My Founation: Magkahiusa, Magserbisyo—Labing Dugay nga Oras: 20 Minutos

Pamalandungi:Sa unsang paagi ang paghikalimot sa akong kaugalingon para moserbisyo sa uban aktwal gayud nga makaluwas kanako?

Tan-awa:“In the Lord’s Way,” anaa sa srs.lds.org/videos. (Walay video? Basaha ang pahina 183.)

In the Lord’s Way

Kon dili mo makatan-aw sa video, basaha kini nga script.

President Henry B. Eyring: Ang mga baruganan nga naa sa pundasyon sa programa sa welfare sa Simbahan dili lamang para sa usa ra ka higayon o sa usa ka dapit. Alang kini sa tanang panahon ug sa tanang dapit. …

… Ang paagi sa pagbuhat niini klaro. Kadtong nakatigum na og daghan angayng mopaubos sa ilang kaugalingon aron motabang niadtong nanginahanglan. Kadtong naa sa kaabunda boluntaryong mosakripisyo sa pipila sa ilang kahamugaway, panahon, mga kahanas, ug mga kapanguhaan aron mahupay ang pag-antus niadtong nanginahanglan. Ug ang tabang ihatag aron molambo ang gahum sa mga nakadawat sa pag-atiman sa ilang kaugalingon ug dayon sa pag-atiman sa uban. Kon buhaton kini, sa pamaagi sa Ginoo, talagsaong butang ang posibling mahitabo. Ang naghatag ug ang nakadawat mapanalanginan.

(Gikuha gikan sa pakigpulong nga gihatag ni Presidente Eyring sa pagpahinungod sa Sugarhouse Utah Welfare Services Center, Hunyo 2011, LDS.org)

Presidente Dieter F. Uchtdorf: Mga kaigsonan, ang matag usa kanato adunay pakigsaad nga responsibilidad [covenant responsibility] sa pag-ila sa panginahanglan sa uban ug pagserbisyo sama sa gihimo sa Manluluwas—sa pagtabang, pagpanalangin, ug pagbayaw niadtong naglibut kanato.

Kasagaran, ang tubag sa atong pag-ampo dili moabut samtang kita nagluhod lang apan samtang kita naglihok nagserbisyo sa Ginoo ug nagserbisyo niadtong anaa sa atong palibut. Ang dili hinakog nga mga buhat sa serbisyo ug pagpahinungod mohapsay sa atong mga espiritu, motangtang sa mga himbis gikan sa atong espirituhanong mga mata, ug moabli sa mga bintana sa langit. Diha sa pagkahimong tubag sa pag-ampo sa uban, kanunay natong makaplagan ang tubag sa atong kaugalingon.

(“Naghulat diha sa Dalan sa Damasco,” Ensign o Liahona, Mayo 2011, 75–76)

Balik sa pahina 182.

Hisguti:Sa unsa nga paagi ang pagserbisyo sa uban makaabli sa “mga bintana sa langit” sa inyong kinabuhi?

Basaha:Ang uban mobati nga sila ang angay nga makabaton sa unsay naa sa uban, nga moresulta sa kasilag. Ang uban mobati nga may katungod sila sa mga butang nga wala nila maangkon. Kining duha ka lit-ag mobuta sa mga tawo nga dili na nila makita ang mahinungdanong kamatuoran: nga ang tanang butang iya sa Dios. Ang kasilag ug ang pagbati nga may katungod mabuntog pinaagi sa pagtutok sa panginahanglan sa uban. Basaha ang Mosiah 2:17, Mosiah 4:26, ug ang kinutlo ni Presidente Gordon B. Hinckley (naa dapit sa tuo).

“Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.”

Mosiah 2:17

“Ug karon, alang sa … pagbaton sa usa ka kapasayloan sa inyong mga sala sa matag adlaw, … Ako manghinaut nga kamo kinahanglan mohatag sa inyong kabtangan ngadto sa mga kabus, matag tawo sumala sa unsa ang anaa kaniya, ingon sa pagpakaon sa gigutom, pagsinina sa hubo, pagduaw sa mga masakiton ug pag-alagad sa ilang kahupayan, sa espirituhanon ug lawasnon, sumala sa ilang mga panginahanglan.

Mosiah 4:26

“Kon magkahiusa kamo, walay kinutuban ang inyong gahum. Makahimo mo og bisan unsa nga gusto ninyong himoon.”

Gordon B. Hinckley, “Your Greatest Challenge, Mother,” Ensign, Nob. 2000, 97

Kalihokan

Step 1: Sa grupo, paghunahuna og tawo nga nagkinahanglan og tabang.

Step 2: Hisguti ang mga talento, ug mga kapanguhaan nga imong ikatanyag.

Step 3: Paghimo og plano nga makaserbisyo nianang tawhana. Sama pananglit, ikaw makahimo nga:

• Mopahigayon og service project sa imong komunidad.

• Moandam sa imong family history gamit ang booklet nga My Family: Stories That Bring Us Together [Ang Akong Pamilya: Mga Istorya Nga Naghiusa Kanamo]. Dayon moadto sa templo ug mopahigayon og sagrado nga mga ordinansa alang sa mga sakop sa pamilya nga namatay na.

• Motabang og usa ka tawo nga nagtrabaho sa iyang path to self-reliance.

Basaha:Mga kinutlo ni Elder Robert D. Hales ug Presidente Thomas S. Monson (naa dapit sa tuo)

“Ang tuyo sa temporal ug espirituhanon nga pagbarug sa kaugalingon [self-reliance] mao ang paglig-on sa atong kaugalingon aron makatabang kita sa uban nga nanginahanglan.”

Robert D. Hales, “Pag-ila sa Kaugalingon: Ang Sakrament, ang Templo, ug Sakripisyo sa Pagserbisyo,” Ensign o Liahona, Mayo 2012, 36

“Kon kita magtinabangay, … makahimo kita sa tanan. Kon ato kanang buhaton, atong matangtang ang kahuyang sa usa ka tawo nga nag-inusara ug ipuli ang kalig-on sa daghan nga nagtinabangay og serbisyo.”

Thomas S. Monson,, “Church Leaders Speak Out on Gospel Values,” Ensign, Mayo 1999, 118

I-commit [Ipasalig]:I-commit nga himoon ang mosunod nga buluhaton sa semana. I-tsek ang mga box kon makompleto nimo ang matag buluhaton.

• Lihuka ang plano nga imong gihimo nga serbisyuhan ang usa ka tawo.

• Ipaambit sa imong pamilya o mga higala kon unsay imong nakat-unan karon mahitungod sa pagserbisyo.