My Foundation: Makigsulti—Labing Dugay nga Oras: 20 Minutos

Pamalandungi:Kanus-a ang Langitnong Amahan mitubag sa akong mga pag-ampo?

Tan-awa:“Creating Lift,” available at srs.lds.org/videos. (Walay video? Basaha ang pahina 145.)

Creating Lift

Kon dili mo makatan-aw sa video, basaha kini nga script.

Presidente Dieter F. Uchtdorf: Aron ang eroplano malayo sa yuta, kinahanglan nga imo kining pasakaon. Sa aerodynamics, ang pagsaka mahitabo kon ang hangin moagi sa pako sa eroplano sa paagi nga ang gikusgon niini ubos sa pako mas kusog kay sa gikusgon ibabaw sa pako. Kon ang pagpasaka sa ibabaw mas kusog kaysa gibug-aton nga mobitad paubos [gravity], ang eroplano mosaka gikan sa yuta ug molupad.

Sa sama nga paagi, kita makahimo sa pagbayaw sa atong espirituhanong kinabuhi. Kon ang pwersa nga motulod kanato padulong sa langit mas kusog kaysa mga pagtintal ug kasahol nga mobira kanato paubos, kita makasaka ug makaadto sa gingharian sa Espiritu.

Bisan og daghang mga baruganan sa ebanghelyo ang makatabang kanato aron makab-ot ang pagkabayaw, ako gusto nga mopokus og usa ka pino nga butang.

Pag-ampo!

Ang pag-ampo mao ang usa sa mga baruganan sa ebanghelyo nga makatabang sa pagpabayaw. Ang pag-ampo adunay gahum sa pagbayaw kanato gikan sa kalibutanong mga tinguha. Ang pag-ampo makapasaka nato ngadto sa mga panganod sa kaalautan o kangitngit ngadto sa kahayag ug klaro nga kapunawpunawan.

Usa sa dakong mga panalangin ug mga pribilehiyo ug mga oportunidad nga atong naangkon isip mga anak sa atong Langitnong Amahan mao nga kita mahimong makig-istorya Kaniya pinaagi sa pag-ampo. Kita mahimong makig-istorya Kaniya sa atong mga kasinatian sa kinabuhi, mga pagsulay, ug mga panalangin. Kita mahimong maminaw ug makadawat og celestial nga giya gikan sa Balaang Espiritu sa bisan unsang panahon ug sa bisan unsang dapit.

(Tan-awa sa Dieter F. Uchtdorf, “Pag-ampo ug ang Asul nga Kapunawpunawan,” Ensign o Liahona, Hunyo 2009, 3–4)

Balik sa pahina 144.

Hisguti:Unsaon man nato sa pag-ila ang mga tubag sa atong pag-ampo? Ngano nga ang pagpaminaw importante man nga bahin sa atong pag-ampo?

Basaha:Doktrina ug mga Pakigsaad 8:2 ug ang kutlo ni Presidente Russell M. Nelson (naa dapit sa tuo)

“Ako mosulti kanimo diha sa imong hunahuna ug sa imong kasingkasing, pinaagi sa Espiritu Santo, nga moabut diha kanimo ug nga mopuyo diha sa imong kasingkasing.”

Doktrina ug mga Pakigsaad 8:2

“Ang inyong kalag mapanalanginan samtang magkat-on kamo sa pagpaminaw, dayon maminaw aron makakat-on gikan sa mga anak, mga ginikanan, mga kauban, mga silingan, ug mga lider sa Simbahan, kining tanan makapalambo sa kapasidad sa pagpaminaw sa tambag gikan sa kahitas-an.”

Russell M. Nelson, “Listen to Learn,” Ensign, Mayo 1991, 24

Hisguti:Ngano nga ang pagpaminaw usa man ka importane nga kahanas? Sa unsang paagi nga ang pagpaminaw og maayo makatabang kanato sa atong trabaho?

Kalihokan

Step 1: Isip grupo, basaha ang mga lakang sa ubos ug hisguti kini sa daklit.

Step 2: Hangyoa ang usa o duha ka sakop sa grupo nga sultihan ang uban bahin sa usa ka hagit o pangutana nga sila aduna. Ang tanan kinahanglang maningkamot sa pagpaminaw, magsunod niining mga lakang.

Step 3: Pangutan-a ang mga sakop sa grupo kinsa misulti kon unsay ilang gibati sa dihang ang grupo naningkamot gayud sa pagpaminaw.

Basaha:Mga kinutlo ni Presidente Henry B. Eyring and Elder Robert D. Hales (naa dapit sa tuo)

“Ang atong Langitnong Amahan naminaw sa mga pag-ampo sa Iyang mga anak sa tibuok yuta nga nangamuyo sa mga pagkaon aron kaunon, sa mga sinina aron itabon sa ilang mga lawas, ug sa dignidad nga magagikan sa pagkahimong makasangkap sa ilang kaugalingon.”

Henry B. Eyring, “Mga Oportunidad sa Paghimo og Maayo,” Ensign o Liahona, Mayo 2011, 22

“Kinahanglan kita nga mangayo og panabang sa atong Langitnong Amahan ug magtinguha og kusog pinaagi sa Pag-ula sa Iyang Anak, nga si Jesukristo. Diha sa temporal ug espirituhanong mga butang, [kini] makahimo kanato nga madaginuton nga tigsangkap sa atong mga kaugalingon ug sa uban.”

Robert D. Hales, “Pagkahimong Madaginuton nga mga Tigsangkap sa Temporal ug Espirituhanong Paagi,” Ensign o Liahona, Mayo 2009, 8

Mo-commit:I-commit nga himoon ang mosunod nga buluhaton sa semana. I-tsek ang mga box kon makompleto nimo ang matag buluhaton.

• Magtinagsa sa pag-ampo ug isip pamilya matag buntag ug gabii. Gahini og panahon kada human sa pag-ampo ang matinahurong pagpaminaw sa giya.

• Ipaambit sa imong pamilya o mga higala kon unsay imong nakat-unan karon mahitungod sa pagpakigsulti.