My Foundation: Magpuyo og Balanse nga Kinabuhi—Labing Dugay nga Oras: 20 Minutos

Pamalandungi:Unsaon nako nga ang inadlawng mga panginahanglan sa kinabuhi kanunay nga balanse?

Tan-awa:“Of Regrets and Resolutions,” anaa sa srs.lds.org/videos. (Walay video? Basaha ang pahina 55.)

Mga Pagmahay ug Resolusyon

Kon dili mo makatan-aw sa video, basaha kini nga script.

gikan gihapon sa Mga Pagmahay ug Resolusyon

President Dieter F. Uchtdorf: Dili ba tinuod nga kita kanunayng busy? Ug, makaguol, atong gikonsiderar ang pagka-busy nga usa ka halangdong buluhaton, ingon og kini, usa ka kalampusan o timaan sa superior nga kinabuhi.

Dili ba?

Naghunahuna ko sa atong Ginoo ug Ehemplo, si Jesukristo, ug sa Iyang mubo nga panahon uban ang mga tawo sa Galilee ug Jerusalem. Naghunahuna ko Niya nga nagdali-dali sa mga miting o nagbuhat og daghan sa samang higayon aron mahuman ang kinahanglang mga butang.

Wala ko kini makita Kaniya.

Hinoon akong nakita ang manggiloy-on ug maamumahong Anak sa Dios nga nagpakabuhi nga may katuyoan. Kon Siya makig-istorya niadtong nagpalibut Kaniya, sila mibati nga importante ug gihigugma. Siya nasayud sa mahangturong bili sa mga tawo nga Iyang nahimamat. Siya mipanalangin kanila, mialagad kanila. Siya mibayaw kanila, miayo kanila. Siya mihatag kanila sa bililhong gasa nga mao ang Iyang panahon.

(Dieter F. Uchtdorf, “Mga Pagmahay ug Resolusyon,” Ensign o Liahona, Nob. 2012, 22)

Balik sa pahina 54.

Hisguti:Unsay gihimo sa Manluluwas aron makaangkon og balanse nga kinabuhi?

Basaha:Mosiah 4:27, 2 Nephi 9:51, ug ang kinutlo ni Elder M. Russell Ballard (naa sa tuo) ug ni Presidente James E. Faust (sa pahina 55)

“Ug tan-awa ang tanan niini nga mga butang mahimo diha sa kaalam ug kahusay; kay kini dili panginahanglan nga ang usa ka tawo kinahanglan modagan nga labaw pa kay sa iyang kusog.”

Mosiah 4:27

“Busa, ayaw paggasto og salapi alang niana nga walay bili, ni ang inyong kahago niana nga dili makatagbaw.”

2 Nephi 9:51

“Buhata lang ang pinakamaayo kutob sa mahimo matag adlaw. Buhata ang mahinungdanong mga butang ug, dili lang ninyo kini mabantayan nga, puno na ang inyong kinabuhi sa espirituhanong panabut nga mopamatuod kaninyo nga gihigugma kamo sa Langitnong Amahan. Kon mahibalo ang usa ka tawo niini, ang kinabuhi mapuno sa katuyoan ug kahulugan, nga mas sayon mamentinar ang pagkabalanse.”

M. Russell Ballard, “Pagbalanse sa Inyong Kinabuhi,” Liahona, Sept. 2012, 50

“Ang pagbalanse sa dako nga pagsabut mao ang pagkahibalo sa mga butang nga pweding mausab, pagbutang niini sa tukmang panglantaw, ug pag-ila sa mga butang nga dili mausab.”

James E. Faust, “The Need for Balance in Our Lives,” Ensign, Mar. 2000, 5

Hisguti:Unsang mga butanga ang mahimong ipa-simplify o wagtangon sa atong kinabuhi aron masinati nato ang dugang nga kalipay?

Kalihokan

Step 1: Basaha ang kinutlo ni Elder Dallin H. Oaks (sa pahina 55).

Step 2: Sa imong kaugalingon, hunahunaa unsaon nimo sa pagpakabuhi matag semana. Karon hunahunaa nga nadugangan na og 25 ka tuig ang imong edad ug mao ra gihapon ang imong kinabuhi. Kompletuha ang duha ka pamahayag sa ubos mahitungod sa imong kinabuhi:

Wala lang nako magahini og igong panahon

Migahin ko og dakong panahon

Step 3: Aron malikayan ang mga pagmahay, pagsulat og usa o duha ka butang nga imong mahimo aron mas mabalanse ang imong kinabuhi.

I-commit [Ipasalig]:I-commit nga himoon ang mosunod nga buluhaton sa semana. I-tsek ang mga box kon makompleto na nimo ang matag buluhaton:

• Lihuka ang imong nahunahunaan aron mas mobalanse ang imong kinabuhi.

• Ipaambit sa imong pamilya o mga higala ang unsay imong nakat-unan mahitungod sa pagbalanse.

“Daghan sa mga tigpangitag panginabuhi nabalaka nga ang ilang mga trabaho nagbilin og gamay kaayong panahon alang sa ilang mga pamilya. … Hinoon, wala akoy nailhan nga tawo nga naghinumdom sa nanglabay nga mga tuig nga siya nagtrabaho nga miingon, ‘Wala ako mohatag og igong panahon sa akong trabaho.’”

Dallin H. Oaks, “Maayo, Mas Maayo, Labing Maayo,” Ensign o Liahona, Nob. 2007, 105

“Ang gidaghanon sa maayong mga butang nga atong mahimo misobra kaayo sa panahon nga magamit sa pagbuhat niini. Pipila sa mga butang mas maayo kay sa maayo, og kini mao ang mga butang nga nagkinahanglan nga unang hatagan ug pagtagad sa atong kinabuhi.”

Dallin H. Oaks, “Maayo, Mas Maayo, Labing Maayo,” Ensign o Liahona, Nob. 2007, 104