Magkat-on—Labing Dugay nga Oras: 45 Minutos

Diskusyon Karon:

1 Mobayad sa Ikapulo ug mga Halad

Mapa alang sa Kalampusan sa Pagkatinugyanan sa Panalapi

Hisguti:Ngano kaha nga ang “pagbayad sa ikapulo ug mga halad” mao man ang unang ang-ang sa Mapa alang sa Kalampusan sa Pagkatinugyanan sa Panalapi?

Basaha:Gitambagan ang mga miyembro sa Simbahan sa pagbayad sa ilang mga ikapulo ug mga halad sa dili pa mobayad sa ubang galastuhan, bisan sa mga panginahanglanon. Mitudlo si Elder Dallin H. Oaks, “ang pagbayad sa ikapulo usa ka pag-testing sa mga prayoridad” (“Tithing,” Ensign, Mayo 1994, 35). Kon ipakita nimo sa Dios ang imong mga prayoridad, maablihan nimo ang mga oportunidad para Siya mopanalangin kanimo. Sa kasagaran hatagan og emphasis sa kasulatan nga kinahanglang buhaton sa han-ay nga paagi ang tanan nga butang. (Para sa mga pananglitan, tan-awa sa 1 Mga Taga-Corinto 14:40, Mosiah 4:27, ug Doktrina ug mga Pakigsaad 93:43.)

Mitudlo si Presidente Heber J. Grant, “Ang mga lalaki ug babaye kinsa nagmatinuoron gayud sa Dios, kinsa mibayad sa ilang ikapulo, … gihatagan sila sa Dios og kaalam mao nga nahimo nila ang paggamit sa nahibiling ika-siyam nga bahin, ug mas dako kini og bili kanila, ug mas daghan sila’g natuman gumikan niini kay sa wala sila magmatinud-anon sa Ginoo” (sa Conference Report, Abr. 1912, 30).

Hisguti:Sa unsang paagiha kaha ang pagbayad og una sa ikapulo nakatabang nimo nga magamit og tarung ang nahibiling ika-siyam nga bahin sa naa nimo nga kwarta?

1. Usba ang Imong Pamaagi sa Pagdumala sa Kwarta

Basaha:Aron makabayad og una sa ikapulo ug mga halad, gikinahanglan nga usbon nimo ang kinatibuk-an nimong pamaagi sa pagdumala sa kwarta. Ang pag-atiman sa kasamtangan nga gasto sa pagpakabuhi sa kasagaran mobuntog sa atong abilidad sa pagtigum alang sa umaabut ug pagtukod og seguridad sa pinansyal. Gisunod sa kadaghanan kini nga pamaagi sa pagkatinugyanan sa panalapi: bayaran nila og una ang diha-dihang panginahanglanon sama sa pagkaon, kasilungan, transportasyon, ug health care, sa paghunahuna nga makatigum og kwarta ug ang nahabilin mao ray ibayad sa ikapulo. Kini nga pamaagi gihulagway sa mosunod nga diagram.

Basaha:Samtang komon na kaayo kini nga praktis, dunay mas maayong pamaagi sa pagkatinugyanan sa panalapi: Inig kadawat nimo sa kinitaan, unaha pagbayad ang imong ikapulo ug dayon paglahi og kwarta para sa kaugalingon nimong kaugmaon—bisan og gamay ra kaayo. Dayon, gamita ang unsay nahibilin (ang dakong bahin sa imong kinitaan) sa paggasto sa imong pagpakabuhi. Kini nga pamaagi gihulagway sa diagram nga naa sa ubos.

Hisguti:Unsa ang pipila ka mga kalainan tali niining duha ka mga paagi? Nganong nahukman man sa daghan kaayong tawo ang pagsunod sa mas komon nga pamaagi sa pagkatinugyanan sa panalapi?

Basaha:Gamiton nato ang paghulgway sa ubos gamit ang garapon, pipila ka bato, ug balas, aron ipakita ang kaalam nga ilahi og una ang kwarta sa Ginoo ug sa kaugalingong kaugmaon (tan-awa sa Stephen R. Covey, A. Roger Merrill, ug Rebecca R. Merrill, First Things First: To Live, to Love, to Learn, to Leave a Legacy [1994], 88–89).

Ang garapon nagrepresentar sa kinitaan: kapanguhaan nga limitado ang gidak-on. Tanan kita dunay mga garapon nga managlahi ang gidak-on, apan ang baruganan nga gihisgutan dinhi pareho ra para sa tanan. Ang mga bato ug balas, kon isulod sa garapon, nagrepresentar sa mga paagi sa paggamit nato sa atong kwarta. Niini nga ehemplo, ang dagko ug gagmayng bato nagrepresentar sa long-term natong mga prayoridad—sa paglahi og kwarta para sa Ginoo ug para sa atong kaugalingong kaugmaon—ug ang balas nagrepresentar sa kasamtangan natong mga panginahanglan ug mga gusto.

Ibutang nato ang mga item sulod sa garapon gamit ang mas komon nga pamaagi sa pagkatinugyanan sa panalapi.

Basaha:Bantayi nga kon iuna nimo og bu-bu ang balas, wala nay igong lugar para sa mga bato aron maarang ang tanan.

Karon ibutang nato ang item sulod sa garapon gamit ang mas self-reliant nga pamaagi sa pagkatinugyanan sa panalapi.

Basaha:Bantayi nga kon iuna nimo og sulod ang mga bato, duna pay lugar para masulod ang tanang balas.

Hisguti:Sa unsang paagi kini nga ehemplo may kalambigitan sa pagbayad sa ikapulo ug pagtigum og kwarta? Nganong ang tanan naarang man sa garapon sa ikaduhang higayon? Sa unsang paagi ang mga bato nga iuna og butang sa garapon usa man ka ehemplo sa pagpakita og pagtuo?

Basaha:Sa tibuok niini nga kurso padayon nimong makat-unan unsaon sa paggamit ang mas self-reliant nga pamaagi sa pagkatinugyanan sa panalapi. Bisan og ang pagsunod niining self-reliant nga pamaagi sa sinugdanan tingali dili komportable, makatabang kini nga mas maandam kamo sa umaabut. Natural lang ang pagkabalaka nga basin wala ka nay igong kwarta para sa kasamtangan nimong panginahanglan kon mobayad ka og una sa ikapulo ug maglahi pa og kwarta nga itigum. Usa kini ka pagsulay sa pagtuo. Kausa gisultihan sa usa ka maalamon nga bishop ang nahadlok nga bag-ong convert, “Kon ang pagbayad sa ikapulo nagpasabut nga dili ka kabayad sa tubig o kuryente, bayad og ikapulo. Kon ang pagbayad sa ikapulo nagpasabut nga dili ka kabayad sa abang, bayad og ikapulo. Kon ang pagbayad sa ikapulo nagpasabut nga wala kay igong kwarta sa pagpakaon sa imong pamilya, bayad og ikapulo. Dili ka talikdan sa Ginoo” (sa Aaron L. West, “Sagradong Mga Kausaban,” Liahona, Dis. 2012, 26).

Sa imong pagsubay sa imong mga gasto, makita tingali nga duna kay kinitaan. Hunahunaa kon sa unsang paagi nimo gidumala ang imong kwarta ug unsaon nimo nga molambo ang imong pagbayad og una sa ikapulo ug sa imong kaugalingong kaugmaon. Usa sa imong mga commitment niining semanaha mao ang paggamit niining mga baruganan ug ipadayon ang pag-monitor sa imong kinitaan ug mga gasto niining semanaha.

Samtang ang pagkuha sa self-reliant nga pamaagi sa pagkatinugyanan sa panalapi nag-require sa paggamit og pagtuo kang Jesukristo, nag-require usab kini sa paggamit sa tukmang mga kahanas sa panalapi. Sa sunod semana, magsugod ka sa pagbansay sa kahanas sa tukmang paggamit sa budget, nga makatabang nga makakontrolar ka sa imong pagpanggasto ug makaigo ang imong kwarta nga ibayad sa tanan nimong mga gastuhan.

Hisguti:Sa unsang paagi ang pagbayad og una sa ikapulo ug pagtigum og kwarta makausab sa imong kinabuhi?

2. Mobayad sa Ikapulo ug mga Halad

Basaha:“Ang balaod sa ikapulo simple,” mitudlo si Presidente James E. Faust nga sakop sa Unang Kapangulohan. “Bayaran nato ang ikapulo nga bahin sa atong tinagsa nga kinitaan matag tuig. Ang tubo gihubad sa Unang Kapangulohan nga kinitaan. Kon unsay mahimo sa 10 porsyento sa atong tinagsa nga kinitaan anaa ra kana tali sa matag usa kanato ug sa atong Magbubuhat. … Sama sa gisulti sa usa ka convert sa Korea: ‘Sa pagbayad sa ikapulo, dili importante kon datu ka o pobre. … Kon mokita ka og dakong kwarta, bayari ang 10 porsyento. Kon gamay ra kaayo ang imong kita, mobayad gihapon ka og 10 porsyento’” (“Opening the Windows of Heaven,” Ensign, Nob. 1998, 59).

Tan-awa:“Widow of Zarephath,” anaa sa srs.lds.org/videos. (Walay video? Basaha ang pahina 49.)

Hisguti:Nganong ang biyuda sa Zarepta mihatag man sa katapusan niyang pagkaon sa propeta nga si Elijah? Ikaw makahimo ba niana? Ngano o nganong dili man?

Basaha:Ang balaod sa ikapulo naa nang daan sukad pa sa kapanahunan sa Daang Tugon. Sa Malaquias, atong mabasa nga kon mobayad kita og ikapulo, ang Ginoo moabli sa mga “bintana sa langit” ngari kanato (tan-awa sa Malaquias 3:10).

Mitudlo si Elder David A. Bednar, “Ang simbolo nga ‘mga tamboanan’ sa langit nga gigamit ni Malaquias daghan og pagtulun-an. Ang hayag moagi sa mga tamboanan pasulod sa building. Sa samang paagi, ang espirituhanong kahayag ug panglantaw ibu-bu pinaagi sa mga tamboanan sa langit ug madawat sa atong kinabuhi kon kita mosunod sa balaod sa ikapulo. … Kita tingali nanginahanglan ug nangamuyo og tabang nga makakita og trabaho. … Ang espiritwal nga gasa nga makapahimo nato sa pag-ila sa mga oportunidad sa trabaho nga wala mabantayi sa uban. … Kita mahimong motinguha ug motrabaho aron madugangan ang atong sweldo aron mas makasangkap sa mga kinahanglanon sa kinabuhi. … [O sa ubang sitwasyon] siguro kita gusto ug naglaum og mas dakong sweldo, apan ang panalangin nga atong nadawat pinaagi sa mga tamboanan sa langit mahimong mas dakong abilidad sa pag-usab sa atong kahimtang kay sa maglaum nga ang atong kahimtang mausab pinaagi sa uban o sa laing butang” (“Ang mga Tamboanan sa Langit,” Ensign o Liahona, Nob. 2013, 18).

Hisguti:Sa unsang mga paagi nga ang espiritwal nga kahayag (o personal nga inspirasyon) migiya kanimo aron mausab ang kaugalingon nimong mga kahimtang?

Ang Balaod sa Puasa

Basaha:“Sa naandan ang tukmang pagsunod sa adlaw sa puasa mao ang dili pagkaon ug pag-inom sa duha ka sunod-sunod nga kan-anan sulod sa 24 oras, pagtambong sa miting sa puasa ug pagpamatuod, ug paghatag og ubay-ubay nga halad sa puasa aron pagtabang sa nanginahanglan” (Handbook 2: Administering the Church 2010] 21.1.17).

Ang mga halad sa puasa gamiton sa pagtabang sa mga kabus ug sa nanginahanglan. Ang paghatag og ubay-ubay nga halad sa puasa mopatubo usab sa atong kapasidad nga mahimong self-reliant.

Mitudlo si Elder Jeffrey R. Holland, “Mopamatuod ko sa mga milagro, sa espiritwal ug temporal, nga moabut niadtong nagsunod sa balaod sa puasa. … Mahala kanang sagradong pribilehiyo sa dili mominos kada bulan, ug hatag og daghan kon itugot sa kahimtang sa inyong halad sa puasa ug ubang humanitarian, educational, ug misyonaryo nga mga kontribusyon. Mosaad ko nga ang Dios mohatag og daghan kaninyo, ug kadtong kinsa nahupay sa inyong tabang motawag sa inyong ngalan og bulahan sa hangtud” (“Dili ba Kitang Tanan Makililimos?” Ensign o Liahona, Nob. 2014, 42).

Hisguti:Unsa ang imong mahimo aron molambo ang imong pagpuasa?

Hisguti ang Ikapulo ug mga Halad sa Puasa sa Inyong Family Council

Basaha:Atol sa inyong family council karong semanaha, hisguti ang benipisyo sa pagbayad sa ikapulo ug paglahi og kwarta para sa tigum diha dayon human madawat ang inyong kwarta. Tinoa kauban sa imong kapikas unsaon nga molambo ang imong pagpuasa.

Mahimo nimong gamiton ang outline sa “Sample sa Family Council Discussion” nga naa sa ubos.

Sample sa Family Council Discussion

Siguroa nga sugdan ug tapuson pinaagi sa pag-ampo aron madapit ang Espiritu.

Part 1: Ribyu

• Nagbayad ka ba og matinuoron ug hingpit nga ikapulo?

• Naghatag ka ba og ubay-ubay nga halad sa puasa?

• Kumusta ang imong pag-monitor sa imong kinitaan ug mga gasto (tan-awa sa chapter 1)?

Part 2: Plano

• Unsay pwede nimong buhaton aron makabayad og matinuoron ug hingpit nga ikapulo?

• Unsay imong hunahuna sa paghimo og ubay-ubay nga halad sa puasa?

• Unsaon nimo sa pagpalambo ang imong pagpuasa?

• Unsaon nimo sa pagsunod ang pamaagi sa pagka-self- reliant ngadto sa pagkatinugyanan sa panalapi (tan-awa sa mga pahina 39–40)?

Kalihokan (10 minutos)

Tubaga sa matinuorong paagi ang tanang pangutana nga nagsunod.

Unsay Akong Gibati mahitungod Niini nga Kasinatian?	Wala gyud	Usahay	Kasagaran	Kanunay
Ang matag sakop sa grupo mo-report sa iyang mga commitment.	□	□	□	□
Ang among grupo magsugod ug mahuman sa eksaktong oras.	□	□	□	□
Gibati nako nga dunay paghiusa sa akong mga sakop sa grupo.	□	□	□	□
Mibati ko sa Espiritu sa among mga group meeting.	□	□	□	□
Ang tanan sa grupo parehong miapil.	□	□	□	□
Akong gibati nga naglambo ko padulong sa pagka-self reliant.	□	□	□	□
Gibati nako nga gihigugma ko sa mga sakop sa akong grupo.	□	□	□	□

Hisguti:Unsay among mahimo aron molambo ang among kasinatian sa grupo?

Sayon ra Kaayo!

Sa balay usa ka gabii human sa group meeting, ang akong asawa ug ako determinadong magsugod nga maglahi og kwarta para itigum sa dili pa mi mobayad sa among kasamtangang mga gastuhan para mabuhi. Nakigsulti siya og tawo sa among credit union pagkasunod adlaw, ug ila siyang giingnan nga mahimo ra nilang i-awtomatic sa pagpadala ang porsyon sa matag direktang deposito nga tseke ug ang laing porsyon—kon pilay among mahukman—ngadto sa among tigum. Karon sa matag higayon nga bayaran ko, awtomatik kini moadto sa gilahi nga mga account. Sayon ra kaayo! Ang pagtigum og kwarta karon butang nga dili na gani namo hunahunaon pa!