My Foundation: Modawat og mga Ordinansa sa Templo—Labing Dugay nga Oras: 20 Minutos

Pamalandungi:Unsa ang pipila ka butang nga importante kaayo kanimo?

Tan-awa:“Doing What Matters Most,” anaa sa srs.lds.org/videos. (Walay video? Basaha ang pahina 201

Paghimo sa Labing Importante

Kon dili mo makatan-aw sa video, basaha kini nga script.

still from Doing What Matters Most

Narrator: Usa ka eroplano nahagsa sa Florida usa ka ngiub nga gabii bulan sa Disyembre. Kapin sa 100 ka mga tawo ang namatay. Mga 20 ka milyas na lang ang gilay-on aron luwas silang makatugpa.

President Dieter F. Uchtdorf: Human sa aksidente, ang mga nag-imbistigar misulay og suta sa hinungdan. Ang gear nga para pangtugpa andam na gayud diay unta alang sa maayong pagtugpa. Ang eroplano anaa sa perpektong mekanikal nga kondisyon. Walay problema sa tanang gamit—gawas lang sa usa: ang napunder nga bombilya. Kadtong gamay nga bombilya—nga 20 sentimos ra ang kantidad—ang sinugdanan sa nagsunod-sunod nga mga panghitabo nga sa katapusan misangput ngadto sa makalilisang nga kamatayon sa kapin sa 100 ka mga tawo.

Siyempre, ang napunder nga bombilya dili maoy hinungdan sa aksidente; nahitabo kadto tungod kay ang mga crew mibaling sa ilang atensyon ngadto sa daw importante niadtong higayuna samtang wala magtan-aw sa labing importante.

Ang kalagmitan sa pagpokus ngadto sa dili kaayo importante nga ipuli sa pinakaimportante mahitabo dili lamang sa mga piloto apan sa tanan. Kitang tanan namiligro. … Ang inyong mga hunahuna ug kasingkasing nakapokus ba sa mga butang nga lumalabay lamang o sa mga butang nga labing importante?

(“Kita Nagbuhat og Dako nga Buhat ug Dili Makaanha,” Ensign o Liahona, Mayo 2009, 59, 60)

Balik sa pahina 200.

Hisguti:Unsang dili makahuluganong nga butang ang mobalda sa atong pag-uswag? Sa unsang mga paagi ang mga ordinansa sa ebanghelyo makatabang kanato?

Basaha:Doktrina ug mga Pakigsaad 84:20 ug ang kinutlo ni Presidente Boyd K. Packer (naa dapit sa tuo)

“Busa, diha sa mga ordinansa niana, ang gahum sa pagka-diosnon gipakita.”

Doktrina ug mga Pakigsaad 84:20

“Ang Ginoo mopanalangin kanato samtang magpahigayon kita sa sagradong mga ordinansa sa buhat sa mga templo. Ang mga panalangin didto dili lamang limitado sa atong pagserbisyo sa templo. Mapanalanginan kita sa tanan natong mga kalihokan. Mamahimo kitang takus nga ang Ginoo magkainteres sa atong mga kalihokan sa espiritwal ug temporal.”

Boyd K. Packer, The Holy Temple (1980), 182

Hisguti:Kon magtinguha kita nga mahimong self-reliant, nganong importante ang pagkahimong takus sa templo?

Kalihokan

Step 1: Kauban sa partner, basaha ang kinutlo ni Elder Quentin L. Cook (naa dapit sa tuo) ug ang mosunod nga mga kasulatan. Badlisi ang mga panalangin nga gisaad niadtong kinsa mosimba sa templo.

Angay natong tun-an ang ika-109 nga seksyon sa Doktrina ug mga Pakigsaad ug sundon ang pahimangno ni Presidente [Howard W.] Hunter ‘sa paghimo sa templo sa Ginoo isip talagsaong simbolo sa [atong] pagkamiyembro.’”

Quentin L. Cook, “Hunahunaa ang Inyong Kaugalingon nga anaa sa Templo,” Ensign o Liahona, Mayo 2016, 99; nga mikutlo sa Mga Pagtulun-an sa mga Presidente sa Simbahan: Howard W. Hunter (2015), 178

“Busa, diha sa mga ordinansa niana, ang gahum sa pagka-diosnon gipakita” (D&P 84:20).

“Ug aron unta sila magtubo diha kanimo, ug modawat sa usa ka kahingpitan sa Espiritu Santo, ug matukod sumala sa imong mga balaod, ug makaandam sa pag-angkon sa matag gikinahanglan nga butang” (D&P 109:15).

“Ug sa diha nga ang imong mga katawhan makalapas, bisan kinsa kanila, sila unta diha-diha maghinulsol ug mobalik nganha kanimo, ug makaangkon og kalooy diha sa imong panan-aw, ug ipahiuli ngadto sa mga panalangin nga ikaw mi-orden nga ibu-bu niadto kinsa motahud kanimo diha sa imong balay” (D&P 109:21).

“Ug kami mangayo kanimo, Balaan nga Amahan, nga ang imong mga sulugoon makasulod unta niini nga balay sinangkapan uban sa imong gahum, ug aron ang imong ngalan unta maanaa diha kanila, ug ang imong himaya maglibut kanila, ug ang imong mga anghel mobantay kanila” (D&P 109:22).

“ Kami mangayo kanimo, Balaan nga Amahan, … aron walay hinagiban nga mahimo batok kanila nga mouswag” (D&P 109:24–25).

Step 2: Magtinagsa sa pagpamalandong, “Unsay angay nakong usbon sa akong kinabuhi aron makaapil kanunay sa mga ordinansa sa templo?”

I-commit [Ipasalig]:I-commit nga himoon ang mosunod nga buluhaton sa semana. I-tsek ang mga box kon makompleto nimo ang matag buluhaton:

• Kon duna kay rekomend sa templo, pagtakda og panahon nga motambong sa templo.

• Kon wala kay rekomend sa templo pakigkita sa imong bishop o branch president aron mahisgutan unsaon nga maandam ka sa pagdawat sa mga ordinansa sa templo.

• Ipaambit sa imong pamilya o mga higala kon unsay imong nakat-unan mahitungod sa mga ordinansa sa templo.