MY FOUNDATION: Dawaton ang Responsibilidad ug Molahutay—Labing Dugay nga Oras: 20 Minutos

Pamalandungi:Ngano nga gusto sa Langitnong Amahan nga dawaton nako ang personal nga responsibilidad sa akong kinabuhi?

Tan-awa:“Sedrick’s Journey,” anaa sa srs.lds.org/videos. (Walay video? Basaha ang pahina 129.)

Sedrick’s Journey

Kon dili mo makatan-aw sa video, basaha kini nga script.

still from Sedrick’s Journey

Sedrick: Ako si Sedrick Kambesabwe. Nagpuyo ko sa Democratic Republic of the Congo. Usa ko ka miyembro sa LDS nga Simbahan.

Usa ko ka branch missionary sa barangay sa Kipusanga. Kinahanglan kong mangandam alang sa pagmisyon sa gawas sa nasud. Aron makamisyon, kinahanglan ko og passport, nga nagkantidad na karon og 250 US dollars.

Aron makakwarta, ako ug ang akong papa mamalit og saging. Ang pipila ka mga barangay dunay abut nga daghang saging: ang Tishabobo, Lusuku, ug Kamanda.

Ang Tishabobo mga 9 ka milyas gikan dinhi. Ang Lusuku 18 ka milyas. Ang Kamanda 18 usab. Moadto mi didto ug mamalit og saging, ug amo kining dad-on og balik dinhi aron ibaligya.

Sa pag-adto sa mga barangay magbisikleta mi. Makadala mi og upat o unom ka bulig nga saging.

Kon magbisikleta ko, moabut kini og usa ka oras ug tunga kada biyahe, kon ang bisikleta maayo ug duna pa koy kusog. Kon udto na ug grabe gyud ang kainit, hinay kong mopadagan tungod sa init ug sa adlaw.

Makahimo ko og duha ka biyahe kada adlaw kon sayo kaayo kong mobangon. Maayo kini nga paagi aron makatabang ko og bayad sa akong passport.

Karon duna na koy kinitaan, sa ginagmay-gagmay lang, aron ko makatigum alang sa galastuhan sa eskwela ug sa misyon. Ug karon, human sa upat ka tuig nga pagtrabaho, duna na koy igong kwarta alang sa akong passport, plus 70 dollars nga natigum.

Balik sa pahina 128.

Hisguti:Unsaon nato sa pagkat-on nga magpadayon gihapon bisan kon ang buluhaton lisud?

Basaha:Doktrina ug mga Pakigsaad 42:42 ug ang kutlo ni Presidente James E. Faust (naa dapit sa tuo)

“Dili kamo magtinapulan; kay siya nga tapulan dili makakaon sa pan ni makasul-ob sa mga saput sa mamumuo.”

Doktrina ug mga Pakigsaad 42:42

“Ang paglahutay mapakita niadtong kinsa … dili mohunong bisan kon ang uban moingon nga, ‘Dili gyud kini mahimo.’”

James E. Faust, “Paglahutay,” Ensign o Liahona, Mayo 2005, 51

Hisguti:Basaha ang kinutlo ni Elder D. Todd Christofferson (sa pahina 129). Ngano nga gilauman kita sa Ginoo nga trabahoan kon unsay atong nadawat?

Ang Dios midesinyo niining mortal nga kinabuhi nga nagkinahanglan og kanunay nga paningkamot. … Pinaagi sa pagtrabaho kita makapatunhay ug makapalambo sa kinabuhi. … Ang pagtrabaho makatukod ug makahas-has sa kinaiya, makamugna og katahum, ug mao ang instrumento sa atong pagserbisyo sa usag usa ug sa Dios. Ang gipahinungod nga kinabuhi puno sa buhat, usahay balik-balik, … usahay wala mahatagi og bili apan kanunayng nagbuhat niadtong makapalambo, … makapabayaw, [ug] makapadasig.

D. Todd Christofferson, “Mga Hulagway sa Gipahinungod nga Kinabuhi,” Ensign o Liahona, Nob. 2010, 17.

Kalihokan

Step 1: Magpili og partner ug basahon ang matag lakang diha sa pattern nga naa sa ubos.

Step 2: Hangyoa ang matag usa sa paghisgot mahitungod sa tahas o hagit nga kasamtangang giatubang sa uban.

Step 3: Magtinabangay sa paggamit sa upat ka lakang nga naa sa ubos sa lisud nga tahas o hagit.

➊ Magbaton og Positibo nga Kinaiya	➋ Hinumdumi nga Magtinabangay	➌ Pulihi ang Kahadlok og Hugot nga Pagtuo	➍ Padayon inubanan sa Pailub ug Kaisug
Ilista ang inyong mga panalangin.	Hangyoa ang mga higala, mga kaubanan, mga sakop sa grupo, ug ang uban alang sa tabang.	Likayi ang pagduha-duha. Hinumdumi nga anaa sa Ginoo ang tanang gahum. Sangpita Siya ug dawata ang Iyang kabubut-on.	Ayaw ug ayaw gyud paghunong; lahutay inubanan sa hugot nga pagtuo. Pangitaa ang mga leksyon nga tingali gustong itudlo sa Ginoo kanimo.

Step 4: Isulat ang duha o tulo ka mga paagi nga ikaw makapadayon uban sa pagtuo, mosalig nga motabang ang Ginoo.

Pamalandungi:Basaha ang kinutlo ni Presidente Thomas S. Monson (naa dapit sa tuo). Unsaon sa pag-react kon makasinati ko og kapakyasan?

“Ang atong responsibilidad mao ang pagbarug gikan sa pagkaigo-igo lang ngadto sa pagkabanggiitan, gikan sa kapakyasan ngadto sa kalampusan. Ang atong buluhaton mao ang mahimong pinakamaayo sa atong kaugalingon. Usa sa labing mahinungdanong gasa sa Dios ngari kanato mao ang kalipay nga mosulay pag-usab, kay walay kapakyasan ang angay gayud nga maoy katapusan.”

Thomas S. Monson, “The Will Within,” Ensign, Mayo 1987, 68

I-commit:I-commit nga himoon ang mosunod nga buluhaton atol sa semana. I-tsek ang mga box kon makompleto nimo ang matag buluhaton.

• Pagpili og butang nga lisud o dili ka komportable ug humana ang buluhaton. Isulat kini sa ubos.

• Ipaambit sa imong pamilya o mga higala kon unsay imong nakat-unan karon mahitungod sa paglahutay.