Mga Kuwento sa mga Banal na Kasulatan

Mga Pangako ni Ezekiel na Nagkatotoo

Si Ezekiel ay isang propeta. Ipinakita sa kanya ng Diyos ang maraming bagay sa hinaharap na hindi pa nangyari. Isinulat ni Ezekiel ang mga ito.

Nagsulat si Ezekiel tungkol sa dalawang aklat na ililimbag balang-araw. Ang isang aklat ay ang Biblia. Ang isa pang aklat ay ang Aklat ni Mormon.

Makalipas ang maraming taon, inilimbag ang Biblia.

Makalipas ang marami pang taon, isinalin ni Joseph Smith ang Aklat ni Mormon. Nagkatotoo ang pangitain ni Ezekiel!

Ngayo’y mababasa natin ang Biblia at ang Aklat ni Mormon. Nagtutulungan ang mga ito na magturo tungkol kay Jesucristo.

Kapag nagbabasa ako ng mga banal na kasulatan, natututo ako tungkol kay Jesucristo.