Կենտրոնացրեք ձեր կյանքը Հիսուս Քրիստոսի շուրջ

Հիսուս Քրիստոսի հանդեպ հավատքը առանցքային է կյանքի առավել դժվար հարցերի պատասխանները փնտրելու մեր ջանքերում։ Մենք հաճախ ենք մտածում հավատքի մասին՝ որպես ամուր համոզմունքի։ Սակայն հավատքն ավելին է, քան միայն համոզմունք: Այն նաև ապավինում, վստահություն և նվիրում է։ Երբ ունենում ենք դժվարին հարցեր կամ մտահոգություններ, միշտ էլ կարող ենք օգնություն խնդրել Հիսուս Քրիստոսից։ Մեր հավատքն աճում է, երբ մենք ականջալուր ենք Նրա խոսքերին, հետևում Նրա ուսմունքներին և աշխատում սիրել մյուսներին այնպես, ինչպես Ինքն էր սիրում։

Նախագահ Ռասսել Մ. Նելսոնն ուսուցանել է, որ խաղաղությունը կարող է հասնել մեր հոգուն, երբ հավատք ենք կերտում Խաղաղության Իշխանի հանդեպ։¹ Ահա, թե ինչը պետք է հիշենք․

Հիսուս Քրիստոսը մեր հավատքի հիմքն է։ Մեր առօրյա կյանքում մենք հավատք ենք ունենում շատ մարդկանց և կազմակերպությունների հանդեպ։ Դրանց թվում են՝ ընտանիքի անդամները, ընկերները, կառավարությունները և գործատուները։ Սակայն Հիսուս Քրիստոսն է միակ անձը, որին մենք կարող ենք վստահել մեր խաղության և փրկության հույսը։ Եկեղեցին ստեղծվել է մարդկանց Նրա մոտ բերելու նպատակով։ Դուք կարող եք լիովին վստահել Հիսուս Քրիստոսին, անգամ եթե որևէ առումով դժվարություններ ունեք ձեր հավատքի հետ։
Հիսուս Քրիստոսը կատարյալ կարեկցանք ունի։ Մեր ամենամեծ փորձությունները կարող են մեզ ավելի մոտեցնել Փրկչին: Քրիստոսից լավ ոչ ոք չի կարող հասկանալ մեր պայքարները։ Նա արտասվեց նրանց հետ, ում ծառայում էր: Նա զգաց մենակություն, հոգու հուսահատություն և անգամ հեռացում՝ Իր Հոր ներկայությունից։ Դուք կարող եք դիմել Նրան և գտնել ըմբռնում ու կարեկցանք:
Աստծո փրկության ծրագիրը հեռանկար է տրամադրում։ Շատ հարցեր այլ են թվում, երբ մենք հաշվի ենք առնում Երկնային Հոր ծրագիրը։ «Այս ծրագրի մեր իմացության շնորհիվ մեր ենթադրությունները տարբերվում են այն մարդկանց ենթադրություններից, որոնք չունեն մեր գիտելիքները», - ուսուցանել է է Նախագահ Դալլին Հ. Օուքսը։ Արդյունքում մենք տարբեր եզրահանգումների ենք գալիս կարևոր թեմաների շուրջ»։² Տեսադաշտում ունենալով փրկության ծրագիրը՝ այդ հարցերը քննելիս մենք կարող ենք տեսնել մեր մտահոգությունները հավերժության հեռանկարից։
Կան առաջնային հարցեր և երկրորդական հարցեր։ Երբեմն մենք հարցեր կամ մտահոգություններ ենք ունենում՝ կապված պատմական իրադարձությունների, Եկեղեցու ուսմունքների և քաղաքականության, կամ մարդկային անհաջողությունների հետ։ Այդ հարցերի վերաբերյալ հանգստություն գտնելը մեզանից անկեղծ ջանք է պահանջում։ Սակայն կարևոր է տարբերակել ավետարանի առանցքային ճշմարտությունները ոչ էական բաներից։ Ջոզեֆ Սմիթն ուսուցանել է, որ «մնացած բոլոր բաները միայն հավելումներ են» Փրկչի փրկարար առաքելության հետ կապված ճշմարտություններին։³
Ընտրեք հավատքը Հոգևոր իմացությունը պահանջում է, որ մենք «հավատքով գնանք, և ոչ թէ երևույթով»:⁴ Եթե մենք սպասենք, մինչև որ շոշափելի ապացույց ունենանք հոգևոր բաների մասին, երբեք չենք է սկսի առ Հիսուս Քրիստոսը հավատք զարգացնելու գործընթացը։ Երեց Դեյլ Գ. Ռենլանդն ուսուցանել է․ «Որպեսզի հավատքը աճի, մարդը պետք է որոշի հավատք ունենալ: Մարդը պետք է ցանկանա հավատք ունենալ: Մարդը պետք է գործի հավատքով»:⁵
Ամուր բռնվեք արդեն ունեցած գիտելիքից։ Եթե վստահ չեք ձեր հավատքում, «ամուր կառչեք նրանից, ինչ արդեն գիտեք և ամուր կանգնեք այնքան ժամանակ, մինչև լրացուցիչ գիտելիք կստանաք», - խորհուրդ է տվել Երեց Ջեֆրի Ռ. Հոլլանդը:⁶ Ապավինեք ձեր անցյալ հոգևոր փորձառություններին։ Դրանք վկայում են այն մասին, որ Աստված հատուցում է Հիսուս Քրիստոսի հանդեպ ձեր հավատքը հոգևոր վստահությամբ։

Հիմնական սուրբ գրություններ․ Հռովմայեցիս 8․35, 37–39, 2 Նեփի 4․34–35, Մոսիա 4․9, Հելաման 5․12