My Foundation: Gamita ang Panahon sa Maalamon nga Paagi—Labing Dugay nga Oras: 20 Minutos

Pamalandungi:Ngano nga ang panahon usa man sa labing mahinungdanong mga gasa sa Dios?

Tan-awa:“The Gift of Time,” anaa sa srs.lds.org/videos. (Walay video? Basaha ang pahina 49.)

Ang Gasa nga Panahon

Kon dili mo makatan-aw sa video, pagpili og mga tahas [role] ug basaha kini nga script.

Kofi: Hello, Sister Benkosi. Kumusta ka?

Sister Benkosi: Okay ra ka, Kofi?

Kofi: Oi, Sister Benkosi. Busy kaayo ko. Kinahanglan kong motrabaho ug moserbisyo ug motabang sa akong pamilya … ug unya ang akong football usab. Wala koy panahon!

Sister B.: Kofi, naa nimo ang tanang panahon.

Kofi: Unsa?

Sister B.: Dong, ang Dios mihatag nato og dakong gasa—ang atong panahon. Kinahanglan ato kining gamiton sa mga butang nga labing importante.

Kofi: Pero unsaon man, Sister Benkosi? Kanunay kang dunay daghan kaayong nahimo. Nagmalampuson ka sa imong pamilya, sa imong negosyo. Nakaserbisyo ug nakapanalangin ka og daghan, sama nako. Wala ko kahibalo kon giunsa nimo kini paghimo.

Sister B.: Gusto ba gyud kang masayud? Kon molingkod lang ka ug maminaw, sultihan ka nako sa akong sekreto.

Kada buntag mobangon ko sa di pa mosubang ang adlaw. Mag-ilis ko ug manghilam-os ug manghugas sa kamot.

Magbasa ko sa mga kasulatan. Dayon maghimo ko og lista kon unsay akong buhaton nianang adlawa.

Maghunahuna ko kon kinsa kaha ang akong maserbisyuhan. Mag-ampo ko aron masayud sa kabubut-on sa Dios. Ug maminaw ko.

Usahay ang mga ngalan o mga nawong sa mga tawo mosantup sa hunahuna. Idugang nako sila sa akong lista.

Kofi: Ingon niana ba kanunay aron ka masayud kon si kinsa ang nagkinahanglan sa imong serbisyo?

Sister B.: Oo, Kofi. Ug mag-ampo ko alang sa kalig-on ug kaalam. Mag-ampo ko nga ang Dios “mopahinungod sa [akong] binuhatan.” Giingon kini diha sa 2 Nephi 32.

Nagpasalamat ko Kaniya. Misaad ko nga akong buhaton ang akong pinakamaayo. Nangayo ko nga Iyang buhaton ang unsay dili nako mabuhat.

Dayon motan-aw ko sa akong lista. Akong butangan og 1 ang labing importante nga butang, dayon 2.

Kofi: Giunsa nimo pagkahibalo sa mga prayoridad?

Sister B.: Maminaw ko kon mag-ampo ko! Dayon ipadayon nako ang akong gibuhat. Akong tan-awon ang numero 1 ug mosulay sa pagbuhat niini og una, dayon ang numero 2.

Usahay ang mga butang mausab. Ang Espiritu Santo mosulti nako sa pagbuhat og laing butang. Maayo kana.

Nagtrabaho ko og maayo, pero duna koy kalinaw. Nasayud ko nga ang Dios motabang nako.

Mao nga, gamit ang akong lista ug ang Espiritu, akong buhaton kon unsay importante, Kofi.

Kofi: Morag simple lang kanang paminawon ug lisud sa samang higayon.

Sister B.: Husto ka! Kon mangandam na ko aron mohigda, mag-ampo ko. Mo-report ko sa Langitnong Amahan. Sultihan nako siya kon unsay nahitabo nianang adlawa. Mangutana ko. Mangutana ko kon unsay mahimo nako nga mas maayo. Maminaw ko. Gibati nako pirme ang Iyang gugma. Nasayud ko nga Iya kong tabangan sa buhat nga akong gipaningkamutan. Dayon malinawon na ko, Kofi, ug matulog na ko.

Kofi: Maayo kana, Mamma Benkosi. Gusto ko niini nga kalinaw. Gusto nakong gamiton ang akong panahon. Gusto nakong motrabaho ug mas moserbisyo pa.

Balik sa pahina 90.

Hisguti:Unsay imong nakat-unan gikan ni Sister Benkosi?

Basaha:Doktrina ug mga Pakigsaad 34:32 ug ang kutlo ni Presidente Brigham Young (naa dapit sa tuo)

“Kay tan-awa, kini nga kinabuhi mao ang panahon alang sa mga tawo sa pagpangandam sa pagsugat sa Dios; oo, tan-awa ang adlaw niini nga kinabuhi mao ang adlaw alang sa mga tawo sa paghimo sa ilang mga buluhaton.”

Alma 34:32

“Ang panahon mao ang tanang puhunan nga ania sa yuta. … Kon gamiton sa hustong paagi, magdala kini nianang unsay modugang sa inyong kahamugaway, kaharuhay, ug katagbawan. Ato kining hunahunaon, ug dili na molingkod nga mangiyugpos, mag-usik sa panahon.”

Brigham Young, sa Discourses of Brigham Young, sel. John A. Widtsoe (1954), 214

Kalihokan

Step 1: Kauban sa partner, basaha ang lima ka steps nga mahimo nimong gamiton matag adlaw nga magamit sa mas maayong paagi ang imong panahon.

➊ Ilista ang mga Buluhaton	➋ Mag-ampo	➌ Maghimo og mga Prayoridad	➍ Maghimo og mga Tumong, Lihuka	➎ Report
Kada buntag, paghimo og lista sa mga buluhaton. Dugangi og mga ngalan sa mga tawo nga serbisyuhan.	Mag-ampo alang sa giya. Ribyuha ang imong lista sa mga buluhaton. Maminaw. I-commit nga himoon ang imong pinakamaayo.	Sa imong lista sa buluhaton, pagbutang og 1 pinaagi sa pinakaimportante 2 pinaagi sa sunod nga pinakaimportante, ug ipadayon.	Maminaw sa Espiritu. Maghimo og mga tumong. Maningkamot. Sugdi sa labing importante nga buluhaton ug trabahoa padulong sa katapusan sa listahan.	Kada gabii, mo-report sa Langitnong Amahan pinaagi sa pag-ampo. Mangutana. Maminaw. Maghinulsol. Batia ang Iyang gugma.

Step 2: Sa lahi nga papel, ilista ang imong mga buluhaton. Kinahanglang importante gayud kini nga mga buluhaton alang sa imong trabaho, alang sa imong pagtuon, o alang sa pagserbisyo sa simbahan o pamilya—dili kay basta inadlaw-adlaw lang nga buluhaton. Mag-ampo ug i-prayoridad ang imong lista.

Step 3: Ugma kinahanglang maghimo ka og mga tumong, molihok, ug mo-report kon giunsa nimo sa paggamit ang imong panahon.

I-commit [Ipasalig]:I-commit nga himoon ang mosunod nga buluhaton sa semana. I-tsek ang mga box kon makompleto nimo ang matag buluhaton:

• Praktisa kini nga mga lakang kada adlaw sa paggamit sa imong panahon sa mas maalamong paagi. Mo-report matag gabii sa Langitnong Amahan sa imong mga pag-ampo.

• Ipaambit sa imong pamilya o mga higala kon unsay imong nakat-unan karon mahitungod sa paggamit sa maalamong paagi sa imong panahon.