faigaluega.

faaopoopo togi

Toe foi i le itulau 156.

Punaoa (Tagata, nofoaga, po o mea)	Fesootaiga (Fesootaiga faalegaluega)	Fesootaiga Faafesagai
Uo a Iosia Nofoaga Tutotonu o Komepiuta Uepisaite a le kamupani Inisinia 1 Komepiuta Sui 2 Lagolago Komepiuta Taiala a le kamupani Igoa Taiala 1 Igoa Taiala 2 Igoa Taiala 3 Faiaoga 1 Faiaoga 2 Alice Patton Atatosi o Alice Viliamu Stevenson Atatosi o Viliamu Sara Johnson Atatosi o Sara Galuega e le o faasalaluina 1 Galuega e le o faasalalauina 2	Talanoa ma le uo a Iosia Auina atu le talaaga mo le Inisinia 1 Komepiuta Auina atu le talaaga mo le Sui 2 Lagolago Komepiuta Feiloai ma le faiaoga 1 Feiloai ma le faiaoga 2 Telefoni ia Alice Patton Telefoni ia Viliamu Stevenson Telefoni ia Sara Johnson Auina atu se talaaga ua faafou ia Viliamu Auina atu se faamatalaga otooto ua faafou ia Sara Auina atu le kata faafetai ia Alice Auina atu le kata faafetai ia Viliamu Auina atu le kata faafetai ia Sara	Feiloai ma le faiaoga 1 Feiloai ma le faiaoga 2
Aofaiga Atoa: 19	Aofaiga Atoa: 13	Aofaiga Atoa: 2

Lafaele: Galuega i le 6 Aso!

Tatou faitau pe na faapefea e Lafaele ona faatelevave lana sailiga galuega e ala i se fuafuaga o le aso o punaoa, fesootaiga, ma fonotaga faafesagai.

“E fitu masina na leai ai sa’u galuega. Ona ou faalogo lea i le polokalama fou a le Ekalesia ua amata.Sa ou matua manaomia lava se galuega ia ou faalagolago ai ia te au lava, o lea na ou alu ma le faatuatua. Ina ua ou faalogo i le faiga 15-10-2, sa ou gatete. Sa foliga mai e matuai tele lava galuega e fai ai. Sa ou mafaufau i ai ma tatalo ia fesoasoani mai le Tama Faalelagi ia te au. Sa tonu ia te au ou te faia le mea sili ma taumafai.

“O le aso na sosoo ai sa amata ai i punaoa e pei o le initoneti po o le nusipepa.Ina ua uma lena, sa ou faia ni fesootaiga. Sa ma talanoa ma a’u uo i le kolisi; sa ou siakia ni uo mai le lotu ona sosoo ai lea ma ni fesootaiga ma e sa faigaluega i pisinisi.I totonu o lena vaiaso puupuu, sa mafai ona ou faailoaina ni punaoa e 75, faia fesootaiga e 50, ma ono a’u faatalanoaga.Sa ou aoaoina la’u O Au i le 30 Sekone ma sa ou faaaogaina i fesootaiga taitasi sa ou faia.Sa ou aoao e uiga i faamatalaga malosi ma sa ou faaaogaina i a’u fesootaiga ma faatalanoaga.Sa mafai ona ou maua se galuega i le ono aso!

“O se vavega lava.O lea aafiaga na faatupulaia ai lo’u faatuatua i le Tama Faalelagi.Na faamalosia la’u molimau.Ou te iloa Na te lei tuulafoaiina lava au i se taimi ina ua ou faaaogaina mea sa ou aoaoina.Sa ou lagonaina i fesootaiga uma sa ou faia.Sa ou lagonaina i tagata sa ou talanoa i ai.Ou te iloa sa i ai le Tama Faalelagi i o’u autafa. O le mea lea na matua fiafia ai lo’u aiga.Sa fiafia tele lo’u toalua.I le taimi lava lea e tasi, sa ia lagonaina le filemu aua ua matou tutoatasi.Ua mafai nei ona ou saunia mea mo lo’u aiga ma le ma fanau.”

Toe foi i le itulau 159.

Faamatalaga