Mga Kapanguhaan

Matang sa Pag-invest	Depinisyon	Fixed o Variable
Savings Account	Ang deposit account, sa kasagaran anha sa bangko o ubang institusyon sa panalapi, nga sa kasagaran mugbo ra ang rate of return. Ang mga tag-iya sa account makahimo sa pag-withdraw ug pag-deposito nga walay penalty.	Fixed
Certificate of Deposit (CD)	Usa ka account diin modeposito ka og piho nga kantidad sulod sa gitakda nga panahon; kon imong i-withdraw ang kwarta sa wala pa ang gitakda nga panahon, patungan ka og penalty (maibanan ang ubang kwarta nga gi-invest). Samtang gi-invest ang kwarta, motubo kini og gamayng fixed nga rate sa kitaon. Kon molapas na ang gitakda nga panahon, makuha na nimo ang orihinal nimong gi-invest, apil sa interest nga napatong.	Fixed
Bond	Usa ka pagpautang nga gi-invest diin kinahanglan nimong ipahulam ang imong kwarta ngadto sa usa ka tawo o organisasyon sulod sa gitakda nga panahon aron makadawat sa gilauman nga rate sa kitaon. Kon molapas na ang gitakda nga panahon, makuha na nimo ang orihinal nimong gi-invest, apil sa interest nga napatong. Ang bonds pweding i-isyu sa gobyerno ug sa mga korporasyon. Depende sa moisyu nga organisasyon, ang bonds makonsiderar nga mubo og risgo o taas og risgo.	Fixed
Stock	Nagrepresentar kini sa porsyon nga mapanag-iya diha sa usa ka kompanya, nga gibaligya isip shares [bahin]. Ang matag share nagrepresentar og usa ka piraso nga mapanag-iya, mao nga kon ang kompanya miisyu og 100,000 shares ug nanag-iya ka og usa ka share, nanag-iya ka og 1/100,000 niana nga kompanya. Ang rate sa kitaon mag-agad sa performance sa kompanya.	Variable
Mutual Fund	Sa kasagaran gilangkuban kini og usa ka grupo sa nagkalain-lain nga stocks ug bonds. Ang pundo dumalahon sa usa ka propesyunal. Ang mutual funds naghatag og yanong paagi aron ipalahi ang mga gi-invest. Kon ang mutual fund maayo og performance, ang balor sa imong gi-invest motubo. Kon dili maayo ang performance, ang balor sa imong gi-invest mous-os.	Variable
Real Estate	Ang pag-invest og butang nga mapanag-iya sa real property sama sa mga balay, apartment, o mga commercial building. Ang mga return [kitaon] moabut pinaagi sa matang sa kinitaan, pagtubo sa balor sa butang, o sa duha. Mahitabo usab ang pagka-alkansi sa daghang rason, lakip ang pag-us-os sa balor sa property o mga nag-abang nga wala makaabang o midaot sa kabtangan.	Variable
Pagpanag-iya og Negosyo	Kini nga pag-invest nagrepresentar sa pagpanag-iya og porsyon sa usa ka pribadong gipanag-iya nga negosyo. Ang mga returns mag-agad sa performance sa negosyo.	Variable